Skip to main content
153

Dette jobopslag er udløbet

Pisiortornermut Allaffimmut neqeroortarnermut inatsisileritooq imaluunniit fuldmægtigi

Periusissatigut pisiortortarnermik Namminersorlutik Oqartussanut sullisserusuppit, soorlu pisiortornerit neqeroornerillu suliarisarnissaannik? Neqerooruteqarnermi inatsisilerituutut periuseqarnissaq piginnaasaqarfigaajuk ajornartorsiutinillu artornarsinnaasunik suliaqarneq nuannaralugu -  immaqa tassaavutit Pisiortortarnernut, Ineqartitsigallartarnernut Ininillu Attartuinermut Allaffimmi suleqatitaassarput.

Allaffiup neqeroorutit aamma pilersuisunut isumaqatigiissutit  Namminersorlutik Oqartussat tassungalu attuumassutillit sinnerlugit siunnersorlugillu isumagisarpai.  Akileraartartut aningaasaataat sapinngisamik pitsaanerpaamik atornissaat tassani qulakkiissallugu siunertaavoq, pilersuisullu namminersortut imminnut unammilleqatigiinnerat tamanut naapertuuttumik paasiuminartumillu tunngaveqarnissaa.

Suliassatit
Sulininni suliassatit pingaarnerit makkuupput:

  • Neqeroorutit isumassarsiamiit nalilerneqarneranut atortuulersinneqarnissaanullu suliaqarneq naammassillugulu suliaqarneq
  • Pilersuisunik isumaqatiginninniarnerit
  • Isumaqatigiissutit naammassillugit suliarineri, isumaqatigiissuteqarneq, isumaqatigiissutit atortuulersinneri aamma aqunneri
  • Pisiortortarnermi susassaqarfinni tamani suleqatigiinneqartarlunilu ataqatigiissaarisoqartassaaq
  • Neqerooruteqartitsinermut aamma suliarinnittussanik isumaqatigiissusiornermut atatillugu Namminersorlutik Oqartussat immikkoortortaqarfiinik ilitsersuisarneq siunnersuisarnerlu
  • Namminersorlutik Oqartussat pisiniariaasiinik pitsaanerpaaffiliineq
  • Suliffiup iluani avataanilu soqutigisalinnik attaveqarsinnaaneq
  • Pisiortortarnerup ilaani niuernermut inatsisinullu tunngasunik suliaqartarneq
  • Inissiisarnerni (illusisimaviit pillugit) inatsisitigut ajornartorsiutinik suliaqarneq
  • Isumaqatigiissutinik, maleruagassanik eqquutitsisarnernik pisanullu tulluuttunik misissueqqissaarnernik malitseqartitsineq


Suliffik soqutiginartoq inussiarnersumik suleqatigiiffiusoq persuarsiorpalunngitsorlu  neqeroorutigisinnaavarput aammalu assigiinngitsorpassuarnik sulialik. Pisiortortartoqatigiilerlaani ilaassaatit, matumanilu pingaartipparput qaffasissumik suliatigut inissisimanissaq kiisalu suleqatit pimoorussisut, ajortussarsiunngitsut sullisserusuttullu akuulluartuunissaat nuannaartuunissaallu.

Atorfik Pisiortortarnernut, Ineqartitsigallartarnernut Ininillu Attartuinermut Allaffimmi inissisimavoq. Allaffik Aningaasaqarnermut Sulisoqarnermullu Aqutsisoqarfiup Kiffartuussinermut Immikkoortortaata ilaani inissisimavoq, tassanilu sulisuupput allaffimmi pisortaq, sulisut arfinillit ilinniartullu marluk. Allaffik taamaalilluni mikisuuvoq, tassanilu suliassat amerlapput ikioqatigiillutalu sulisarluta.

Sapaatip akunneranut nalunaaquttap akunneri 40-t suliffik.

Atorfiniffissaq: 1. marts 2022 isumaqatigiissuteqarnikkulluunniit.

Ilinniakkat misilittakkatillu
Ujarpavut assigiinngitsunik tunuliaqutillit. Assersuutigalugu cand.merc.jur-itut, cand.jur-itut, cand.negot-itut imaluunniit cand.scient.pol-itut ilinniarsimassaatit.
Neqerooruteqartitsisarnermut tunngassutilinni misilittagaqarnissat neriuutigaarput kisiannili ilinniakkamik naammassinnerlaat naleqquttumik piginnaasallit aamma isiginiarneqarput. Suliassiissutinik sulerusussuseqarnerit piumassuseqarnerillu pingaarnerpaavoq.

Illit inuttut piginnaasatit
Allaffiup suliarisartagai assigiinngitsorpassuupput, taakkulu naleqquttumik piginnaanilimmik ujarlernitta takussuserpaa.
Sulisunik periarfissarsiullaqqissunik ammasunillu pisariaqartitsivugut, attaveqartarfiit amerlasuut akornanniinnermik nuannarisaqartunik aammalu attaveqarfigisinnaasat amerlisarnerannut pikkorissunik kiisalu pisariaqartitsineq malillugu matussusiisinnaasunik.
Sulininni misissueqqissaarnerusinnaaguit immikkuualuttunullu paasinnissinnaaguit aamma atorfissaqartippatsigit. Aammattaaq oqaatsitigut allattarnikkullu oqaaseqatigiiliorluarsinnaassaatit.
Takorloorparput aaqqissuusseqqissaartarnissat, qaangiinissamik aamma angusaqarluarsinnaanermik isumaliortaaseqassasutit. Piumassuseqarputit angusaqarusussuseqarlutillu aamma suliap naammassineqarnissaanut sunniuteqarluartumik piginnaasaqarputit.
Tamatuma saniatigut suleqatiginnissinnaanermut piginnaasaqarluassaatit kiisalu nammineersinnaassuseqarlutit suliamillu tamakkiisumik takunnissinnaallutit. Tamakkiisumik isiginnillutit eqqarsarsinnaassaatit niuernermullu paasinnissinnaassallutit.

Attavigiuk qinnuteqarnerlu
Atorfik pillugu apeqqutissaqaruit Allaffimmi pisortaq Naja Lydeking-Olsen attaviginissaanut tikilluaqqusaavutit ugguuna nlyn@nanoq.gl imaluunniit oqarasuaatikkut +299 34 52 08. Namminersorlutik Oqartussat pillugit paasissutissat sukumiinerusut quppersakkami uani www.naalakkersuisut.gl-imi atuarneqarsinnaapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk