Skip to main content
152

Dette jobopslag er udløbet

Pinngortitamut, Avatangiisinut Ilisimatusarnermullu Naalakkersuisoqarfik sulisussarsiorpoq naalakkersuisup allattaanik

Suliffik pissaganartoq, ineriartortuartorlu, illit Naalakkersuisoqarfiup suliassaqarfiini tamaginni naalakkersuinikkut suliaqarnerup allaffissornerullu akornanni ataqatigiissitsisuussallutit.
 
Naalakkersuisumut Naalakkersuisup allattaatut atorfik sapinngisamik piaartumik imaluunniit isumaqatigiissuteqarnikkut atorfiniffigineqarnissamut inuttaqanngilaq.
 
Naalakkersuisup allattaata suliassai:

  • Naalakkersuisunut ilaasortap sapinngisamik pitsaanerpaamik sullinneqarnissaanut aammalu suliassaqarfimmi naalakkersuinikkut suliaqarnermi atugassat isummernissamut tunngavissiat pitsaasuunissaannut qulakkeereqataassaatit.
  • Politikkinik oqaasertalersuinermut ingerlatitseqqiinermullu ikiuuttassaatit.
  • Naalakkersuisunut ilaasortap Naalakkersuisutut akisussaasuunerminik naammassinnissinnaanissaanut eqeersimaartumik peqataassaatit.
  • Naalakkersuisoqarfimmi pisortaaneq suleqatigalugu Naalakkersuisunut ilaasortap suliassaannik, suliassaqarfinnut immikkoortortaqarfinni suliarineqartariaqartunik, ataqatigiissaarineq.
  • Naalakkersuisunut ilaasortap oqalugiaatissaannut, allagaannut, tusagassiuutitigut nalunaarutaannut il.il. missingiutinik piareersaanermut peqataaneq.
  • Naalakkersuisunut ilaasortap ataatsimiinnissaannik sulillunilu angalanissaannut pilersaarusiorneq piareersaanerlu.
  • Naalakkersuisunut ilaasortaq isumaqatigiissutaannik aqutsinermi allanillu suliassanik suliarisariaqartunik il.il. sullillugu, ilanngullugu Naalakkersuisunut ilaasortap ataatsimiinnerinit assigiinngitsunit aalajangiussanut imaqarniliorneq.
  • Nutserinernik suliassat annikinnerusut.
  • Naalakkersuisunut ilaasortamut avataaneersut saaffiginnissutaannut attaveqaataaneq.
     
    Atorfimmut atatillugu angalasoqartartussaavoq ilaannikkullu annertuumik suliassaqarfiusussaalluni.
     
    Allatsip Naalakkersuisunut ilaasortaq pineqartup sullittussaanngikkaagamiuk, Naalakkersuisoqarfimmi suliassanik allanik suliarinninnermi peqataanissaq piareersimaffigissavaa.
     

Piukkunnassutsit:

  • Inuiaqatigiinni kalaallini pissutsinut annertuumik ilisimasaqarneq aammalu ilinniagartuutut imaluunniit allatut naleqquttumik ilinniarsimasuuneq.
  • Politikkimik imaluunniit allatut aaqqissuussaanikkut sulinermik misilittagaqarneq.
  • Allattariarsorluni oqaluinnarlunilu oqaatsinut piginnaasaqarluarneq.
  • Ataqatigiissaarillaqqissuuneq, suleqateqallaqqissuuneq aammalu allanngorartunik atugaqarsinnaaneq – aamma pisuni ulapaarfiusuni.
  • Oqaluinnarluni taamatullu allattariarsorluni attaveqaqateqallaqqissuuneq.
  • Peqqissaartuuneq.
     

Aningaasarsianut atorfeqarnermilu atugassarititaasut 
Aningaasarsianut atorfeqarnermilu atugassarititaasut, ilanngullugit makkununnga pisinnaatitaaneq: atorfininnermi soraarnermilu akiliunneqarluni angalanissaq pigisallu nuutinnissai, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissut atorfininnerup nalaani atuuttoq naapertorlugu pissapput.
 
Tamatuma malitsigisaanik isumaqatigiissutit malilugit aningaasarsiat saniatigut naalakkersuisup allattaanut tapeq qaammammut kr. 6.800,00 tunniunneqarsinnaavoq aammalu qaammatit pingasukkaarlugit nalunaaquttap akunnerini 60-ini piareersimanissaq pisussaaffigineqarluni.
 
Qinnuteqartunut isumaqatigiissuteqarfigineqarsimanngitsunut, ataasiakkaanut isumaqatigiissuteqarnikkut atorfinitsitsineq pissaaq.
 
Piffissaq suliffiusussaq sapaatip akunneranut nalunaaquttap akunneri 40-it, taamaattoq takuuk piareersimanissamut pisussaaffeqarneq.
 
Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Annertunerusumik paasisaqarusuppit? 
Atorfik pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Clasen oqarasuaammut: 345416 saaffigisinnaavat.
 
Namminersorlutik Oqartussat pillugit annertunerusumik paasisaqarusukkuit, annertunerusumik atuarsinnaavutit uani www.naalakkersuisut.gl.
Qinnuteqaat CV, soraarummeersimanermut uppernarsaatit ilaalu ilanngullugit, ilanngullugit, quppernermi matumani linki aqqutigalugu nassiunneqassapput. E-mail-ikkut tigussanngilarput.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk