Skip to main content
66

Dette jobopslag er udløbet

Pinngortitamut Avatangiisinullu Naalakkersuisoqarfimmi siunnersorti

Eqiingasuuit, ataatsikkut suliassanik amerlasuunik suliaqarnermik inuppassuarnillu assigiinngitsunik suleqateqarnermik? Taamaappat Pinngortitamut Avatangiisinullu Naalakkersuisoqarfimmi siunnersortinngornissamut periarfissaqarputit, tassanilu ilaatigut nutaanik sulisoqalernermi suliassat, nutsikkat pitsaassusaannik qulakkeerisarneq aammalu kiffartuussinermi, aningaasaqarnermi sulisullu pillugit aqutsinermi suliassat suliarissavatit.

Uagutsinnut tunngasut:
Pinngortitamut Avatangiisinullu Naalakkersuisoqarfiup Naalakkersuisoqarfiuvoq, pingasunik immikkoortortaqartoq ataatsimillu aqutsisoqarfeqartoq. Suliffeqarfiuvoq assigiinngitsorpassuarnik inulik piginnaaneqarfeqarfiusorlu. Kiffartuussinermut, Aningaasaqarnermut Sulisoqarnermullu Immikkoortortaqarfimmut inissinneqassaatit.

Kiffartuussinermut, Aningaasaqarnermut Sulisoqarnermullu Immikkoortortaqarfimmi atorfinitsitsisarnerni soraartarnernilu, nutsikkat pitsaassusiinik qulakkeerisarnerni kiffartuussinernilu suliassat annertuumik suliaraagut.

Atorfik pillugu
Immikkoortortaqarfimmi mikisunnguami, Naalakkersuisoqarfiup ulluinnarni suliassanut politikkikkullu tulleriiaakkanut tunngatillugu allaffissornerani kiffartuussisumi tapertaasumilu sulilissaatit. Suliffeqarfik pitsaasunik suleqateqarfiusoq, pingaartorsiorfiunngitsunik pissuseqarfiusoq aammalu toqqissisimanissamik inuttullu ineriartortitsinissamik pingaartitsiviusoq suliffigilissavat.

Ilinnut tunngasut:

  • Attuumassutilimmik ilinniagaqarsimassaatit, soorlu atorfinitsitsisarnermut inatsisit tunngaviusut, AU-qaffasinnerusumik ilinniarsimaneq imaluunniit TNI-mi ilinniarsimaneq
  • Kalaallisut danskisullu allakkat pitsaassusiinik qulakkeerisarneq pikkoriffigissavat, ajornanngippallu misilittagaqarfigissallugu
  • Namminersorsinnaassaatit suliniuteqarsinnaassallutillu
  • Pisussaaffinnik naammassinnissinnaassaatit patajaatsuussallutillu
  • Aaqqissuussamik sulisinnaassaatit aammalu piffissaliussat malinneqarnissaannut qulakkeerinissamut piginnaaneqassallutit
  • Akisussaaffimmik tigusinissat allanullu siunnersorneqarniarlutit tunuarsimaarfigissanngilatit
  • Suliassanik naammassinninnissamut akisussaaffeqarnerit saqqummersilluarsinnaassavat
  • Suliasssaalersunik ikiuinermilu suliassanik assigiinngitsunik naammassinninnissamut piareersimassaatit
  • Isumagissaartuussaatit
  • Kalaallisut danskisullu marluinnik oqaaseqassaatit

Tamatuma saniatigut kiffartuussinissaq ilisimaarissavat, eqaatsumik aaqqiisinnaassaatit aammalu nutaanik suliaqarnissamut piginnaaneqassallutit, tamatumalu saniatigut suliassatit paasisimaarisinnaassavatit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Annertunerusumik paasisaqarusuppit?
Atorfik pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Clasen oqarasuaat 345416-imut attaveqarfigisinnaavat.

Namminersorlutik Oqartussat pillugit annertunerusumik paasisaqarusukkuit, www.naalakkersuisut.gl aqqutigalugu atuagaqarsinnaavutit.
Qinnuteqaat CV-mik, soraarummeernermut uppernarsaatinik allanillu ilaqartinneqartoq quppernermi matumani linki aqqutigalugu nassiunneqassaaq.

Qinnuteqarnissamut piffissarititaasoq
Qinnuteqaat CV-mik soraarummeernermullu uppernarsaatit assilinerinik ilaqartinneqartoq linki matuma kingulianiittoq atorlugu kingusinnerpaamik ulloq 29.03.2020-imi nassiunneqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk