Skip to main content
89

Pinngortitamut Avatangiisinullu Naalakkersuisoqarfimmi siunnersorti

Pinngortitamut Avatangiisinullu Naalakkersuisoqarfimmi siunnersorti
Eqiingasuuit aammalu suliassaqarfiit akimorlugit suleqateqarnissaq nuannaraajuk? Taamaappat siunnersortinngorsinnaavutit, kiffartuussinermi, aningaasaqarnermi sulisunillu aqutsinermi suliassaqarfiit assigiinngitsut akimorlugit suliaqarnissamut periarfissaqarfigalugit.

Neqeroorutigaavut:
Pinngortitamut Avatangiisinullu Naalakkersuisoqarfiup Naalakkersuisoqarfiuvoq, pingasunik immikkoortortaqartoq ataatsimillu aqutsisoqarfeqartoq. Kiffartuussinermut, Aningaasaqarnermut Sulisoqarnermullu Immikkoortortaqarfimmut inissinneqassaatit.

Kiffartuussinermut, Aningaasaqarnermut Sulisoqarnermullu Immikkoortortaqarfimmi ilaatigut journalilerinermi, allakkanik nalinginnaasunik digitaliusunillu tigooraanermik, atortunullu elektroniskiusunut nalunaarsuinermik suliaqarfiusumi, kiisalu suliassanik il.il. ilioraanermi toqqorsisarnermilu, aammalu journalinut pilersaarutinik elektroniskiusunik ingerlaavartumik nutarterisarnermi suliassat suliarissavatit. Aamma journalilerisoq immikkoortortaqarfimmi suliassat assigiinngitsorpassuit isumagineqarnerinut suleqataasassaaq. Kiffartuussinermut, aningaasaqarnermut sulisoqarnermullu immikkoortortaqarfimmi suliassaqarfinni allani sulisunut ikorfartuutaassaatit aammalu Naalakkersuisoqarfimmi immikkoortortaqarfinni allani suliassaalersunik tigusisinnaassallutit.


Suliassatit
Immikkoortortaqarfimmi mikisunnguami, Naalakkersuisoqarfiup ulluinnarni suliassanut politikkikkullu tulleriiaakkanut tunngatillugu allaffissornerani kiffartuussisumi tapertaasumilu sulilissaatit. Suliffeqarfik pitsaasunik suleqateqarfiusoq, pingaartorsiorfiunngitsunik pissuseqarfiusoq aammalu toqqissisimasumik ineriartortitsinissamillu pingaartitsiviusoq suliffigilissavat.

Naatsorsuutigaarput:

  • Namminersorsinnaassuseqassasutit pisussaaffinnillu naammassinnissinnaassasutit
  • Piffissani ulapaarfiusuni eqqissisimasinnaassaatit sungiussisimassallutillu
  • Kiffartuussinissamik ilisimaarinnittuussasutit
  • Ilikkartikkuminartuussasutit aaqqissuussaanernillu uummaarissunik sungiussisimasuussasutit
  • Naapertuisuussasutit
  • Kalaallisut danskisullu marluinnik oqaaseqassasutit
  • Suliassaalersunik tapersiiffissanillu assigiinngitsunik suliaqarnissamut piareersimasuussasutit


Piginnaaneqarfiit
Kiffartuussinissamut ilisimaarinnittuuvutit, namminersorsinnaavutit eqaatsumillu aaqqiisinnaassuseqarputit, suliassanik nutaanik tigusisinnaassuseqarluarlutit suliassanillu paasisimaarinnittuullutit. Eqqissisimasuuvutit, naapertuisuuvutit, unammilligassat kajumissaatigisarpatit, pisussaaffinnik naammassinnissinnaavutit, ilumoorussisuuvutit isumagissaartuullutillu.

Tamatuma saniatigut naatsorsuutigaarput:

  • attuumassutilimmik ilinniagaqarsimassasutit, soorlu TNI-mi, Ilinniagartuunngorniat Ilinniarfianni Ilinniartitaanermi assigisaaniluunniit
  • sullississutit Outlook, Regneark aamma Word ilisimavatit, aammalu XAL, IRIS aamma F2 ilisimagukkit iluaqutaassaaq
  • controlling ilisimasaqarfigaat
  • aaqqissuussamik sulisinnaavutit piffissarititaasunillu eqquinissap qulakkeerneqarnissaa piginnaaneqarfigaat
  • namminersorlutit sulisinnaavutit suliniuteqarsinnaallutillu
  • akisussaaffimmik tigusinissat aammalu allanut siunnersortissarsiorlutit aperinissat ersiginngilat
  • suliassat suliarinerini kiisalu suleriaatsinik pioreersunik atuininni akisussaassuseqarneq sakkortuumik misigisimallugu takutissinnaavat
  • inuit suliassaqarfiillu assigiinngitsorpassuit suleqatigisinnaavatit
  • isumagissaartuuvutit suliallu inerneqarnissaannut pikkorissuseqarlutit


Annertunerusumik paasisaqarusuppit?
Atorfik pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Clasen oqarasuaat 345416-imut attaveqarfigisinnaavat.

Namminersorlutik Oqartussat pillugit annertunerusumik paasisaqarusukkuit, www.naalakkersuisut.gl aqqutigalugu annertunerusumik atuagaqarsinnaavutit.
Qinnuteqaat CV-mik, soraarummeernermut uppernarsaatinik allanillu ilaqartinneqartoq quppernermi matumani linki aqqutigalugu nassiunneqassaaq. E-mail-inik tigusisanngilagut.

Qinnuteqarnissamut piffissarititaasoq
Qinnuteqaat CV-mik soraarummeernermullu uppernarsaatit assilinerinik ilaqartinneqartoq linki matuma kingulianiittoq atorlugu kingusinnerpaamik ulloq 3. december 2019-imi nassiunneqassaaq. E-mail-ikkut qinnuteqaatinik tigusisanngilagut.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk