Skip to main content
100

Pinngortitamut Avatangiisinullu Naalakkersuisoqarfimmi siunnersorti

Ulapaarfinni sulisinnaavit oqaatsinillu suliaqarnissat nuannaralugu? Taamaappat siunnersortinngorsinnaavutit, kiffartuussinermi, aningaasaqarnermi sulisunillu aqutsinermi suliassaqarfiit assigiinngitsut akimorlugit suliaqarnissamut periarfissaqarfigalugit.

Neqeroorutigaavut:
Pinngortitamut Avatangiisinullu Naalakkersuisoqarfik Naalakkersuisoqarfiuvoq, pingasunik immikkoortortaqartoq ataatsimillu aqutsisoqarfeqartoq. Kiffartuussinermut, Aningaasaqarnermut Sulisoqarnermullu Immikkoortortaqarfimmut inissinneqassaatit.

Kiffartuussinermut, Aningaasaqarnermut Sulisoqarnermullu Immikkoortortaqarfimmi ilaatigut nutsigassanik ataqatigiisaarineq, atuaqqissaarineq kiisalu sullissinerup iluani suliassat assigiingitsut suliarisassavatit.


Suliassatit
Immikkoortortaqarfimmi mikisunnguami, Naalakkersuisoqarfiup ulluinnarni suliassanut politikkikkullu tulleriiaakkanut tunngatillugu allaffissornerani kiffartuussisumi tapertaasumilu sulilissaatit. Suliffeqarfik pitsaasunik suleqateqarfiusoq, pingaartorsiorfiunngitsunik pissuseqarfiusoq aammalu toqqissisimaniaammik ineriartortitsinissamillu pingaartitsiviusoq suliffigilissavat.

Naatsorsuutigaarput:

  • Kalaallisut qallunaatullu oqalussinnaasoq
  • Allakkanik kalaallisuumiit qallunaatuumut paarlattuanullu pitsaassutsimik qulakkeerisarnermik sungiussisimasoq
  • Ulapaarfinni eqqissisimalluni sulisinnaasoq sungiussisimasorlu
  • Namminersorsinnaassuseqassasutit pisussaaffinnillu naammassinnissinnaassasutit
  • Kiffartuussinissamik ilisimaarinnittuussasutit
  • Ilikkartikkuminartuussasutit aaqqissuussaanernillu uummaarissunik sungiussisimasuussasutit
  • Naapertuisuussasutit
  • Suliassaalersunik tapersiiffissanillu assigiinngitsunik suliaqarnissamut piareersimasuussasutit


Piginnaaneqarfiit
Kiffartuussinissamut ilisimaarinnittuuvutit, namminersorsinnaavutit eqaatsuuvutit kalaallit qallunaallu oqaasiinik ilisimasaqarluarputit kiisalu suliassanik nutaanik tigusisinnaassuseqarluarlutit suliassanillu paasisimaarinnittuullutit. Eqqissisimasuuvutit, naapertuisuuvutit, unammilligassat kajumissaatigisarpatit, pisussaaffinnik naammassinnissinnaavutit, ilumoorussisuuvutit isumagissaartuullutillu.

Tamatuma saniatigut naatsorsuutigaarput:

  • attuumassutilimmik ilinniagaqarsimassasutit, soorlu Nutserisutut, TNI-mi imaluunniit Aqutsinermut Ilinniartitaanermi ilinniagartuutut
  • sullississutit Outlook, Regneark aamma Word ilisimavatit, aamma F2 ilisimagukkit iluaqutaassaaq
  • aaqqissuussamik sulisinnaavutit piffissarititaasunillu eqquinissap qulakkeerneqarnissaa piginnaaneqarfigaat
  • namminersorlutit sulisinnaavutit suliniuteqarsinnaallutillu
  • akisussaaffimmik tigusinissat aammalu allanut siunnersortissarsiorlutit aperinissat ersiginngilat
  • suliassat suliarinerini kiisalu suleriaatsini pioreersuni akisussaassuseqarneq sakkortuumik misigisimallugu takutissinnaavat
  • inuit suliassaqarfiillu assigiinngitsorpassuit suleqatigisinnaavatit
  • isumagissaartuuvutit suliallu inerneqarnissaannut pikkorissuseqarlutit


Akissarsiat atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput

Ineqarneq
Atorfimmut atatillugu sulisunut inissiamik innersuussisoqassanngilaq. Qinnuteqartoq Namminersorlutik Oqartussani atorfeqarnermigut sulisunut inissiami najugaqareersimaguni, sulisunut inissiamut innersuunneqarsinnaatitaanini pigiinnassavaa. Sulisinut inissiaq atorfeqarnermut atasuuvoq, aammalu atorfeqarnerup naanerani qimanneqassalluni.

Annertunerusumik paasisaqarusuppit? 
Atorfik pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Clasen tlf.: 345416-imut attaveqarfigisinnaavat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk