Skip to main content
112

Dette jobopslag er udløbet

Pinngortitamut Avatangiisinullu Naalakkersuisoqarfik pissarsiorpoq Overassistentimik

Naalakkersuisoqarfiup Kiffartuussinermut, Aningaasaqarnermut Sulisoqarnermullu Immikkoortortaqarfiup Journalileriffiani piffissaq tamakkerlugu overassistentitut atorfik decembarip aallaqqaat 2019 atorfiniffigineqarsinnaalluni inuttassarsiorneqarpoq.
 
Suliassat
Pinngortitamut Avatangiisinullu Naalakkersuisoqarfik naalakkersuisoqarfiuvoq pingasunik immikkoortortaqarfeqartoq ataatsimillu aqutsisoqarfeqartoq. Kiffartuussinermut, Aningaasaqarnermut Sulisoqarnermullu Immikkoortortaqarfimmut inissinneqassaatit.

Journalileriffimmi ilaatigut allakkanik nalinginnaasunik elektroniskiusunillu tigooqqaaneq atortunullu elektroniskiusunut nalunaarsuineq, kiisalu sulianik toqqorterineq ilioqqaanerlu il.il., aammalu journalilersuinermi pilersaarummik elektroniskiusumik ingerlaavartumik nutarterineq suliassaapput. Sulisoq journalilerisoq aamma immikkoortortami suliassat assigiinngitsut suliarineqarnerini ikiuuttarpoq.

Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq qullersarissavat, aammalu suleqatigiit ataatsimoortut, immikkoortortaqarfimmi suliassanik anguniagassanillu ingerlatsisut suleqatigilissavatit. Suleqatigiit taakku aamma piffissani ulappiffiusuni tapersersortassavaatsit.

Naatsorsuutigaarput:

  • Kalaallisut danskisullu marluinnik oqaaseqassasutit
  • F2-mik aamma Outlook-imik ilisimasaqarneq iluaqutaassaaq, ilinniartitsisoqarsinnaavorli
  • Ataqatigiissaarinermik piginnaaneqarluassaatit
  • Torersaartuussasutit kiffartuussinermillu ilisimaarinnittuussasutit
  • Ulappunnermi eqqissisimasinnaassasutit sungiussisimasuussassutillu
  • Namminersorsinnaassasutit pisussaaffinnillu naammassinnissinnaassasutit
  • Kiffartuussinermik ilisimaarinnittuussasutit
  • Ilinniartikkuminartuussasutit aaqqissuussaanermillu uummaarissumik sungiussisimasuussasutit
  • Naapertuisuussasutit
  • Suliassaalersunik assigiinngitsunik suliaqarnissamut tapersersuinissamullu piareersimassasutit


Annertunerusumik paasisaqarusuppit?
Atorfik pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Clasen tlf.: 345416-imut attaveqarfigisinnaavat.

Namminersorlutik Oqartussat pillugit paasissutissanik amerlanerusunik pissarserusukkuit www.naalakkersuisut.gl alakkarlugu atuagaqarsinnaavutit.
Qinnuteqaat CV-mik, soraarummeernermut uppernarsaatinik allanillu ilaqartinneqartoq quppernermi uani linki aqqutigalugu nassiunneqassaaq. E-mailinik tigusaqartanngilagut.

Qinnuteqarnissamut killigititaq
Qinnuteqaat CV-mik, soraarummeernermut uppernarsaatinik allanillu ilaqartinneqartoq linki matuma kinguliani allassimasoq aqqutigalugu kingusinnerpaamik oktoberip 17-t 2019 nassiunneqassaaq. E-mailikkut qinnuteqaatinik tigusaqartanngilagut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk