Skip to main content
67

Dette jobopslag er udløbet

Pinngortitaleriffimmi nerisarfimmi igaffimmi assistentimik

Suleqatigilluakkat mamartunik nerisassiuuttarusuppigit?
Pinngortitaleriffik igaffimmi assistentitut ilinniarsimasumik nerisarfimmi piaarnerpaamik isumaqatigiissuteqarnikkulluuniit atorfinittussamik pissarsiorpoq, nerisarfinni pisartuussapput nalinginnaasut pissanganartuullutillu.

Atorfiup allaaserineqarnera:
Igaffimmi aqutsisoq suleqatigalugu ataani suliassat pissapput

  • Ullut tamaasa kissartunik nillertunillu nerisassiat, qallersuutissat salatillu tigoriaannaat suliarineqartassapput.
  • Ullut ilaanni ullakkorsiusiornerit
  • Ataatsimiinnissanut / tikeraanut nerisassiat
  • Saliinerit, erruinerit/eqqiaanerit, eqqiluisaarneq/imminut nakkutigineq, atuineq, pisiniarfiliarnerit, kaffit sulliffeqarfimmilu sullissinerit allat.


Ilinnut tunngatillugu pingaartitavut:
Suleriaasissamik piginnaasat:

  • Igaffimmi assistentitut ilinniarsimasoq assigisaanilluunniit.
  • Eqqiluisaarnermut ilinniarsimanermut uppernarsaat
  • Nammineertoq pilersaarusiornermullu peqataalluartoq
  • Peqqissaartoq sullarissuunissamut piginnaasaqartoq
  • Tatiginartoq akissussaagffimmillu tigusisinnaasoq.


Inuttut piginnaasat:

  • Ilakkuminartoq inussiarnersorlu
  • Eqiasuitsoq sulianut allanngorarsinnaasunut suliaqarsinnaasoq
  • Aalajaatsoq piffissarlu eqqorlugu suliartortartoq
  • Qarasaasiamik atuisinnaasoq (tassunga ilanngullugit wordimik, excelimik  aamma Outlookimik)


Qinnuteqaateqarnissamut killissarititaasoq kingulleq: 20. marts 2020

Pinngortitaleriffimmi atorfik pillugu Pinngortitaleriffiup nittartagaani paasisaaqarnerusinnaavutit www.natur.gl aamma suliffik pillugu igaffimmi aqutsisoq Marie Louise Siegstad attaveqarfigalugu paasisaqarnerusinnaavutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk