Skip to main content
108

Dette jobopslag er udløbet

PINNGORTITALERIFFIK SANNA-MUT AQUTTUMIK PISSARSIORPOQ

Umiarsuatsinnut misissuivimmut ”SANNA”-mut 2019-imi martsip ulluisa aallaqqaataani atorfinittussamik aquttumik pissarsiorpugut.
 
UMIARSUAQ:
Ilisimatusartut umiarsuaat 30 meterisut takissuseqarpoq (500 GT ataallugu) aamma Cummins pingaarnermik K38-M Tier 2-mik motooreqarpoq (1000HK) aamma Cummins QSM 11D-nik marlunnik innaallagissiuuteqarpoq. Angallat inunnut 16-inut inissaqarpoq (inuttat arfinillit biologillu qulit).
 
ATORFIMMUT TUNNGASUT:
Naalagaq suleqatigalugu ulluinnarni ingerlatsinerit isumagissavatit aamma Pinngortitaleriffimmi Allatseqarfimmi pisortaq qullersaralugu umiarsuup nalinginnaasumik aserfallatsaaliorneqarnera isumagissavat. Biologit inuttallu teknikkikkut ajornartorsiuteqarlutik iluarsiiniarneranni ikiortassavasi aamma umiarsuarmi isumannaallisaanermut ineriartortitseqataassaasi pitsanngorsaaqataallusilu. Ukiumoortumik juunimiit decembarip tungaanut nalinginnaasumik qaammatini sisamaniit tallimanut sivisutigisumik aallaqataasarnissarsi naatsorsuutigissavarsi. Piffissami tamatumani sivikinnerusumik sulinngiffeqartoqarsinnaavoq. Ukiukkut umiarsuaq Nuummi uninngatillugu (decembarimiit maajimut) umiarsuarmik nakkutilliisuussaasi, amutsivimmiinnissaq pilersaarusiorlugu isumagalugulu.
 
INUTTUT ILISARNAATIT
Aalisariutini naalakkatut 1. graditut ilinniagaqartoq/sætteskipperitut imaani inuussutissarsiuteqarnermik uppernarsaataatilik. 
Akisussaassuseqarluartuunissat, atornerluisuunnginnissat aamma sulinermut, suleqatinut umiarsuarmilu allaanerusunik sulialinnut ajunngitsumik isummertartuunissat pingaartipparput.
Atuisartutut Microsoft Wordimik aamma Excelimik piginnaasaqarnissat iluaqutaasinnaavoq, piumasaqaataananili, ilinniartitsisoqarsinnaammammi.
 
ATUGASSARITITAASUT
Pinngortitaleriffiup umiarsuaataani aalajangersimasumik inuttaasut ukiumut ulluni 180-ini sulinerit amerlaqataannik aalajangersimasumik qaammammusiaqartinneqarput. Ullut 180-it sinnerlugit inuttaasimagaanni ulluni amerlanerusuni sulisimasutut ukiup naanerani tapisiaqartitsisoqartarpoq. Tamakku pillugit aalajangersakkat nittartakkakkut www.natur.gl-ikkut aaneqarsinnaapput imaluunniit allattoqarfimmi pisortaq Kathrine Lund Olsen imaluunniit naalakkamut Rink Heinrich attaveqarfigalugit pissarsiarineqarsinnaallutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.