Find job
Dette jobopslag er udløbet
Pinngortitaleriffik illuutinut atortunullu akisussaasussamik pissarsiorpoq
Pinngortitaleriffik sulisussarsiorpoq suliffeqarfiup illuutaanik, teknikkikkut atortorissaarutaanik, asimi atortunik allarpassuarnillu nakkutilliisussamik. Sulisussarsiorpugut tulluuttumik teknikkimut tunngasumik ilinniarsimasumik suliffinnilu assingusuni misilittagaqarluartumik.
Akisussaaffigalugillu suliassaapput:
- Pinngortitaleriffiup Nuummi illuutaasa arfinillit ingerlannissaat aserfallatsaaliinissaallu
- Misissuisarfimmi Kangerluarsunnguaniittumi ingerlatsineq, aserfallatsaaliineq ataqatigiissaarinerlu
- Assassorlutik suliaqartartut suleqatigisartakkallu ataqatigiissaarlugit
- Atortut motorillit ajoquteqannginnissaat soorlu biilit, umiatsiaaqqat, qamuteralaat il.il.
- Teknikkimut atortut lagerianni akisussaasuunissaq
- Pedelit 1 ½-inik amerlassusillit akisussaaffigalugit
Piginnaasaritikkusutat:
- Teknikkimut assassornermulluunniit tunngasumik ilinniarsimasuunissaq biilersinnaanermullu allagartaqarnissaq
- Suliamik assingusumik misilittagaqarnissaq
- Aaqqissuussaasumik, tamakkiisumillu isiginnissinnaassuseqarnissaq, torersuunissaq akisussaassuseqarnissarlu
- Suleqatinut avataaneersunullu attaveqallaqqissuullunilu suleqateqallaqqissoq
- IT-mi atortunik atuisinnaassuseqartoq (Microsoft Office)
- Sullissillaqqissoq
- Ulluni allanngorartuni eqaatsumik sulisinnaassusilik
- Sulisinnaassuseqartoq namminersullaqqissorlu
- Sapinngisamik marluinnik oqaasilik (kalaallisut danskisullu) tuluttoorsinnaasinnaalluni
- Quianartunik takunnissinnaassuseqarlunilu inuppalaartuunissaq
Atorfik 1. december 2023 isumaqatigiissuteqarnerluunniit aallaavigalugu inuttalerneqarusuppoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job