Skip to main content
158

Dette jobopslag er udløbet

Pinngortitaleriffik ilisimatusarnermut umiarsuaminut igasussarsiorpoq

R/V TARAJOQ Pinngortitaleriffiup ilisimatusarnermut umiarsuaa pimoorussisumik akisussaassuseqartumillu igasussarsiorpoq.

Atorfik akisussaaffilik neqeroorutigaarput, suleqatigiimmi ingerlalluartut akornanni suleqatigiinneq pimoorussinerlu pingaartilluinnarlugit suliassamik isumaginnittartuugatta.
 

Umiarsuarmi igasutut makkua suliassaraatit:

  • Umiarsuarmi inuttanut 10 aamma 14 akornganni amerlassusilinnut kiisalu ilisimatusartunut 8-10 amerlassusilinnut suliamullu attuumassuteqartup eqqiluisaarnissaanik iggassisussamik sassaalliisussamillu pissarsiorpugut. Umiarsuarmi inuuneq qanoq issanersoq siumoortumik oqaatigiuminaattarmat, allannguutit eqaatsumik tulluarsarfigisinnaasariaqarpatit neriffissammi ilaannikkut allannguuteqartarmata.
  • Nerisassanut atugassanut missingersuutiliornissamut malinnissaannullu akisussaaqataasussaavutit pisiniartarfiillu aqqutigalugit taquassarsiniarnissanut isumaginnittassallutit. Nerisassat pitsaasut, peqqinnartut allanngorartullu sassaalliutigisarnissaannut nerisassiassanillu atuilluarnissaq piginnaaneqarfigissavatit asuli eqqaanissaq pinngitsoortinniarlugu.
  • Nerisassaasivimmi, iggavimmi nerisarfimmilu eqquluitsitsinissamut sulininni akisussaasuusartussaavutit. Tamakkua saniatigut naalakkap peqqussutai malillugit sillimaniarnermut suliassatigut sungiusarnernullu peqataasarnissamut kajumissuseqartussaavutit.


Naatsorsuutigivarput:

  • Umiarsuarmi igasutut ilinniarsimasuussasutit misilittagaqarluarsinnaaqaatillu
  • Imaani sillimaniarnissamut pikkorissarsimanermut uppernarsaat atuuttoq pigissavat
  • Peqqissuuninnut uppernarsaat suli atuuttoq pigisussaavat
  • Isumassarsiullaqqissuullutillu eqaatsumik periuseqarputit
  • Eqqiluisaarluinnaqqissaartuuvutit
  • Tatiginartuullutillu ilakkuminartuuvutit
  • Nuannersortaanik isiginnillaqqissuuvutit namminersorsinnaassuseqarlutillu
  • Aaqqissuussaasumik namminerlu sulisinnaassuseqarputit
  • Qarasaasiamik atuisinnaassuseqassaatit (soorlu word, excel & Outlook )

Atorfik pillugu apeqqutissaqaruit allaffissornermut pisortamut Kathrine Lund Olsenimut saaffiginninnissannut tikilluaqqusaavutit uggunatigut oqarasuaat 361200 imaluunniit emaili kalu@natur.gl aqqutigalugit.


ATORFININNERMI ATUGASSARITITAASUT
Akissarsiassatut atorfeqarnermilu malittarisassat Pinngortitaleriffimmi qaammassusiaqarlutik atorfilinnut atugassarititaasut ukiumut ullut 180it suliffigisarlugit najoqqutassat malillugit akissarsiaqartitsillunilu atorfeqartitsisoqassaaq. Akissarsiat allattorsimaffiat nittartakkamiit www.natur.gl -imiit aaneqarsinnaavoq imaluunniit Allaffissornikkut pisortamut Kathrine lund Olsen-imut saaffiginninnikkut pissarsiarineqarsinnaalluni. 
Atorfimmut tunngatillugu inissaqartitsisoqanngilaq.
 

Qinnuteqaat

ilinniarsimanersut uppernarsaatit, siornatigut suliarisimasaq soraarummeernermilu uppernarsaatit assigisaallu ilanngullugit uunga nassiussisoqassaaq kingusinnerpaamik ulloq30. juni 2023: Pinngortitaleriffik, att. Allaffissornermut Pisortaq Kathrine Lund Olsen, Boks 570, DK-3900 Nuuk, oqarasuaat.: 36 1200.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk