Skip to main content
114

Dette jobopslag er udløbet

Pinngitsuuisinnaajunnaarnermut Katsorsaasoq Qeqqata Allorfianut Sisimiuniittumut

Allorfik innuttaasunut, meeqqanut inuusuttunullu pinngitsuuisinnaajunnaarnermik ajornartorsiutilinnut katsorsaavik Allorfik Qeqqata katsorsaasumik inuttassarsiuivoq. Novembarip aallaqqaataani (01/11-2020)-mi aallartissinnaaguit imaluunniit isumaqatigiinnikkut sulilernissaat kissaatigaarput. Allorfiup sulissutigileruttorpaa meeqqanut inuusuttunullu (15-nit 29-illu) akornanni ukiulinnut katsorsaasinnaaneq. Taamaattumik kissaatigaaarput meeqqanik inuusuttunillu oqaloqateqarsinaanermik misilittagaqarnissat.

Ilinniagaqarnermut tunngatillugu naatsorsuutigaarput tunngaviusumik ilinniagaqartuusimassasutit, soorlu  ilinniartitsisutut perorsaasutut inunnilluunniit isumaginnittutut ilinniagaqarnissat.

Allorfimmi katsorsaaneq paasinnittaaserlu aqqutigalugu ilaqutariinnut katsorsaaneq pillugu sakkut atorlugit katsorsaariaaseq ingerlanneqartarpoq. Ilinniarsimasuunngikkuit ilinniaqqinnissat Allorfiup isumagissuaa.

Supervisions-, psykoterapuet-itut imaluunniit assingusumik ilinniarsimassaguit iluaqutaassaaq.

Qeqqata Kommuniani innuttaasut Allorfik Qeqqaniit sullinneqartarput, taakkuuppullu imigassamik, ikiaroornartumik, aningaasanoornermillu pinngitsuuisinnaajunnaarnikuusut. Taamaattumik angalasinnaanissaq naatsorsuutigineqassaaq. Sullissivimmi sisamat katsorsaasuupput, katsorsaasullu ilaat ataaseq aqutsisuuvoq.

Allorfiit tamarmik Pinngitsuuisinnaajunnaarnermik Paasisimasaqarfik Nuummiittup ataani inissisimapput, nunalu tamakkerlugu pinngitsuuisinnaajunnnaarnermut suliniuteqartuullutik. Suliassanut sunneeqataalluarsinnaavutit Pinngitsuuisinnaajunnaarnermilu Paasisimasaqarfik suleqatigalugu, taakkua aamma ilinnut ilitsersuissapput taanna ilaatigut nuna tamakkerlugu katsorsaanermi pilersaarut malillugu siunissami katsorsaanissamut atuutilertitsinermik suliaqarpoq. Supervision-ertarnissat aamma neqeroorutaavoq.

Aamma innuttaasunik inersimasunik sullissisassaatit, suleqatitit assigalugit kiisalu meeqqanik inuusuttunillu aamma sullississallutit.

Katsorsaassutut ilaatigut:

  • Katsorsartinnissamut kajumisssaarisassaatit Motivational Interviewing atorlugu
  • Toqqammavissaqarluartumik tunngaveqarluni ataasiakkaanut katsorsaanernik pilersaarusiortarnissaq
  • Innuttaasunik imigassamik, ikiaroornartumik aningaasanoorajunnermilu katsorsaaneq ilitsersuinerlu
  • Katsorsartereernerup kingorna katsorsaaqqinneq, qanigisanilu ilitsersuineq
  • Oqaloqatigiittarnerni erseqqissaaneq nunalu tamakkerlugu paasissutissanik katersivimmut nalunaarsuinertalik
  • Katsorsartissimasup katsorsartereernerup kingorna pilersaarneqarnera kommunilu ajoqutaasinnaasunik suleqatigiissutigalugu
  • Allorfiup ataani ilinniartitaanernut neqeroorusiornissaanut peqataaneq.


Naatsorsuutigaarput:

  • Meeqqanik inuusuttuaqqanillu oqaloqateqartarnermik misilittagaqarnissat
  • Katsorsaaneq pikkoriffigalugu soqutigisarigit
  • Inuttut inissaqartitsisuusutit akuersaartuullutillu
  • Innuttaasut salliutissinnaagitit
  • Namminersorsinnaallutillu akisussaaffeqartuusutit
  • Ullup ingerlanissaa aaqqissuutillaqqikkit
  • Pinngitsuuisinnaajunnaarneq pillugu ingerlaavartumik ilinniaqqinnissat kissaatigigit
  • Faginut arlalinnut sammisut akimorlugit suleqatiginnissinnaassutit faginillu allani ilinniartitsisinnaasutit
  • Katsorsaariaatsitsinni nutaaliortuunissat naatsorsuutigissuarput.


Katsorsaaneq annermik kalaallisut ingerlanneqartarpoq oqalutseqarsinnaaneq periarfissaalluni, ilinniarnerlu qallunaatut ingerlanneqartarluni. Taamaattumik marluinnik oqaaseqartuunissat pingaaruteqarpoq.

Ulloq qinnuteqarfissaq kingulleq Septembarip 22-at 2020

Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Birgit Niclasen oqa. 525343, mail bivn@allorfik.gl immaqaluunniit aqutsisoqarfiup ningiua Karla Olsen oqarasuaat +299 584343, mail kosn@allorfik.gl
Allorfimmut tunngatillugu paasissutissat: www.allorfik.gl

Pineqaatissinneqarsinannginnermik- Meeqqanillu innarliisimannginnermik uppernarsaatit
Tamatumuuna naatsorsuutigineqassaaq Pineqaatissinneqarsimannginnermik- Meeqqanillu innarliisimannginnermik uppernarsaatinik pisinnaanermut akuersissut piumaneqassammat nammineq uppernarsaatit taakkua nassanngikkukkit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk