Skip to main content
127

Dette jobopslag er udløbet

Pilersaarutinik ataqatigiissaarisoq/ilisimatusarnermut teknikeri

Pinngortitaleriffimmi Silap Pissusaanik Ilisimatusarfik pilersaarutinik ataqatigiissaarisumik / ilisimatusarnermut teknikerimik pissarsiorpoq
 
Silap Pissusaanik Ilisimatusarfik Pinngortitaleriffimmi immikkoortortaqarfiuvoq. Silap Pissusaanik Ilisimatusarfik ilisimatusarnernut, siunnersuinernut ilinniartitaanernullu immikkoortortaqarfiuvoq silap allanngorneranit immami uumasoqatigiinnut avatangiisaannullu kiisalu kalaallinut inuiaqatigiinnut sunniutaanik ilisimatusarfiusoq.
Laboratoriami pilersaarutinik ataqatigiissarisumik / ilisimatusartunut teknikerimik Silap Pissusaanik Ilisimatusarfimmi sulinermut savituumut nuannersumut unammillernartumullu peqataalersussamik pissarsiorpugut. Suliassat tamatigoortuupput aamma qinnuteqaateqartoq Silap Pissusaanik Ilisimatusarfimmi teknikerinik ilisimatusartunillu allanik qanimut suleqateqassaaq. Inuk suleqataalluartoq tamatigoortorlu aamma suleqatiginnissinnaassuseqarlunilu ataqatigiissarisinnaassuseqartoq, ulluinnarni suliassanik unammillernartumik suliarinnissinnaasumik aamma ilisimatusartunik nunanit tamalaaneersunik suleqateqarusuttumik pissarsiorpugut. Sulininni peqqissaartuunissat, suliniuteqarluartuunissat, imminut kajumissarsinnaanissat aamma suleqatiginnissinnaanissat nammineerlutillu sulisinnaanissat pingaartissavarput.
Atorfimmi suliat tikillugit suliartortoqartarnissaa naatsorsuutigineqanngilaq, annermik umiarsuarnit anginerusunit mikinerusumilluunniit misiligutissanik katersisoqartarpoq Taamaattumik qinnuteqaateqartup immakkut angallarissuunissaa, angallateeqqanillu sulissutiginnissinnaanissaa iluaqutaassapput.

Suliassat pingaarnerit:

  • Immikkoortortaqarfimmi laborantit ilisimatusartullu suleqatigalugit misissueqqissaarinerit
  • Laboratoriarmi misissueqqissaarinernut periutsinik pitsanngorsaanerit nassuiaanerillu
  • Laboratoriami atortorissaarutinik atortunillu nalinginnaasumik ingerlatsinernut aserfallatsaaliuinernullu peqataanerit
  • Suleqatigiinni ilisimatusartut misileraallutik sulineranni misiligutissanillu katersineranni ikiorlugit
  • Laboratoriami isumannaallisaaneq malittarisassanut atuuttunut naapertuuttuuneranik qulakkeerinninnissaq
  • Atortunik piareersaanerit, atortut atorunnaarnerini toqqorsivimmukaannissaat, atorneqaqqilernissaannullu piareersartarnissaat
  • Ataqatigiissaarineq, pilersaarusiorneq, laboratoriami misissuiartortinnilu suliassanik aqutsisarnissaq
  • Misissugassanik katerinerit, paasissutissanik nalunaarsuinerit paasissutissallu eqqortumik iliorarneqarsimanersut nakkutigisarnissaat

Piginnaasat:
Qinnuteqaateqartup laboratoriami misilittagaqarnissaa, suleqatigiinni suleqataanermut sungiussisimasuunissaa tamannali ilutigalugu nammineerluni sulisinnaanissaa timitaliisarnissaalu pingaartinneqarput. Laboratoriami pequusivimmilu aaqqissuussinerni ilusilersuinernilu piginnaasat aamma laboratoriami ulluinnarni suliassanik pilersaarusiorsinnaanerit suliarinnissinnaanerillu pingaartinneqarput. Suleqammik inussiarnersumik suleqataalluartumillu aamma assigiinngitsunik sulialinnik suleqateqarsinnaasumik pissarsiorpugut.

Angalasarnerit:
Nunatsinni avataanilu annikinnerusumik angalasoqartarnissaa naatsorsuugineqarsinnaammat, angalanerit ulluinnarni inuunermut tulluarsarneqarsinnaanissaat pingaaruteqassaaq.

Qinnuteqaateqarnissamut killissarititaasoq: 5. juni 2022

Annerusumik paasisaqarniaruit attavigisinnaavat Immikkoortortami Pisortaq Mie Winding miwi@natur.gl imaluunniit +299 361200-imut sianerluni. Silap Pissusianik Ilisimatusarfiup nittartagaa isiginnaaneqarsinnaavoq: www.gcrc.gl

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk