Skip to main content
67

Dette jobopslag er udløbet

Pikkorissartitsinermi aqutsisoq/Nakkutilliisoq

Pisortatut Ilisimatusarfik Pikkorissarnermi aqutsisumik/Nakkutilliisumik pissarsiorpoq

Pisortatut Ilisimatusarfik qajannaatsumik aalajaalluartumillu tunngaveqarluni ilinniaqqiffiuvoq – assigiinngitsorpassuarnik iinuussutissarsiuteqarnerup tungaatigut ilinniaqqinnissamut neqerooruteqartartoq.
Anguniagaraarput Kalaallit Nunaanni inuussutissarsiutinut ineriartortitsinermi ilisimasanut, misilittakkanut qitiussasoq. Taamaattumik maannakkut immikkoortortaqarfimmi aqutsisumik pissarsiorpugut. Illiua ujangarput?

Suliarissavatit…
Sulisunik suleqateqassaatit, pisortat ilisimatusarfiani sullitanut sulianik pitsaasunik tuniserusuttut,  misigisanillu nuannersunik pikkorissareernermi, ilinniaqqereernermilu angerlamut nassatassanik tunniusserusuttunik. Pikkorissarnermi aqqutisutut/Nakkutilliisutut, pikkorissarnerit piviusunngortinnissai, ilinniaqqinnerit allallu akisussaaffigissavatit.
Akisussaaffigissavatit, Pisortatut Ilisimatusarfimmi aningaasaqarnikkut pilersaarusiorneq, aammalu ulluinnarni ingerlatsineq, taamatuttaaq pikkorissanermut system-mi IRIS kiisalu XAL atorlugit sullissineq.
Suliassat pingaartut ilagaat, sullitanut attaveqarnerup ataavartumik ineriartortinnissaa, suleqatillu peqatigalugit pikkorissarnernik neqeroorusiornissaq. Pikkorissarnermi aqqutisutut/Nakkutilliisutut attaveqaatigissavat Niuernermik Ilinniarfimmi pisortaq aammalu allammimmi, sullissisunullu aqutsisuussaatit.

Kissaatigaarput…
Inuk ammasoq, alajaatsoq nutaaliortorlu, suliassanut tamakkiisumik isiginnissinnaassusilik aammalu pikkorissarnernik pitsaasunik pilersitserusuttoq. Immaqa taamaattunik misilittagaqareerputit.

Ingerlaqqiffiusumik ilinniagaqarsimassaatit imaluunniit STI/TNI aqqutigalugu ilinniagalik assigisaanilluunniit. Microsoft Office-millu atuisinnasoq, kalaallisut qallunaatullu oqaaseqartuussaatit.
Uangutsinnut pingaaruteqarpoq, suleqatigiinni aammalu pikkorissartunik ilinniartunillu sullissilluartuussasutit aammalu nammineerluni sulisinnaasoq suut tamaasa akimorlugit, suliffimmilu ineriartortuartumi sulisinnaasoq. 

Neqeroorutigaarput…
Suliffik pissanganartoq, ilinniarfimmi ineriartortumi, aammalu suliatigut pikkorissarnertigut ilinniaqqinnissamillu ineriartorfiusumi. Allaffissornermi pilersaarusiornermilu periutsinik pinngorartitsisinnaasoq Pisortatut Ilisimatusarfiani ulluinnarni iluaqutaassussanik. Suliassanik pissanganartulik, pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarumatuunik suleqateqarneq.

Sapaatip akunneranut nal. ak. 40 tiimit suliffiuvoq. 1. april 2020 aallarnerfigalugu atorfinititsisoqassaaq, imaluunniit isumaqatigiissuteqarnikkut.
Ineqarneq

Annertunerusumik paasissutissat
Imminut Pikkorissarnermi aqqutisutut/Nakkutilliisutut piukkukkuit, annertunerusumillu paasisaqarusukkuit, saaffiginninnissannut tikilluaqquatsigit uunga Pia Nissen Olsen, tlf. 34 25 89 eller e-mail pino@ninuuk.gl

Pisortatut ilisimatusarfik pillugu annertunerusumik paasisaqarfigerusukkukku una nittartagaq takusinnaavat www.ninuuk.gl.

Qinnuteqarneq
Qinnuteqarnissaq kingusinnerpaamik 6. marts 2020 pissaaq. Qinnuteqartunik oqaloqateqarneq ataavartumik ingerlanneqassaaq qinnuteqarfissamut killigitinneqartoq naappat.

Tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk