Skip to main content
89

Piginnaasanik Aaqqissuussaanermillu Ineriartortitsivimmut allaffimmi pisortaq

Allaffimmik pingaaruteqartumik, ulapaarfiusumik uummariffiusumillu pikkorissartitsinernik piginnaasanik aaqqissuussaanermillu Ineriartortitsinernik inaarisarlunilu ineriartortitsisartumut aqutsisoorusuppit.
Taamaassappat atorfik taanna ilinnut piukkunnarluinnarpoq!
Aammattaaq Qitiusumik Allaffeqarfimmut tamarmut Sulisunut Ineriartortitsivimmi Suleqatigiinnernik piginnaasanillu ineriartortitsinernik suliaqartarpugut (700 miss. sulisut). Tamakkununnga ilaapput sulisussarsiortarnernik aammalu sulisorinniinnarsinnaanermut tunngasutigut ineriartortitsisarneq aammalu Qitiusumik Allaffeqarfimmi sulinermilu atugassarititaasunik pitsaasunik qulakkeerinninnissaq. 
Allaffik Kalaallit Nunaanni Pisortani Piginnaasanik Ataatsimut Ineriartortitsisarnernut siuttuuvoq (FOKU).  FOKU-p kommunit suleqatigalugit Kalaallit Nunaanni pisortaqarfinni sulisut tamarmik piginnaasaannik ineriartortitsinissanik neqeroorutigaa.
Allaffimmi arfineq-pingasunik sulisulimmut siuttutut inissisimalertussaavutit, tassani Aningaasaqarnermut Sulisoqarnermullu Aqutsisoqarfiup suleqatigineratigut anguniakkatsinnik piviusunngortitsiniarlutit suliaqartussaavutit: Kalaallit Nunaanni ineriartortitsinissanut isumalluutinik atorsinnaalersitsineq.

Suliarisartagassatit
Kalaallit Nunaat tamakkerlugu pisortat suliffeqarfiutaanni tunngavissiineq, piginnaasanik ineriartortitsisarnermik aaqqissuussineq atulersitsinerlu kiisalu Namminersorlutik Oqartussani Qitiusumik Allaffeqarfiani aaqqissuussaalluartumik sulisussarsiortarnissamik sulisunillu attassiinnarnissamik qulakkeerinnittussanik sulisunik ineriartortitsilluni suliaqartunik aqutsineq pingaarnertut suliarissavatit. Misissuisarnernik aammalu aaqqissuussinernik ineriartortitsinernik aqutsineq tassunga ilaapput. Allaffiup suliassaqarfiit akisussaaffigisaanut tunngatillugu maannakkut ineriartortitsisinnaanerit malinnaavigissavatit kiisalu pisortaqarfinnut tunngasunut tamanut aamma Kalaallit Nunaanni Namminersorlutik Oqartussat Qitiusumik Allaffeqarfianut sunniutaanik nalilersuillutit.

Suliamut tunngatillugu piginnaasassatit

  • Pisortatut aqutsisutullu misilittagaqarluartuuvutit - ajornanngippat politikikkut suliffiusumit misilittagaqartuullutit.
  • Aningaasanik aqutsinermik sulisunillu aqutsinermik misilittagaqarluartuuvutit.
  • Pisortat suliffeqarfiutaanni allaffissornikkut periutsinik misilittagaqartuuvutit.
  • Ilinniagartuutut allagartaqarputit, tassani aqutsisuuninnut ilapertuutaasumik, assersuutigalugu sulisunik piginnaanngorsaanermut (HR-uddannelse) tunngatillugu ilinniagaqarsimavutit imaluunniit aaqqissuussaanermi psykologimut tunngatillugu tunuliaqutaqarlutit.
  • Inuiaqatigiinnik kalaallinik ilisimasaqarluarputit aammalu inuaqatigiinnut tunngasunik paasisimasaqarlutit.
  • Kalaallisut/danskisut/tuluttullu piginnaasaqarluartuuvutit


Inuttut piginnaasassatit

  • Aqutsisutut nukittuujuvutit tatituujullutillu, annertuunik suliaqarsinnaallutillu unammillernartunik suliaqarsinnaavutit, kiisalu sulisunik assigiinngitsunik aqutsinissamik paasinnissimallutit.
  • Oqalunnikkut tatiginnilersitsisinnaasuuvutit, tusarnaarsinnaassuseqarlutillu aalajangiisinnaassuseqarputit.
  • Aaqqissugaanerup iluani avataanilu immikkoortortaqarfiit akimorlugit suleqatigiinnermik pilersitsisinnaaneq piginnaasaqarfigaat.
  • Angusaqarusuttuuvutit, aammali anguniakkap anguniarnerani iluarisimaarsinnaallutillu tamarmik ataatsimut anguniagaqaqataanissaannik qulakkeerinnissinnaallutit.
  • Tamatigoortuuvutit, uteriitsuullutit aammalu ajornakusoortunut atatillugu tamatigoortumik.akuliussinnaassuseqartumik aalajangiisinnaassuseqarlutit.
  • Pissutsinik ajornakusoortunik misissueqqissaarisinnaasuuvutit, assigiinngitsunik assersuussisarnernik ataqatigiissaarineq aammalu allaffimmi suliassanik nassuiaasinnaassuseqarlutit.

Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq. Aaqqissugaanermiipput naalakkersuisoqarfiit arlallit kiisalu aqutsisoqarfiit tamarmik immikkut suliassaqarfiusut.
 Piginnaasanik Aaqqissugaanermillu Ineriartortitsivik Aningaasaqarnermut Sulisoqarnermullu Aqutsisoqarfimmi inissisimavoq taannalu Aningaasaqarnermut Akileraaruteqartarnermullu Naalakkersuisoqarfiup ataani inissisimalluni.

Atorfik akissaateqarfimmi LR 36-misut qaffasissusilimmi maanna inissisimavoq.
Aningaasarsiat aalajangersimasunik aningaasarsianut ilallit LR 36-mi 1. april 2018-imiit qaammammut 45.394 kr.-nik ukiumullu 544.723 kr.-nik amerlassuseqarput.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsiatigut aamma atorfeqartitaanermi atugassarititaasut, taakkununnga ilanngullugit atorfinikkiartorluni soraarlunilu angalasinnaatitaanermut aamma pequtit assartornerannut akiliunneqartarneq, Namminersorlutik Oqartussat aamma pineqartup kattuffiata isumaqatigiinninniarsinnaatitaasup akornanni atorfinitsitaanermi piffissami atuuttumi isumaqatigiissutaat naapertorlugit ingerlanneqassapput.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.  Aammattaaq Nunamullu namminermut Ministeeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa.  Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Aallaaviusumik sapaatip akunnerani suliffiuvoq akunneri 40-t, atorfimi qaangiuttoornermusiaqarsinnaavoq ukiumoortumut akunneri 320 qaangersimagaani, qaammatinullu pingasunut avillugit 80-it, taamaattoq ulloq sulinngiffiusussaasoq annaagaani ajunngitsorsiassaqarfiunngilaq.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Paasissutissat sukumiinerusut
Atorfik pillugu paasissutissat erseqqinnerusut pissarsiarineqarsinnaapput una saaffigalugu Sulisoqarnermut pisortaq Rikke Skram-Skuldbøl, risk@nanoq.gl eller +299 34 6429.
Namminersorlutik Oqartussat pillugit erseqqinnerusumik paasisaqarusukkuit  www.naalakkersuisut.gl takuuk

Qinnuteqarnissamut ulloq kingulleq tassaavoq 18. novembari 2019.

Atorfiniffissaq piaarnerpaamik imaluunniit isumaqatigiissuteqarnikkut.
Atorfinitsitsinissamut oqaloqatiginninnerit sapaatip akunnerani 41-mi ingerlanneqassapput.
CV, soraarummeersimanermut uppernarsaatit, pineqartumullu attuumassuteqarsinnaasut qinnuteqaammi ilannguteqquneqarput.

 Naalakkersuisut
Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq.
Suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.
Namminersorlutik Oqartussat pillugit annertunerusumik uani atuarsinnaavutit www.naalakkersuisut.gl/job
 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk