Skip to main content
138

Dette jobopslag er udløbet

Perorsaasussarsiorneq Gertrud Rasks Minde

Perorsaasussarsiorneq Gertrud Rasks Minde
Marlunnik perorsaasussarsiorpugut Gertrud Rasks Minde mut, atorfinitsinneqarnissaq naatsorsaassavoq 1. Juli 2022. imaluunniit piaartumik.
Gertrud Rasks Minde angerlarsimaffiuvoq ulloq unnuarlu, meeqqanut innarluutilinnut 8-18-nik ukiulinnut.


Atorfik pillugu
Gertrud Rask´s Minde Meeqqanut angerlarsimaffiuvoq Ilaqutariinnermut Inatsisinullu Naalakkersuisoqarfiup ataani, Gertrud Rask´s Minde innarluutilinnut meeqqanut 15-nut najugaqarfiuvoq 6-18-nik tikillugit ukiullit. Gertrud Rask´s Minde-mi meeqqat innarluuteqartut sullitaraagut immikkoortunut marlunnut aveqqapput.
Immikkoortoq Nanuaqqat timikkut innarluutillit arfinillit: timimikkullu innarluutillit (multihandicappet), Noqartartut (Epilepsi) ikiortariaqartut sutigut tamatigut.
Immikkoortoq Akulliit ersinngitsumillu innarluutillit qulingiluat: ADHD, tusilartut, Noqartartut (Epilepsi), annikinnerusumik annertunerusumillu sumiginnakkat, eqqarsartaatimigut kinguarsimasut.

Naatsorsuutigivarput Illit:
Tamatigoortuusuunissat ulluinnatsinni soqutigisalik pissutigalugu timersorneq asimiinnerlu annertuumik ingerlatarigatsigit taamaammat pitsaassaqaaq illit:

  • Ineriartortitsinnaassuseqaruit.
  • Perorsaasutut ilinniarsimasuuguit.
  • Misilittagaqaruit innarluutilinnik aamma meeqqanut sumiginnakkanik sullissisinnaaneq.
  • Immikkut ilisimasaqaruit perorsaariaatsinik, qanilaartuuguit, suliakkersuisinnaasoq, suliassanillu tigusilluartuuguit.
  • Ullut aaqqissuussamik ingerlassinnaallugu eqqumaarilluarlutillu.
  • Inatsisinik maleruagassanik pisinnaatitaaffinnillu atorluaasinnaasoq
  • Suleqatit peqatigalugit ulluinnarni sullissisinnaasoq.
  • marluinnik oqaaseqartuuguit.
  • Aningaasarsiatigut atorfinitsitaanermilu atugassarititaasut

Sapaatip akunneranut suliffissat 40 timer

Qinnuteqarfissamut killigititaq 13. Juni Maj 2022

Atorfik pillugu annertunerusumik paasisaqarusukkuit uunga saaffiginnissaatit Forstander Niels Berthelsen mail: grm@nanoq.gl imaluunnit Souchef   Akutaq Olsen Hansen tlf. 382050 imaluunnit email: akoh.grm@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk