Skip to main content
116

Dette jobopslag er udløbet

Peqqissutsimut pitsaaliuinermullu Aqutsisoqarfimmut sulisoqarnermut siunnersorti

Kiffartuussisinnaassuseqarpit aammalu aqutsisut sulisullu suliaminnik suliaqarsinnaanissaannut sinaakkusiinissamik suliaqarusullutit?
 
Taava peqqinnissaqarfimmi ingerlalluartumi suliffimmi soqutiginartumi atorfininnissat naatsorsuutigisinnaavat. Ataatsimut eqqarsarsinnaassuseqarpugut tassanilu illit suleqatippillu suliaat ataqatigiissarluarneqartarput, atassuserluarneqartarput pingaartinneqarluartarlutillu.
 
Suliffissat
Sulisoqarnerup iluani suliaqarnermi aqutsisut suisullu ulluinnarni siunnersortarlugillu kiffartuuttassavatit. Suliassatit tassaanerussapput atorfeqarnermut, isumaqatigiissutinik nassuiaanermut, akissaatinut, atorfininnermut soraarnermullu tunngassuteqartunik saaffiginninnermik akissuteqarnerit. Naatsorsuutigaarputtaaq nammineerlutit sulisut aaliangersimasut akisussaaffigiumaaritit.
 
Piginnaasatit

  • Akkaffissornerup iluani misilittagaqarluarneq aammalu/imaluunniit ilinniarsimaneq
  • IT-nik atuilluarsinnaaneq – Microsoft Office, F2, MindKey Mit Perspektivilu atugaraagut
  • Qallunaatut kalaallisullu oqaaseqarneq - piumasaqaataanngilarli

 
Kinaavit?

  • Peqqissaartoq, misissuisinnaassusilik sukkasuumillu suliaqartartoq
  • Torissusermik akisussaassuseqarnermillu ilisimaarinnittoq – piffissap aaliangersimasup isumaqatigiissutaasullu iluani suliaqartorujussuusarpugut
  • Tusarnaarluarsinnaasoq paatsoorneqarsinnaanngitsumik attaveqarsinnaasoq
  • Eqaatsoq tunniusimasorlu

 
Kikkuuvugut?
Suleqatit pikkorissut aallussilluartullu suleqatitaarinissat erinigivaat. Ikioqatigiinneq oqaloqatigiinnerlu pingaartitaraagut.
 
Suliffeqarfimmi allanngoriartupiloortumi suleqataalissaatit. Kalaallit Nunaanni Peqqinnissaqarfimmi Kalaallit Nunaannilu Kigutileriffeqarfinni sulisunut kiffartuussinitta pitsanngorsarneqarnissaat ukkataraarput. Peqqissutsimut Pitsaaliuinermullu Aqutsisoqarfik Namminersorlutik Oqartussat ataanni Peqqissutsimut Naalakkersuisoqarfiup iluani inissisimavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk