Skip to main content
119

Dette jobopslag er udløbet

Peqqissutsimut Pitsaaliuinermullu Aqutsisoqarfimmut sulisoqarnermi siunnersorti

Kiffartuussisinnaassuseqarpit kiisalu aqutsisut sulisullu suliaminnik ingerlatsilluarsinnaanerannik pitsaanerpaamik sinaakkuseerusullutit?
 
Taava peqqinnissaqarfimmi ingerlalluartumi atorfimmik pissanganartumik naatsorsuuteqarsinnaavutit. Ataatsimut isiginnittuuvugut suleqativillu sulineri ataqatigiissaagaamut, attuumassuseteqarput pingaartinneqarlutillu.
 
Atorfik
Ulluinnarni sulisoqarnermut attuumassusilinnut aqutsisunut sulisunullu siunnersuisarlutillu kiffartuussisarputit. Suliassatit tassaanerussapput atotfeqarnermut attuumassuteqartunut, isumaqatigiinnissutinut, akissarsianut, atorfininnermut soraarniarnermullu attuumassuteqartunut apeqqutinut akissuteqarnissaq. Taakkua saniatigut atorfeqartunut suliaqarnermi allakkiortassallutit. Takorloorparput namminneerlutit akisussaaffeqarfiit aaliangersimasut akissaaffeqarfittut tigummiumaaritit.
 
Piginnaasat

  • Misilittagaqarluarneq imaluunniit allaffissornerup/inatsisilerinerup iluani ilinniarsinamissaq
  • IT—mik piginnaasaqarluarneq –Microsoft Office, F2, MindKey Mit Perspektivilu atugarisaraagut
  • Marloqiusamik oqaaseqartuuneq kalaallisut/qallunaatut - piumasaqaataanngilarli

 
Kinaavit?

  • Peqqissaartoq, misissuisinnaassusilik suliaqartillunilu sulianik naammassinnipallassinnasoq
  • Aaqqissuussaasumik akisussaassusilimmillu suleriusilik – piffissami aaliangersimasumi isumaqatigiissutaasunilu sulisarpugut
  • Tusarnaarluarsinnaasoq paasinartumillu attaveqartartoq
  • Eqaatsoq tunniusimasorlu

 
Kikkuuvugut
Sulisorpassuit pikkorissut aallussisullu suleqatigissavatit, taakkualu suleqatigilernissannut qilanaarput. Isummersoqatigiinneq oqaloqatigiinnerlu pingaartitaraarput.
 
Nuuk
Nuummi illoqarfik pinngortitarlu qanittunnguupput. Pisiniarfissuaqarpoq, isiginnaartitsisarfeqarpoq,
biografertarfeqarpoq, katersugaasiveqarpoq neriniartarfeqarpoq Kalaallit Nunaanneersunik nerisassiaatilinnik nunalli aamma tamalaat akornanninngaannerpalaartoqarluni. Kalaallit Nunaata pinngortitaa kusanavissoq periarfissarpassuaqarpoq nunamilu pisuttuarfissaqarluarluni, sisorarfissaqarluni, angalaarfissaqarluni aalisarfissaqarlunilu.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk