Skip to main content
100

Peqqissutsimut Pitsaaliuinermullu Aqutsisoqarfimmi aningaasaqarnermut pi-lersaarusiornermullu immikkoortortaqarfik controllerimik akissarsianut tunngasunik immikkut ukkassaqartussamik pissarsiorpoq

Peqqinnissaqarfiup siunissaq allanngorartuartoq pissanganartorlu politikkikkut, aningaasaqarnikkut nakorsaanikkullu soqutigisatigut unamilligassaqarfiusoq suliassaqarfigaa. Immikkoortortami ilaatigut suleriaatsinik aningaasartuutissatullu missingersuutinik malittarinninnermik pitsanngorsaanissamik ukkassiviusumi kiisalu periarfissanik nutaanik inerisaanissamik qulakkeerisumi akuulissaatit.
 
Sulisoqarnermut immikkoortortaqarfik akissarsialerivillu qanimut suleqatigalugit aningaasaqarnikkut aqutsineq 
Aningaasaqarnermut pilersaarusiornermullu immikkoortortaqarfik peqqinnissaqarfiup qullersaqarfiata ataani inissisimavoq. Immikkoortortami sulisut arfineq pingasut qulaaluallu akornanniippugut, sinerissamilu, Dronning Ingridip Napparsimmavissuanik immikkoortortanillu allani sulisunik qanimut suleqateqarluta. Peqqinnissaqarfimmi tamakkiisumi 1200-illu missaannik sulisulimmi, aningaasanik aqutsineq tamatumunngalu atatillugu aningaasartuutinut tunngatillugu pilersaarusiorneq malinnaanerlu, suliassatta pingaarnersaraat.
Tamatuma saniatigut suleriaatsinik pitsanngorsaaneq-, naatsorsueqqissaarneq-, tusarniaavigineqarnermi akissuteqaasiorneq politikerillu saaffiginnissutaat isumagisaraagut.  
 
Aaqqissuussaanikkut aningaasaqarnermut immikkoortortaqarfimmut attaveqassaatit Peqqinnissaqarfiup sulisoqarnermut immikkoortortaqarfianik Nammiersorlutillu Oqartussat akissarsileriviannik qanimut suleqateqassallutit. Apeqqutinut akissarsianut tunngasunut nalinginnaasumillu akissarsianut tunngatillugu malinnaanermut, Peqqinnissakkut sullissisunut pingaarnertut attaviussaatit.
 
Akissarsianik malittarinninneq, aningaasartuutissanik missingersuineq misissueqqissaarnerlu
Soqutigisat piginnaasallu naapertorlugit nammineq suliassavit pilersaarusiorlugillu suliarinerat akisussaaqataaffigissavat. Takorluukkagut naapertorlugit ingerlatsinermut atatillugu suliassat makku akisussaaffigissavatit:

  • Akissarsiat, siumoortumik akisarsisitsineq assigisaallu pillugit akissarsialerivimmut nalunnaaruteqartarneq
  • Akissarsianik kukkusumik nalunaarsorsimasunik malittarinninneq
  • Peqqinnissakkut sullissisut akissarsiaannut tunngatillugu pingaarnertut attaviuneq.
  • Akissarsiat pillugit nalunaarusiorneq.
  • Akissarsianik nakkutilliineq
  • Aningaasarsiat qanoq ineriartornerannik misissueqqissaarneq.
  • Akissarsianut tunngatillugu missingersuusiorneq
  • Akissarsiat immikkut qitiutillugit aningaasartuutissatut missingersuutinik malittarinninneq.

 
Tamatuma saniatigut aallarnisakkani siunissamilu, immikkoortut akimorlugit suliniutini ilaatigut ass. teknikki digitaliusoq atorlugu pigaartuuffissanik pilersaarusiorneq, akissarsianut tunngatillugu suleriaasissiorneq kiisalu akissarsialerinermik pitsanngorsaaneq pillugit suliariumaakkani peqataasassaatit.
 
Misilittagaqarputit, kisitsinut kakkattuullutit qarasaasiarsornerlu pikkoriffigalugu

  • Ukiuni arlalinni akissarsianik malittarinninnermik, misissueqqissaarnermik aningaasartuutissanillu missingersuinermik nalinginnasumillu aningaasanik aqutsinermik misilittagaqartuunerit ujartorparput
  • Excel -imik atuisinnaanissat qarasaasiarsornermillu pikkoriffeqarnissat piumasaqaataapput.
  • Suliassatit misissueqqissaarnermik ilaqarmata misissueqqissaarnermut piginnaaneqarluarnissat kisitsisilerinermullu kakkattuunissat pingaaruteqarpoq
  • Suliassat ilaat ajornartorsiutaasarmata paasilertoruminaatsut ingerlateqqitassallu, attaveqarsinnaanissat ersarissumik paaasilertoruminartumillu allakkatigut oqaatsitigullu ingerlatitseqqiisinnaanissat pingaaruteqarpoq

 
Ataatsimut isiginnissinnaassutsimut pikkoriffeqarnissat, ataqatigiissaarisinnaanissat, nunap immikkoortuini sumiiffiit,- ilinniagaqassuseq- politikkikkullu killiliussat akimorlugit ingelatitseqqiisinnaanissat kissaatigaarput. Suliaqarninni suleqateqarninnilu piumassuseqassaatit akisussaassuseqarlutillu.  
 
Inuttut persuarsiortuunnginnissat qiimasuunissallu pingaartipparput.
Ulluinnarni persuarsiorani suleqatigiinnerup illarnermik qiimasaarnermillu sunnerneqartup sullivimmi pitsaasunik avatangiiseqarnissamut tunniusseqataasarnera upperaarput. Taamaammat ataqatigiinnermik sullivimmilu avatangiisinik nukittuunik pilersitsinissamut atatillugu ilinniagaqassutsikkut inuttullu attaveqatigiinnermut piumassuseqarnissat kissaatigaarput.
 
Persuarsiunnginneq annertuumillu anguniagaqarneq 
Suliffeqarfimmi allanngorartuartumi ineriartortuartumi suliffik pissanganartoq pimoorussisunik sulisulik neqeroorutigaarput. Kiffartuussinermut ilinniagaqassutsimullu tunngatillugu angusaqarusussuserput qaffasimmat ineriartortuarnissamut periarfissaqarpoq.
Ininut nutaanut ammallutik qaamasunut persuarsiorpallaarani ataqatigiinnissamut periarfissiisunut nutseqammerpugut. Tamatta immikkut akisussaaffeqarpugut ilisimasanilli avitseqatigiinnissaq qitiutillugu. Ajornartorsiutit sulianillu ingerlatsinissaq pillugit ulluinnarni siunersioqatigiittuarpugut.
 
Paasissutissat allat
Atorfik pillugu annertunerusunik paasisaqarusukkuit aningaasaqarnermut pisortaq Bodil Kjær Andersen oqarasuaatikkut: (+299) 34 48 84 boka@peqqik.gl attavigisinnaavat.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk