Skip to main content
116

Dette jobopslag er udløbet

Peqqissutsimut Naalakkersuisoqarfimmut peqqissutsikkut suliatigut siunnersorti / fuldmægtig – qitornartaarsimalluni sulinngiffeqartumut paarlattaasumik

Politikkikkut aqunneqartumi peqqissutsimut tunngasut iluini allanngorartunik suliassaqarfiusumi sulissallutit iluarigukku, taava atorfissaqartippatsigit.
Peqqissutsimut Naalakkersuisoqarfik peqqissutsikkut suliatigut siunnersortimik / fuldmægtigimik –  qitornartaarsimalluni sulinngiffeqartumut taartaasussarsiorpoq ulloq 2020 decembarip aallaqqaataaniit 2021-mi augustip 31.-ianut, imaluunniit isumaqatigiissuteqarnikkut.
Atorfik Periusissiornermut, Pilersaarusiornermut, Naligiisitaanermullu immikkoortortaqarfimmi inissisimavoq.  Immikkoortortaqarfimmit Peqqissutsimut Naalakkersuisoq sullinneqartarpoq aammalu oqartussaasutut aamma ineriartortitsinermut suliassanut kiisalu naalakkersuisoqarfiup peqqissutsimut tunngasut iluini suliassanut akisussaasuulluni. Immikkoortortaqarfimmi sulinermut Peqqissutsimut Naalakkersuisumik Naalakkersuisoqarfiullu pisortaanik sullissineq ilaavoq. Peqqissutsimut sulianut siunnersorti naalakkersuisoqarfiup pisortaanut attaveqartassaaq.

Suliassat
Ilaatigut suliassat makkuussapput:

  • Naalakkersuisumik peqqissutsimut sulianik siunnersuineq
  • Peqqissutsimut sulianik misissueqqissaarinernik, nassuiaatinik, pilersaarutinik aamma peqqissutsimut sulianut periusissianik pingaarnernik kiisalu taakkunanngalu nakkutilliinermik nalilersuinermillu suliaqarnerit.
  • Inatsisartunit Naalakkersuisunillu peqqissutsimut suliat pillugit apeqqutinik suliarinninneq.
  • Naligiissitaanermik - aammalu Inuit pisinnaatitaaffii pillugit suliassanik suliaqartarnerit
  • Naalakkersuisoqarfinnik allanik immikkoortortaqarfiinillu suleqateqarneq
  • Naalakkersuisoqarfimmi suliassanik isumaginninnermi malinnaalluni ataatsimiinnerni peqataaneq
  • Nuna tamakkerlugu nunallu tamalaat akornanni sulianut siunnersuisoqatigiinnut ataatsimiititalianullu attuumassuteqartunut


Piginnaasat:
Naleqquttumik peqqissutsimut ilisimatusarnermik ilinniagaqarsimassasutit, peqqinnissaqarfimmut tunngasunik immikkullu kalaallit nunaanni peqqinnissaqarfimmut tunngasunik misilittagaqartutit naatsorsuutigaarput. Tamatuma saniatigut naatsorsuutigaarput suliffeqarfimmi politikkikkut aqunneqartumi sulinermik ilisimasaqassasutit misilittagaqassasutillu, tassunga ilanngullugit pisortat ingerlatsiviini suleriaatsinik paasisimasaqassasutit. Taakku saniatigut makku naatsorsuutigaavut:

  • Inuiaqatigiinni kalaallini pissutsinik ilisimasaqarluassasutit
  • Pingasuinnik oqaaseqartutit – kalaallisut, qallunaatut tuluttullu
  • Oqaluttariarsornikkut allattariarsornikkullu attaveqaqatigiinnermik piginnaasaqarluassasutit
  • Ataqatigiissaarillaqqissasutit, aamma iluarsartuullugit pilersaarusianut, susassaqarfiit nunallu akimorlugit suleqatigiinnermik soqutiginnissasutit misilittagaqarlutillu
  • Sulinermi aaqqiinissamik pingaartitsissasutit
  • Aaqqissuussaasumik sulisassasutit, peqqissaartuusutit pitsaassutsimillu pingaartitsillutit, piffissanillu killiliussanik eqqortitsillaqqissasutit
  • Ulluinnarni ulapaarfiusumi taarseraattunik sulitilluni suliassaqarfiusumi sulilluarsinnaasassasutit
  • Suliassaqarfimmi, politikkikkut soqutigineqartumi allanngortitsinissamut piumassuseqartutit.


Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarsinnaavugut. Ularpaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik ilinniakkatigullu unammillernartulik, tassani suleqatigiissinnaaneq ilinniakkatigullu inuussutissarsiorpalaartumik sulineq annertuumik pingaartinneqarluni.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Sukumiinerusumik paasisaqarusuppit?
Atorfik pillugu paasissutissat sukumiinerusut pissarsiarerusukkukkit saaffiginnissinnaavutit naalakkersuisoqarfimmut pisortamut Tina Pars, oqa.  (+299) 34 66 25, E-mail: tine@nanoq.gl.

Qinnuteqarnissamut piffissarititaasoq
Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik 2020 oktobarip 16-iat nassiunneqassapput.

E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk