Skip to main content
77

Dette jobopslag er udløbet

Peqqissutsimut Naalakkersuisoqarfimmut inatsisileritooq / inatsisilerinermi immikkut siunnersorti

Peqqissutsimut Naalakkersuisoqarfik inatsisilerituumik imaluunniit inatsisilerinermi immikkut siunnersortimik 1. februar 2020-imit isumaqatigiissuteqarnikkulluunniit aallartittussamik pissarsiorpoq.
Inatsisilerinikkut sammisat pillugit politikkikkut allaffissornermi sullissinissat siunnersuisuunissallu kissaatigaajuk? Suleqatikkuminarpit attaveqaqatigiinnermillu piginnaasaqarpit? Suliaqarfimmilu nutaarsiassanit annertuumik malinnaaffigineqartumi sulisinnaavit? Taava suliffimmut matumunnga pissanganartumut qinnuteqarnissamut periarfissaqarputit.
Inatsisilerinikkut aamma siunnersuisooqatigiit immikkoortortatsinnut inatsisilerituumik misilittagalimmik peqqissutsimut inatsisissanik nutaanik suliaqartussamik aamma inatsisilerinikkut suliassanik kiisalu inatsisitigut sammisanik naammassinnittussamik kiisalu apeqqutinut peqqissutsimut tunngasut pillugit peqqissutsimik suliaqartunik kiisalu allaffeqarfimmi suleqatinik suleqatigisinnaasatsinnik ujaasivugut.
Peqqissutsimut Naalakkersuisoqarfik peqqissutsimut suliassaqarfimmi qullersatut oqartussaasuuvoq.  Peqqissutsimut suliassaqarfimmi pingaarnertut suliniutinik ineriartortitsinermi Naalakkersuisut qajannaatsumik tunngavissaqarnissaat qulakkiissallugu suliassaraarput.
Suleqatigiiuvugut tamatigoortut inatsisilerituunik, peqqissutsimut siunnersuisunik, nutserisumik AC-fuldmægtiginillu ilallit, suleqatigiinnermik sulianullu piginnaasaqarnermik pingaartitsisut. Sulinerput ammasuuvoq persuarsiorfiunngitsoq. Periuseraarput, nutaamik eqqarsarnermik kiisalu suliassanik naammassinninnissamut tapertaanissamut tamanut periarfissiisarneq. Taamaattumik iluaqutaassaaq, peqqissutsimut suliaqarfimmik soqutigisaqartuuguit, pingaarnerpaavorli, ammasuunissat suleqatigiikkusussuseqarnissallu.

Inatsisilerinikkut aamma siunnersuisooqatigiit immikkoortortaqarfik makkuninnga sulisoqarpoq; immikkoortortami pisortaq / siunnersortit pisortaanerat, inatsisilerituut pingasut kiisalu fulmægtig-i.

Inatsisilerinermi immikkut siunnersortitut / siunnersortaanertut suliassatit makkuussapput:

  • Peqqissutsimut Naalakkersuisumik sullissineq
  • Peqqissutsimut suliassaqarfiup iluani inatsisissanik piareersaaneq suliaqarnerlu
  • Inatsisilerinikkut aaqqiissutsitigut periarfissatigullu peqqinnissaqarfimmi ineriartornermut tapertaaneq
  • Suliffiup iluani avataanilu inatsisilerinikkut siunnersuineq
  • Akissuteqaatinik, politikkikkut akissutinik nassuiaatinillu suliaqarneq
  • Aqutsisunut inatsisilerinikkut siunnersuinermut ilitsersuinermullu akisussaasuuneq
  • Suliat tungaatigut aqutsinermut inatsisilerituullu akornanni siunersiueqatigiittarnermut kiisalu suliassanik pingaarnersiuinermut akisussaasuuneq

 
Naatsorsuutigaarput

  • Peqqissutsimut suliassaqarfiup iluani inatsisilerinermik soqutigisaqartutit imaluunniit misilittagaqartutit
  • Suliffimmi politikkikkut aqunneqartumi inatsisilerisutut misilittagaqartutit
  • Suliaqarfimmi ataatsimoorfiusumi suliat qitiutillugit suleqatiginnillaqqittutit
  • Namminersorlutit kiisalu suleqateqarlutit sulisinnaasutit, tulleriiaarillutit sulisinnaasutit pitsaassutsimillu ilisimaarinnittuusutit
  • Sulilluartartutit aamma piffissani ulapaarfiusuni sulisinnaasutit
  • Attaveqateqallaqqittuusutit qiimasuullutillu
  • Suliassanik naammassinninnissamut akisussaaffeqarusuttuusutit



Neqeroorutigaavut

  • Suliassat pissanganartut allanngorartullu
  • Suleqatit nuannaartut ikiuukkumatuullu
  • Suleqatigiinneq qiimasoq
  • Suleqatit ikiuukkumatuut suliaq pillugu avitseqatigiinnissamik pingaartitsisut

Tusarfiginissat qilanaaraarput
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Immikkut siunnersortitu atorfinittoqarsinnaavoq misilittakkat uppernarsarneratigut.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqarneq attaveqarfissallu
Ulloq qinnuteqarfissaq kingulleq tassaavoq 10. december 2019..
Qinnuteqaammut CV, ilinniagaqarnermut uppernarsaatit kiisalu inuit paasiniaavigineqarsinnaasut pingasut attavigineqarnissaannut paasissutissat ilanngunneqassapput.
Atorfik pillugu paasiniaanissannut tikilluaqqusaavutit  Naalakkersuisoqarfiup pisortaata Tine Pars-ip attavigineratigut oqarasuaatikkut +299 346625 imaluunniit mailikkut tine@nanoq.gl . Tamatuma saniatigut nittartagaq www.peqqik.gl innersuunneqarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk