Suliassanik arlalinnik ataatsikkut suliaqallaqqissuuit aaqqissuussaalluartumillu sulisinnaallutit, taava immaqa illit ataqatigiissaarisunngorsinnaavutit.

Atorfik Periusissiornermut Pilersaarusiornermullu immikkoortortaqarfimmi inissisimavoq. Immikkoortortaqarfimmit Peqqissutsimut Naalakkersuisoq sullinneqarpoq aammalu oqartussaasutut aamma ineriartortitsinermut suliassanut kiisalu naalakkersuisoqarfiup peqqissutsimut tunngasut iluini suliassanut akisussaasuulluni. Immikkoortortaqarfimmi sulinermut Peqqissutsimut Naalakkersuisumik Naalakkersuisoqarfiullu pisortaanik sullissineq ilaavoq. Ataqatigiissaarisoq immikkoortortaqarfinni assigiinngitsuni aamma Peqqissutsimut Naalakkersuisoqarfiup aammalu Peqqissutsimut Aqutsisoqarfiup akornanni sulisassaaq, taamaaliornikkullu Naalakkersuisoqarfinni susassaqarfinnilu assigiinngitsuni suleqatigiittoqarnissaanut tunngatillugu qulakkeerinninnissamut iluaqutaassaaq.

Suliassat:
Ataqatigiissaarisoq Naalakkersuisoqarfimmi peqqissutsimut tunngasunik tamanik siammasissorujussuarmik suliassaqartassaaq. Suliat ilaatigut tassaassapput saaffiginnissutinut akissuteqaatinik ataqatigiissaarineq, Nunani Avannarlerni aamma Nunani Avannarlerni killernik suleqateqarnermik kiisalu Peqqissutsimut Naalakkersuisoqarfiup aamma Peqqissutsimut Aqutsisoqarfiup Naalakkersuisoqarfiillu allat akornanni suleqatigiissutigineqarsinnaasunik ataqatigiissaarineq.

Suliassat ilaatigut makkuussapput:

• Peqqissutsimut tunngatillugu politikkikkut suliniutinik ataqatigiissaarineq
• Nunat avannarliit aamma Nunat Avannarliit Killiit suleqatigiinnerannut kiisalu nunatta nunallu tamalaat suleqatigiinnerannut atatillugu Naalakkersuisoqarfiup suliassaanut tunngatillugu ataqatigiissaarineq
• Peqqissutsikkut upalungaarsimanermi sulinermut ataqatigiissaarineq
• Suliassaqarfiit isumaqatigiissuteqarfigineqarsimasut iluanni tusarniaanermut akissuteqaasiorneq
• Nassuiaasiornermut, nalunaarusiornermut il.il. atatillugu siunnersuisarneq

Piginnaasarineqartussat:
Naatsorsuutigaarput attuumassuteqartumik ilinniagartuutut ilinniagaqarsimassasutit aamma peqqissutsimut tunngatillugu aaqqissuussamik sulinermik ilisimasaqartutit. Ilanngullugu naatsorsuutigaarput, Naalakkersuinikkut aaqqissuussaanermi sulinermut ilisimasaqassasutit aamma/imaluunniit misilittagaqassasutit, tassunga ilanngullugit pisortat ingerlatsiviini suleriaatsinut paasisimasaqassasutit.

Taakku saniatigut makku naatsorsuutigaavut:

• Inuiaqatigiinni kalaallini pissutsinut ilisimasaqarluartuussasutit
• Allakkatigut soorluttaarlu oqaasiinnakkut pitsaasunik attaveqaqatigiittarnermut piginnaasaqassasutit
• Ataqatigiissaarisarnermut piginnaaneqarnissat
• Aaqqissuussaasumik peqqissaartumik pitsaassutsimullu ilisimaarinnillutit sulisassasutit
• Ilinniakkat akimorlugitaamma nunat akimorlugitsuleqatigiinnermut soqutigisaqarlutillu misilittagaqassasutit
• Ulluinnarni ulapaarfiusumi taarseraattunik sulitilluni suliassaqarfiusumi sulilluarsinnaassasutit
• Ajornanngippat pingasunik oqaaseqartutit – kalaallisut, qallunaatut tuluttullu

Atorfik soqutiginartoq namminersorfiusorlu neqeroorutigaarput. Ulapaarfiusumik pitsaasunik suleqateqarluni pisortatigoortuunngitsumillu oqaloqatigiiffiusinnaasumik suliffeqarpugut. Suliffeqarfiuvugut soqutiginartunik ilinniakkatigullu unammillernartulik, tassani suleqatigiissinnaaneq ilinniakkatigullu inuussutissarsiorpalaartumik sulineq annertuumik pingaartinneqarluni.

Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Ineqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Sukumiinerusumik paasisaqarusuppit?
Atorfik pillugu paasissutissat sukumiinerusut immikkoortortaqarfimmi pisortamut Aka Olesen-imut saaffiginnilluni pissarsiarineqarsinnaapput, oqarasuaammut +299 34 66 69, e-mail: akol@nanoq.gl
 

Qinnuteqarnissamut killiliussaq
CV, ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik ulloq 12. oktober 2023 nassiunneqassapput.
“Qinnuteqaat nassiuguk” toorlugu qinnuteqaat, CV, ilinniarsimanermut pikkorissarsimanermullu uppernarsaatit, kiisalu allagaatit attuumassutillit allat nassiutikkit.
E-mail aqqutigalugu qinnuteqaatit nassiussat tiguneq ajorpavut.

Qinnuteqaat nassiuguk