Skip to main content
114

Dette jobopslag er udløbet

Peqqissutsimut Naalakkersuisoqarfimmut naalakkersuisoqarfiup pisortaa

Kalaallit Nunaanni Namminersorlutik Oqartussat Peqqissutsimut Naalakkersuisoqarfiup pisortaatut atorfimmut sungiussilluarsimasumik pissarsiorput.

Aaqqissuussaaneq
Peqqissutsimut Naalakkersuisoqarfik  15-inik sulisoqarpoq immikkoortortaqarfinnut pingasunut agguarsimasunik. Naalakkersuisoqarfiup pingaarnertut suliassarai Peqqissutsimut Naalakkersuisoq sullisissallugu siunnersortassallugulu, peqqissutsimut- innuttaasut peqqinnerulernissaannut periusissaliornermullu suliaqarneq,  aaqqissugaanikkut pinaveersaartitsinermi suliniutinik aallartitsisarneq, taamatullu inatsisit naapertorlugit nakkutilliineq.

Peqqissutsimut Naalakkersuisoqarfik aammalu Allorfimmi Pinngitsuuisinnaajunnaarnermik Paasisimasaqarfik Peqqissutsimut aqutsisoqarfiup ataani inissisimapput.

Peqqissutsimut Pitsaaliuinermullu Aqutsisoqarfik Kalaallit Nunaanni Peqqinnissaqarfiup ingerlanneqarneranut ataqatigiissaarneqarneranullu akisussaavoq.

Aammattaaq Naalakkersuisoqarfik ukuninnga qanimut suleqateqarpoq: Nunatta nakorsaanera aammalu Kalaallit Nunaanni Innuttaasut Peqqissussaannut Sullissivik

Akisussaaffeqarfik
Naalakkersuisoqarfimmi pisortap aqutsisut allat peqatigalugit suliassai pingaarnerit tassaapput naalakkersuisoqarfimmik ulluinnarni aqutsineq aammalu Peqqissutsimut Naalakkersuisoq naalakkersuisoqarfiup akissussaaffiinut tunngatillugu siunnersornissaa.

Naalakkersuisoqarfiup pisortaata naalakkersuinikkut sulissutigineqartut piviusunngortinneqarnissaat qulakkeertassavaa taamatullu peqqissutsimut pinaveersaartitsinermullu tunngassuteqartut ineriartortinneqartuarnissaannut suleqataassalluni. Naalakkersuisoqarfiup pisortaata sulissutigineqartut aallartinneqareersut naliliivigineqartuartarnissaat isumannaassavaattaaq aningaasaqarnikkut nukissat pitsaanerpaamik iluaqutigineqarnissaat siunertaralugu.

Maannakkorpiaq COVID-19-imik nunarsuaq tamakkerlugu nappaalasoqarnera suliani pingaarnersaavoq, taamaammallu susassaqarfiit attuumassuteqartut suleqatiginerisigut peqqinnissamut tunngatillugu ilisimasaqarluarneq, suliassanut atatillugu naliliisinnaassuseqarluarneq inuiaqatigiillu pisariaqartitaanut tamarmiusunut paasinnissinnaassuseqarluarneq tunngavigalugit Naalakkersuisut aalajangiinissaannut tunngavissiinissaq pingaaruteqarpoq. Ukiuni tulliuttuni suliassat pingaarutillit allat ilaatigut tassaassapput inuiaqatigiit agguataarneqarnerinut tunngatillugu unammilligassanut atatillugu immikkut ittumik ingerlaavartumik peqqinnissaqarfimmik nalimmassaanissaq, tamatumalu ilaatigut kingunerisaanik piffissaq ungasinnerusoq eqqarsaatigalugu peqqinnissaqarfiup aningaasaqarnikkut annertuumik tatineqalissaaq. Tassunga ilanngullugit peqqinnissamut ataatsimiitsitaliamit pilersinneqartumit aamma inuit peqqissuunissaannut maannakkut suliniutinit suliniutissanillu innersuussutinik attuumassuteqartunik atulersitsineq.

Aammattaaq Naalakkersuisoqarfimmi pisortap makku akissussaaffigai:
Naalakkersuinikkut aqutsisut aalajangiinissaannut tunngavissiornissaq aamma anguniakkat naammassisassallu anguneqarnissaat qitiutillugu naalakkersuinikkut aalajangiinerit atulersinneqarnissaat.
Naalakkersuisoqarfinnut allanut, aqutsisoqarfinnut, immikkoortortaqarfinnut, suliffeqarfinnut suliaqartunullu allanut tunngatillugit naalakkersuisoqarfiup suliassaanik ataqatigiissaarineq, kiisalu taagorneqartut taakku pitsaasumik suleqatigiinnissaannut aqqutissiuussinissaq.
Nalinginnaasumik allaffissornikkut malittarisassanik, ingerlatseriaatsinik pitsaassutsimullu piumasaqaatinik piviusunngortitsinissaq
Naalakkersuisoqarfimmik aqutsineq, matumani ilanngullugit:

  • Aaqqissuussaassutsimik inerisaaneq aamma attaveqartarnernik atassuteqartarnernillu pitsaasunik erseqqissunillu pilersitsineq
  • Naalakkersuisoqarfimmi suleqatinik suleqatigisartakkanillu avataaneersunik suleqatigiilluartarnerup pitsanngorsaaffiginissaa
  • Sulisunik aqutsineq inerisaanerlu
  • Suliassanik pilersaarusiortarneq isumalluutinillu atuineq
  • Innuttaasunut peqqinnissamik paasissutissanik pitsaasumik ingerlatitseqqinnissamik suliniutinik imal. unammillernartunik qulakkeerinninneq
  • Immikkoortortaqarfimmi suliatigut ingerlaavartumik ineriartorneq.


Piginnaasat
Atorfimmik inuttaliinermi makkua pingaartinneqassapput:
Naleqquttumik qaffasissumik ilinniagaqarsimasoq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq.
Kalaallinik inuiaqatigiinnik kalaallillu oqaasiinik paasisimasaqarluarneq ilisimasaqarluarnerlu. Naalakkersuisut, Inatsisartut kommunillu akornanni sunniiveqatigiittoqartarneranik ilisimasaqarluarneq tassungalu tunngatillugu politikikkut siunnersuisinnaaneq.
Pingaarnersiuinissamut siunnerfeqartumillu suliaqarnissamut, sunniuteqarnissamut tunngatillugit piginnaasaqarluartoq
Aqutsisutut annertuumik angusaqarluarsimanermut uppernarsaateqarneq.
Suliffeqarfimmik naalakkersuinikkut aqunneqartumi sulianik aqutsinissamut misilittagaqarluartutit kiisalu aningaasanik aqutsinermi akisussaassuseqartutit.
Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu illup iluani avataanilu suliaqartartunik peqataatitsisinnaassuseqartoq.
Aqutsisinnaanermut ataqatigissaarisinnaanermullu piginnaasaqarneq, aammalu pilersaarutinik annertunerusunik sunniuteqarluartumik ingerlatsinissaq qulakkeerlugu.

Inuttut piginnaasat
Atorfimmut qinnuteqartut Nunami Namminermut nunanullu tamanut paasisimasaqarluarnissaat naatsorsuutigineqarpoq. Qinnuteqartoq attaveqallaqqissuussaaq suleqateqallaqqissuussallunilu tassungalu ilanngullugu aaqqissuussaanermi sunniuteqarluartumik, nutaaliorfiusumik ingerlatsinermillu qulakkeerinnittumik ineriartortitsinissamut attassinissamullu tulluartuunermigut erseqqissumik aqutsinissaq anguniarlugu inuttut tatitulluni sunniuteqarluarsinnaassaaq.

Attaveqartarfissat
Naalakkersuisoqarfimmi pisortaq Peqqissutsimut Naalakkersuisumut attaveqartarpoq apeqqutini Naalakkersuisoqarfiup oqartussaaffigisaata iluani Naalakkersuisunut naalakkersuinikkut anguniagaasa piviusunngortinneqarnissaannut tunngasuni kiisalu Naalakkersuisoqarfimmi ilinniagaqarnikkut aqutsinermi ingerlatsinermilu. Naalakkersuisoqarfinnut allanut tunngatillugu Naalakkersuisoqarfiup suliassanik ataqatigiissaarisarneranut tunngatillugu, aamma nalinginnaasumik allaffissornikkut ingerlatsinermi anguniakkanik, malittarisassanik, periutsinik pitsaassutsinullu piumasaqaatinik il.il. malitseqartitsinissamut tunngatillugu Naalakkersuisoqarfimmi pisortaq Naalakkersuisut Siulittaasuata Naalakkersuisoqarfiani pisortamut attaveqartarpoq.
 
Atorfinitsitaanermi atugassarititaasut
Atorfik ukiuni sisamani atuuttussamik inuttalerneqassaaq piaarnerpaamik imaluunniit isumaqatigiissuteqarnikkut. Atorfik akissaateqarfimmi LR 39/40-mi maanna inissisimavoq.
Akissarsiat (LR 39) aalajangersimasut ukiunut aalajangersimasunut isumaqatigiissuteqarnermut tapit ilanngullugit imatut isumaqatigiissutigineqarsimapput: 1. april 2021 85.016 kr. qaammammut. ukiumut 1.010.414 kr. soraarnerussutissanut tapiissutit ilanngullugit.

Aallaaviatigut isumaqatigiissutini atugassarititaasut malillugit atorfinitsitsisoqassaaq: Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput.

Nunamut namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqassaaq.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat aamma qinnuteqarnissamut piffissaliussaq il. il.:
Naalakkersuisoqarfiup suliassai il.il. pillugit aaqqissuussaanikkut pilersaarut nassuiaallu uani takuneqarsinnaapput https://naalakkersuisut.gl/da/Naalakkersuisut/Departementer/Sundhed

Atorfik innersuussaq (link) ataaniittoq atorlugu nassiunneqassaaq, qinnuteqaat, inuunermi sulerisimanermik allattorsimaffik, soraarummeersimanermut uppernarsaatit pappiaqqallu allat qinnuteqaammut attuumassuteqartut nassiussami kakkiunneqassapput. Atorfimmut piukkunneqartut misilitsittaqattaarnissartik naatsorsuutigissavaat. Qinnuteqartup isumannaallisaanikkut akuerineqarnissaa naatsorsuutigineqarpoq.

Naalakkersuisut Siulittaasuata Naalakkersuisoqarfiani naalakkersuisut pisortaannut Hans-Peder Barlach Christensenimut apeqquteqarsinnaavutit – mail: hape@nanoq.gl.

Qinnuteqarnissamut killigititaq tassaavoq ulloq  27. 08. 2021 nalunaaqutaq 12:00

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk