Skip to main content
73

Dette jobopslag er udløbet

Peqqissutsimut Naalakkersuisoqarfimmi aaqqissuussaanikkut pilersaarusiornissamut aningaasaqarnermik ilinniagartooq

Suliat siuarsarneqarnissaannik qulakkeerisinnaavit suleqatitullu misilittagaqarluartuuit? Aningaasaqarnikkut ataatsimut isiginnilluarsinnaassuseqartuuit?
Peqqissutsimut Naalakkersuisoqarfimmi aaqqissuussaanermut, pilersaarusiornermut naligiissitaanermullu immikkoortortami immikkut siunnersortitut siunnersortaanertulluunniit atorfik piaartumik inuttassarsiorneqarpoq. Atorfik allagarsiuteqqinneqarpoq qinnuteqartut amerlanerusut kajungilersinniarlugit.
Naalakkersuisoqarfiup pingaarnertut suliassarai Naalakkersuisumik sullissineq siunnersuinerlu, inatsisiliorneq, nakkutilliineq kiisalu peqqissutsimut suliassaqarfimmi pilersaarusiorneq ineriartortitsinerlu.
Immikkut siunnersorti imaluunniit siunnersortaaneq atortussat aningaasaqarnermut tunngassuteqartut Naalakkersuisoqarfimmi pisortamut, Naalakkersuisunut Inatsisartunullu tunniunneqartut suliamut tunngassuteqartunik imarusaannut akisussaasuussaaq.

Akisussaaffeqarfiit suliassaqarfiillu

  • Naalakkersuisoqarfiup peqqinnissaqarfiullu aningaasanut inatsimmut ilanngutassanik suliaqarnerat il.il.
  • Peqqinnissaqarfiup ilisimatusarnermullu suliassaqarfimmi aningaasaqarneq pillugu Naalakkersuisut ataatsimiititaliallu isummernissaannut tunngavissianik suliaqarneq
  • Naalakkersuisoqarfimmi missingersuutinik malitseqartitsineq aningaasaqarnermillu aqutsineq
  • Aningaasaqarnikkut misissueqqissaarnerit, nassuiaasiornerit kingunerisassanillu naatsorsuinerit
  • Suliat naalakkersuisoqarfiup suliassaqarfiini aningaasaqarnermut tunngasut imarisaannut tamanut akisussaaneq
  • Immikkut siunnersorti imaluunniit siunnersortaaneq naalakkersuisoqarfiup taassumalu immikkoortortaata akornanni allaffissornikkut attaveqaataassaaq kiisalu naalakkersuisoqarfiup suliassaqarfiani sanaartornermi, iluarsaanermi aserfallatsaaliinermilu suliassat pillugit suliffiup iluani avataanilu suleqatinut attaveqaataassalluni


Attaveqarfissaq:
Immikkut siunnersortip imaluunniit siunnersortaanerup attaveqarfigissavaa Naalakkersuisoqarfimmi pisortaq.

Naatsorsuutigaarput:

  • Aningaasaqarnermik akademikeritut naleqquttumik ilinniagaqartuusutit, minnerpaamik kandidatitut imal masteritut
  • Pisortat aningaasaqarnerannik aqutsinermik ukiuni arlalinni misilittagaqartuusutit
  • Aningaasanut inatsimmik suliaqarnermik, tassungalu ilanngullugu aningaasanut inatsisissatut siunnersuutinik suliaqarnermik misilittagaqartuusutit
  • Naalakkersuisoqarfimmi aningaasaqarnermut suliassaqarfimmi suliassat ingerlanneqarnissaannut namminersortumik akisussaaffimmik ingerlatsisinnaasutit
  • Suliffeqarfimmi assigiinngitsunik suliaqarfiusumi suleqateqarsinnaassuseqarlutillu sulinissamut kajumissuseqartutit, tamatumani sulisut ataasiakkaat naammassiniagassanut tamarmiusunut peqataasarlutik


Namminersorlutik Oqartussani aningaasaqarnermik suliaqarfiit pingaartumillu peqqinnissaqarfimmi aningaasaqarnermik suliaqarfik suleqatigissavatit. Piffissani siumut naatsorsuutigineqareersumik siumullu naatsorsuutigineqariinngitsumik ulapaarfiusuni sulinerusarnissaq naatsorsuutigineqartariaqarpoq. Peqqissutsimut Naalakkersuisoqarfimmi sulisut 16-t missaanniipput immikkoortunut pingasunut agguataarneqartut.

Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarsinnaavugut. Ularpaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik ilinniakkatigullu unammillernartulik, tassani suleqatigiissinnaaneq ilinniakkatigullu inuussutissarsiorpalaartumik sulineq annertuumik pingaartinneqarluni.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfik pillugu paasissutissat sukumiinerusut pissarsiarerusukkukkit saaffiginnissinnaavutit naalakkersuisoqarfimmut pisortamut Tina Pars, oqa. (+299) 34 66 25, E-mail: tine@nanoq.gl.

Qinnuteqarnissamut piffissarititaasoq
Inuunermit taasassat (CV), ilinniarsimanermut uppernarsaatit assilinerat kiisalu attavigineqarsinnaasut qinnuteqaammut ilanngullugit innersuussissut ataaniittoq link aqqutigalugu kingusinnerpaamik martsip 19-anni 2021 nassiunneqassapput.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk