Skip to main content
142

Dette jobopslag er udløbet

Peqqissutsimut Naalakkersuisoqarfik AC-fuldmægtigimik sulisussarsiorpoq

Peqqissutsimut Naalakkersuisoqarfik AC-fuldmægtigimik sulisussarsiorpoq
Suliniummik nutaamik soqutiginartumillu, aamma inuit pisinnaatitaaffiinik naligiissitaanermillu suliaqarnermik, atuutsitsilernissamut aqutsisoorusuppit? Taamaappat immaqa illit tassaavutit piaarnerpaamik atorfinittussaq pisariaqartitarput?
Suliniummik aqutsisutut atorfik ukiumi ataatsimi suliffiussaaq, tassa ulloq 1. september 2018-imit, sivitsorneqarnissaanut periarfissaqassalluni.
 
Peqqissutsimut Naalakkersuisoqarfik peqqissutsimut qinngornernullu navianaatilinnut suliassaqarfimmi qullerpaatut oqartussaasuuvoq. Peqqissutsimut qinngornernullu navianaatilinnut suliassaqarfimmi iliuusissanik Kalaallit Nunaanni isumannaallisaanermik siuarsaataasussanik ineriartortitsinissami Naalakkersuisut aalajangiinissamut patajaatsumik tunngavissaqarnissaasa qulakkeerneqarnissaa pingaarnertut suliassaraarput.
 
Suleqatigiit 14-iuvugut tamatigoortut aamma immikkut assigiinngitsunik ilisimasaqarluta tunuliaqutaqartut, soorlu inatsisilerituut, peqqissutsikkut suliat pillugit siunnersortit, oqalutsi aammalu AC-fuldmægtigit suleqatigiinnissamik sulianillu ilisimasaqarluarnissamik pingaartitsisut. Sulinitsinni ammasumik persuarsiorfiunngitsumillu avatangiiseqarpugut. Suleriaaseqarpugut suliffeqarfimmi nutaanik pilersitsinissamut suliassattalu ingerlannissaannut nutaamik periuseqarnissamut tamanut periarfissiisumik.
 
Naalakkersuisoqarfik qinngornernut navianaatilinnut illersornissamut Kalaallit Nunaanni oqartussaasuuvoq ilaatigullu suliassaqarfimmi tamatumani aaqqissuussinermik nalunaarsunermillu akisussaaffigalugu. Sulinermi tamatuma aallaavigineqarpoq qinngornerit ioninngortitsisartut pillugit aamma qinngornernut illersuuteqarnissaq pillugu Inatsisartut Inatsisaata nr. 33, 9. december 2015-imeersoq, suliassallu suleqatigiit akimorlugit naammassineqartarnissaat naatsorsuutigineqarluni.
Takorloorparput inuk aaqqissuussaasumik sulisinnaasoq, nalunaarsuinermik, ajornanngippallu pinngortitamik ilisimatusarnermik ilinniagaqarsimasoq, politikkikkullu sullissinermik misilittagaqartoq.
 
Neqeroorutigaarput

  • Suliffik inuiaqatigiinnut iluaqutaasunik suliassaqarfiulluni pingaarutilik.
  • Suliamik ilisimasaqarluartut akornanni suleqataanissaq.
  • Suliffeqarfik sulianik ilisimasaqarnissamik suleqatigiittullu pitsaasunik avatangiiseqarnissamik pingaartitsisoq.

Fuldmægtigitut suliassatit ilaatigut makkuussapput:

  • Qinngornerit ioninngortitsisartut pillugit aamma qinngornernut illersuuteqarnissaq pillugu inatsisip imarisaasa atuutsinneqarnissaannut akisussaaneq
  • Suleqatinik aqutsisunillu isumasioqatiginnittarneq
  • Ilaatigut qinngornerit ioninngortitsisartut pillugit inatsisit malittarisassallu nutaat suliarinerannut atuuttullu aaqqissornerannut peqataaneq
  • Naalakkersuisoqarfiup iluani, nunatsinni oqartussaasut allat peqatigalugit qitiusumillu allaffeqarfimmi susassaqarfiit akimorlugit suliniutini peqataaneq aqutsisuunerlu.
  • Allakkianik, tusarniaanermi akissutinik, Naalakkersuisunut Inatsisartunullu assigisaannullu atortussanik suliaqarneq
  • Suliani ataasiakkaani sullissisuuneq
  • § 37 naapertorlugu apeqqutinik akisineq politikkikkullu sullissineq, tassunga ilagitillugu suliassat naligiissitaanermut, inuit pisinnaatitaaffiinut assigisaannullu tunngasunik suliaqarneq

Naatsorsuutigaarput

  • Naleqquttumik ingerlaqqiffiusumik ilinniagaqarlutit qinngornernik navianaatilinnik isumannaallisaanermillu ilisimasaqartuusutit
  • Suliniutinik aqutsinissamik misilittagaqartuusutit
  • Suliffimmi assigiinngitsunik suliaqarfiusumi suliniutinik naammassiniaanissamik misilittagaqarluartutit
  • Namminersorlutit sulisinnaasutit, suleqateqarsinnaasutit, aaqqissuussaasumik pitsaassutsimillu pingaartitsillutit sulisinnaassuseqartutit
  • Torersumik sulisinnaasutit, ingerlasussanik piareersaasinnaallutillu aqutsisinnaasutit aammalu aaqqissuulluagaasumik sulisinnaasutit
  • Aallussilluarlutit sulisinnaasutit, aamma piffissani ulapaarfiusuni
  • Nutaamik suleriaaseqarnissamut piareersimasutit
  • Attaveqarluarsinnaasutit qiimasuusutillu
  • Pitsaassutsimik takunnissinnaalluartuusutit aammalu suliat ingerlanneqarnissaanni akisussaassuseqarluartuusutit
  • Kalaallit Nunaanni inuiaqatigiinni pissutsinik kalaallillu oqaasiinik ilisimasaqartuusutit


Atorfimmut paasissutissat sukumiinerusut immikkoortortaqarfimmi pisortaq Michael Würtz oqarasuaat +299 34 66 18 imaluunniit mail micw@nanoq.gl, imaluunniit ataqatigiissaarisoq Rógvi Finnsson Johansen oqarasuaat + 299 34 66 06 imaluunniit mail rofj@nanoq.gl aqqutigalugit pissarsiarsiarineqarsinnaapput. Kiisalu nittartakkat www.naalakkersuisut.gl aamma www.peqqik.gl innersuussutigineqarput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

   

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk