Skip to main content
138

Dette jobopslag er udløbet

Peqqissaasuuguit, timimik sungiusaasuuguit imaluunnit pillorissaasuuguit, ilinniartitsineq siunnersuinerlu soqutigisaralugit tassaasinnaavutit Peqqissaanermik Ilinniarfimmi pissarsiarerusutarput

Atuarfitsinni suleqatissarsiorpugut. Immikkoortut assigiinngitsut ilinniartitsissutigisassavatit ilaatigut tassaasut tungiuineq, peqqissaaneq, ilinniartitsineq tarnip pissusaanut tunngasut assigisaallu.

Atorfimmi ulloq sulilerfissaq 1. august 2022

Atorfimmut tunngatillugu
makku suliassatut naatsorsuutigineqarsinnaapput:

  • Ilinniartitaanerni assigiinngitsuni ilinniartitsineq
  • Ataqatigiissaarinermut tunngasut
  • Allattariarsukkanik suliaqarnermi ilitsersuineq
  • Sulinermik sungiusarfinnik suleqateqarneq
  • Pilersaarusiornermut- ineriartortitsinermullu tunngasut


Taakku saniatigut neqeroorutigaagut:

  • Annertuumik namminersorsinnaatitaaneq
  • Kulturinik assigiinngitsunik avatangiiseqarluni, ilikkagaqartitsinikkut piginnaasanillu ineriartortitsinikkut, ilinniakkatigut ilinniartitsinikkullu unammilligassinneqarneq
  • Ilinniartitsiviit kusanartunik avatangiisillit
  • Suleqatit suliassaminnut tunniusimasut kajumissuseqartullu

Naatsorsuutigaarput:

  • Peqqissaasutut-, timimik sungiusaasutut imal. pillorissaasutut ilinniarsimasuunissat
  • Qaffasissumik ilinniagaqaqqissimanissat, atorfininnissamut immikkut akuersissummik tunineqarsinnaanissat
  • Ilinniartitsinermi misilittagaqartuuneq qujarunneqassaaq
  • Ilinniartut suleqatillu peqatigalugit ineriartorfiusumik suleqatigiinnermut kajumissuseqarnissat piginnaaneqarnissallu
  • Illugiinnik oqaaseqartuunissat (kalaallisut qallunaatullu)



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Sapaatip akunneranut akunnerit 40-t suliffiusarput

Qinnuteqaat
Qinnuteqarfissaq kingulleq 10. Juni 2020

Atorfinitsitsinissamut oqaloqateqarnissat sapaatip akunnerani 25-imi ingerlanneqarnissaat naatsorsuutigineqarpoq.

Paasissutissat sukumiinerusut
Paasissutissat sukumiinerusut ilinniakkanik aqutsisoq Navarana Johansen oqarasuaat: 349974, e-mail: njon@nanoq.gl  imaluunniit pisortaq Lisa Ezekiassen oqarasuaat: 349953, e-mail: lie@nanoq.gl attavigalugit pissarsiarisinnaavatit.
Kalaallit Nunaat Namminersorlutillu Oqartussat pillugit paasissutissanik allanik pissarserusukkuit taakku nittartakkami www.nanoq.gl -imi suliffissanut tunngasumi pissarsiarisinnaavatit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk