Skip to main content
137

Dette jobopslag er udløbet

Peqqissaanermik Ilinniarfiup saaffiginnittarfianut kontorfuldmægtig-mik pissarsiorneq

Peqqissaanermik Ilinniarfik allaffimmiup saaffiginnittarfianut kontorfuldmægtig-mik  pissarsiorpoq
 

Allaffimmi kontorfuldmægtig kiffartuusserusussusilimmik, annertuumik ataatsimut isiginnissinnaassusilimmik saaffiginnittarfimmilu allaffissornikkut suliassanik suliassanillu allanik nalinginnaasunik isumaginnissinnaasumik pissarsiorpugut.

Atorfiniffissaq: 1. August immikkulluunniit isumaqatigiissuteqarnikkut.


Atorfik
Makku suliassatut naatsorsuutigineqarsinnaapput:

  • Oqarasuaatikkut saaffiginnittunik isumaginninneq
  • Ilinniartunit suleqatiniillu saaffiginnissutit
  • Ininik atuartitsivinnik inniminniinermik qarasaasiakkulu paasissutissanik sullississummik akisussaaffeqarneq
  • Ilinniarnermut tunngatillugu allaffeqarfik allaffissornikkullu ingerlatsinermi sulisunik allanik suleqateqarneq


Naatsorsuutigaarput:

  • HK allaffissornermulluunniit tunngatillugu allamik ilinniagaqarsimanissat
  • Allaffissornikkut ingerlatsinermik misilittagaqarnissat
  • Qarasaasiarsorsinnaanissat
  • Sulerusussuseqartuunissat/isumassarsiullaqqissuunissat, nammineersinnaassuseqartuunissat akisussaassuseqartuunissallu
  • Kiffartuussiumatunissat, aaqqisuussamik suleriaaseqarnissat suleqatikkuminartuunissallu
  • Illugiinnik kalaallisut qallunaatullu oqaaseqartuunissat


Sap. ak. nal. ak. 40-it suliffiupput.

Paasissutissat allat
Atorfik pillugu sukumiinerusumik paasisaqarusukkuit Peqqissaanermik Ilinniarfiup pisortaa Lisa Ezekiassen oqarasuaatikkut: 349950/349953, e-mailikkut: lie@nanoq.gl imal. Tullersorti Else Thygesen oqarasuaatikkut: 349950/3499382, e-mailikkut: ethy@nanoq.gl attavigisinnaavat.


Kalaallit Nunaat Namminersorlutillu Oqartussat pillugit sukumiinerusumik paasisaqarusukkuit, www.nanoq.gl - qulequttap Atorfiit nalaani alakkaasinnaavutit. 

Qinnuteqaat

Qinnuteqarfissaq kingulleq: 26. maj 2021

Sap. ak. 21-imi qinnuteqartunik oqaloqateqartoqarnissaa naatsorsuutigineqarpoq

Namminersorlutik Oqartussat naatsumik oqaatigalugit
Juunip 21-ani 2009 Kalaallit Nunaanni namminersorneq eqqunneqarpoq. Namminersorlutik Oqartussat Naalakkersuisoqarfinnut qulinut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.
Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk