Skip to main content
106

Peqqissaanermik Ilinniarfik igaffimmi /-nerisassiornermut assistentissarsiorpoq

Novembarip aallaqqaataani immikkulluunniit isumaqatigiissuteqarnikkut atorfinititsinissaq kissaataavoq.
Peqqissaanermik Ilinniarfik peqqinnissaq pillugu tunngaviusumik ilinniakkanut inuussutissarsiutinullu tunngatitanut qitiusumik ilinniarfiuvoq, pikkorsaanernik ilinniartitaanernillu allanik, modulinik immikkoortortalinnik neqerooruteqarlunilu ingerlataqartoq. Inuttut ilinniagaqassutsikkullu ineriartornissamut pitsaasunik periarfissaqarpoq. Suliffipput 30-it missaannik sulisulik ingerlalluartuuvoq. Inuussutissat pillugit Siunnersuisoqatigiit innersuussutaat naapertorlugit sulivugut namminerlu najoqqutaqarluta.

Kajungeraajuk:

  • Kantiinami aqutsisorput suleqatigalugu nerisaqarneq pillugu politikkitut aalajangersagaasoq tunngavigalugu ilinniartut, pikkorissartut, ilinniartitsisut sulisullu allat ulluinnarni nerisasaannik isumaginninneq.
  • Pikkorissaanerni- ilinniarnermi sulinermilu pitsaasunik avatangiiseqartitseqataaneq

 
Taamaassappat igaffik kantiinalu nutaanerusut ulluinnarnilu suliat assigiinngiiaartut neqeroorutigaagut.
 
Piginnaasat:
Inuussutissalerinermut tunngasumik ilinniagaqarneq, ataatsimoorluni sulianik naammassinninnissamut kajumissuseqarneq pimoorussinerlu.
Aalajaatsuuneq, eqaatsumik periuseqarneq akisussaassuseqarnerlu.
Aningaasanik nukinnillu atuinermut ilisimaarinninneq.
Illugiinnik (kalaallisut qallunaatullu) oqaaseqarneq iluaqutaassaaq

Sap. ak. nal. ak. suliffissat: 40
 
Paasissutissat allat
Atorfimmut tunngasut pillugit paasissutissat sukumiinerusut ilinniarfiup pisortaanut Lisa Ezekiassen-imut oqarasuaatikkut: 349953, e-mailikkut: lie@nanoq.gl imal. kantiinami aqutsisumut Marie Johansen Berthelsenimut oqarasuaatikkut: 349972, imal. e-mailikkut: majb@nanoq.gl attaveqarnikkut pissarsiarineqarsinnaapput.
 
Storfik pillugu annertunerusumik paasisaqarusukkuit ilinniarfiup pisortaa Lisa Ezekiassen oqarasuaatikkut: 349953, imal. e-mailikkut: lie@nanoq.gl attavigisinnaavat.
 
Qinnuteqaat
Qinnuteqarfissaq kingulleq 7. oktober 2019
 
Qinnuteqartunik oqaloqateqarnissap sap. ak. 41-mi pinissaa naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk