Find job
Dette jobopslag er udløbet
Peqqissaanermik Ilinniarfik allaffimmi aqutsisussarsiorpoq
Suliassanik tamakkiisumik isiginnissinnaasumik, naatsorsuuserinermik allaffissornikkullu ingerlatsinermut tunngasunik suliaqarsinnaasumik, allaffissornermilu suliaqartunut allanut aqutsisussamik, majip aallaqqaatani 2023 imal. isumaqatigiinnikkut atorfinittussamik allaffimmi aqutsisussarsiorpugut.
Suliassat
- naatsorsuuserineq
- pikkorissaanernut immikkullu ilisimasaqarfeqalernissaq anguniarlugu ilinniartitsinernut atatillugu allaffissornermi naatsorsuuserinerlu ingerlatsinikkut suliassat
- allaffisornikkut ingerlatsinermi sulialinnut allanut aqutsinermut tunngasut
Naatsorsuutigaarput:
- EVU/HK allaffissornermulluunniit tunngatillugu allamik ilinniagaqarsimanissat
- Allaffissornikkut ingerlatsinermik misilittagaqarnissat
- Qarasaasiarsorsinnaanissat
- Sulerusussuseqartuunissat/isumassarsiullaqqissuunissat, nammineersinnaassuseqartuunissat akisussaassuseqartuunissallu
- Illugiinnik kalaallisut qallunaatullu oqaaseqartuunissat
Sap. ak. nal. ak. 40-it suliffiupput.
Qinnuteqarfissatut killiliussaq: 28. marts 2023
Qinnuteqartunik oqaloqateqarnissaq sap. ak. 13 pisussatut naatsorsuutigineqarpoq.
Paasissutissat sukumiinerusut
Atorfik pillugu sukumiinerusumik paasisaqarusukkuit Peqqissaanermik Ilinniarfiup Forstanderigallagaa Navarana Johansen 349950/349974, e-mailikkut: njon@nanoq.gl attavigisinnaavat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job