Nunatsinni Peqqinnissaqarfiup nalissaqanngitsumik paasisaqarfiginissaa soqutigaajuk? Fuldmægtigitut pikkorillutillu piginnaaneqarluarpit ulluinnarnilu ulapaarfiusuni sulianik ingerlatsineq nuannaralugu?

Peqqinnissaqarfimmi immikkoortortatsinnut tikilluaqqunissat qilanaaraarput. Ullut suliffitit suliassanik assigiinngiiaarpassuarnik sunnerneqassapput. Suliassat ilaat ingerlaannaq suliarineqarsinnaassapput ilaalli piffissartornarlutillu itisiliinissamut periarfissiissapput. Allatigullu atorfissaqartinneqaruit ikiuussinnaassaatit.
Pikkorissunik tunniusimasunillu, tamarmik sullivimmi avatangiisinik suleqatigiittullu ataqatigiinnermik pitsaanerulersitseqataasunik suleqateqassaatit.
Allaffitsinnik ullormut ingerlatsinermi suliassanut tunngassuteqartut akisussaaffigissavatit. Taamaammat suliassaqarfitit tassaassapput naatsorsuuserinermiit teknikkikkut kiffartuussivimmut attaveqarneq.

Akisussaaffigisassatit ilaatigut makkuussapput:

• Naatsorsuuserineq IRIS-imilu akiitsunik suliaqarneq
• Immikkoortortap pingaarnertut allagarsisarfia
• Suliat napparsimasunik siunnersuinermut tunngasut, mailikkut akisutit oqarasuaatikkullu attaveqarneq
• Pikkorissaanernut pikkorissaanernullu aningaasaliissutinut atatillugu allaffissornikkut ingerlatsinermut tunngasut
• Ataatsimiittarnernut assigiinngitsunut inniminniinerit ataqatigiissaarinerillu
• Paasissutissanik F2-mi allagaatinut toqqorterineq
• … allaffimmilu suliassarpassuit allat

Naatsorsuutigaarput:

• Naapertuuttumik ilinniagaqarnissat ilinniakkannullu pikkorissuunisat
• Aningaasarqarnermik naatsorsuuserinermillu (IRIS) misilittagaqartuunissat
• F2-mik atuinermik misilittagaqarnissat
• Ulluinnarni assigiinngitsorpassuarnik suliassaqarfiusuni aaqqissuussisinnaanissat, pingaarnersiuillutit tulleriiaarisinnaanissat ataatsimullu isiginnilersitsisinnaanissat
• Kiffartuussiumatuujunisat inussiarnersuunissallu
• Sullivimmi pitsaasunik avatangiiseqartitseqataanissat
• Ajornanngippat illugiinnik – kalaallisut danskisullu oqaaseqarnissat,

Kikkuuvugut?
Kalaallit Nunaanni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq qitiusumillu immikkoortunut arfinilinnut- napparsimasunik sullissinermut ikorfartuutaasunut; Qarasaasiarsorneq Digitalinngorsaanerlu, Kiffartuussineq Ilutsinni, Illuutit Sanaartornerlu, Aningaasaqarneq, Aqqusaartugassanik ataqatigiissaarineq kiisalu Qullersaqarfiup Allatseqarfia Sulioqarnermilu Imm., agguataagaalluni. Illit Qullersaqarfiup Allatseqarfia Sulioqarnermilu Imm. ilaassaatit.
Qullersaqarfiup Allatseqarfia Sulioqarnermilu Imm. tassaavoq qullersanut kiisalu Napparsimmavissuarmi sinerissamilu qitiusumik immikkoortuni pisortanut, nunatsinni Peqqinnissaqarfimmi qullersaasunut, siunnersuisarfik. Tamatuma saniatigut attaveqatigiineq, malaarutit- siunnersuinerlu, sullivimmi avatangiisit, piginnaasatigut inerisaneq kiisalu sulisussarsiniarnermut sulilerlaanillu tikilluaqqusinermut tunngatillugu suliasaat isumagineqarput
Immikkoortortami ilinniagaqassutsikkut ataatsimoornikkullu nukittuujuneq soqutigisaraarput, taamaammallu ilinniagaqassuseq, akisussaassuseqarneq, ilisimasanik avitseqatigiinneq qiimasuunerlu pingaartitaralugit. Suliffeqarfimmi – oqaatsitigut ilinniakkatigullu assigiinngitsunik kulturilimmi sulilissaatit
Qullersaqarfiup Allatseqarfia Sulioqarnermilu Imm. Peqqissutsimut Naalakkersuisoqarfimmik Nunatsinnilu Nakorsaaneqarfimmik qanimut suleqateqarportaaq.
Paasissutissat annertunerusut:
Atorfik soqutigigukku suliassartai ilanngullugit paasissutissanik annertunerusunik piniarlutit qullersanut siunnersuisarfimmi pisortamut Lene Marie Halgreenimut, oqarasuaatikkut: +299 23 08 46 imal. mailikkut: lemh@peqqik.gl attaveqarsinnaavutit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk