Skip to main content
156

Dette jobopslag er udløbet

Peqqinnissaqarfimmi aningaasanik aqutsinermi siunnersortaaneq

Innuttaasunut napparsimasunullu tamanut peqqinnissakkut sullissinernik nalilinnik kinguneqarluartunillu qaffasissumik pitsaassusilinnik neqerooruteqarsinnaaneq, nunatsinni Peqqinnissaqarfimmi suliniutigaarput.

Pisortat aningaasaqarneranni ukiumut 1,5 mia. koruunit missaannik aningaasartuutitalimmi aningaasanik aqutsinermi ikorfartuinermik pitsaassutsimillu qulakkeerinermik inerisaanermi peqataarusuppit? – Taamaassappat Peqqinnissaqarfimmi qullersanut siunnersuisarfiup aningaasaqarnermut immikkortortaani atorfissannik nutaamik pissanganartumik unammillernartumillu peqarpugut.

Aningaasaqarnermut tunngatillugu qullersanut siunnersuisarfik- ilaatigut aningaasatigut aqutsinermik, aningaasartuutissanut missingersuusiornermik malitseqartitsinermillu, misissueqqissaarnernik, suliniutinik ikorfartuinermik qullersanillu kiffartuussinermik suliaqarfiuvoq, siunnersuisoqarfiillu anguniakkatut siunniussaq una tunngavigalugu sulipput:

” Nappasimasumut sapinngisamik naleqarnerpaamik pilersitsisinnaajumalluni Peqqinnissaqarfimmi napparsimasoq tamatigut salliunneqarpoq”.

Anguniakkatut siunniussami suliassat tunngavigalugit aqutsinermik annertusaanissamut, paasilertoruminarnerulersitsiniarluni inerisaanissamut kiisalu aningaasartuutissatut killiliussat iluanni nalilimmik pilersitsinissamut angusaqarusussuseq ikorfartorparput.

Suleqatitaassamik aningaasaqarnermut tunngasuni misissueqqissaarsinnaanermik piginnaaneqarluartumik, aaqqisuussaanikkut toqqammavissiinissamut, pilersaarusiornermut inerisaanermullu piginnaanilimmik ujartuivugut.

Suliassat makkuupput:

  • Aningaasartuutissanut missinersuusiorneq, Peqqinnissaqarfimmi aningaasartuutini pingaarnerni misissueqqissaarnerit malitseqartitsinerillu
  • Peqqinnissaqarfimmi qullersanut aaqqisuussaanikkullu inissisimaffinni assigiinngitsuni aqutsisunik aningaasanut tunngasutigut siunnersuineq
  • Akimuilluni suliniutinik inerisaanernillu ingerlatsineq ataqatigiissaarinerlu ass. aaqqiissutissat paasissutissanik ikorfartuisut suliallu pillugit nalunaarusiorneq
  • Iliuusissatut siunniussatigut iliuuserisinnaasanik allanik saqqummiussineq.


Ukiorpanni misilitakkatit tunngavigalugit, Peqqinnissaqarfimmi paasissutissanik tunngaveqarluni ikorfartuinerup annertunerulernissaanik, siunissarlu ungasissoq isigalugu pilersaarusiornissamik siunnerfeqarluni aningaasatigut aqutsinermi unammilleeqataallutillu inerisaaqqinnermi peqataassaatit.
Aqutsisunik siunnersuisinnaanissat, inerisaanermilu qulaajaanernilu nunatsinni Peqqinnissaqarfiup ingerlanneqarneranut nalinginnaasumik attuumassuteqartuni peqataanissat naatsorsuutigineqarpoq.

Ilinniagaqassutsikkut piginnaasat:

  • Kandidatitut qaffasissusilimmik aningaasaqarnermut tunngasunik pingaarnertut sammisaqarluni ilinniagaqarneq
  • Aningaasanik aqutsinermut tunngasoq fageralugu naapertuuttunik ukiorpanni misilittagaqarneq
  • Pisortaqarfimmi tamatumunngalu atatillugu politikkikkut sullissinermik misilittagaqarneq.


Inuttut piginnaasat:
pingaartipparput:

  • Misissueqqissaarsinnaassuseqarluarnissat ilinniakkallu akimorlugit ingerlatitseqiisinnaanissat
  • Ataatsimut isiginnissinnaassutsimik, siumukarnermik sulianillu ingerlatsinermi pitsaassutsimik qaffasissumik attassisinnaanissat
  • Suleqatigiinnermik paasinnissinnaanermik ataqqinninnermillu pilersitsisinnaanissat eqimattanilu assigiinngitsunik soqutigisalinni ilinniagalinnilu angusaqarsinnaanissat
  • Nunatsinni inuiaqatigiinnik ilisimaarinninneq nunatsinni inuiaqatigiinni pissutsinik paasinninneq pingaartinneqassapput.


Neqeroorutigut
Sullivimmi avatangiisigut nalinginnaasuupput ammasuullutillu, aaqqisuussaanikkut immikkoortut akimorlugit suliassat, aalajangiisussanut aqqutit pisariitsut/naatsut suleqatillu pimoorussisut. Immikkoortortami, sulianik ingerlatsinermi suliakkiinneq namminerlu akisussaaffeqarneq pingaarnersiorlugit oqaatigineqarsinnaallutillu pingaaruteqarluinnartuni, ulluinnarni ingerlatsinermi ilaalissaatit. Immikkoortortami sulianik ingerlatsinermut immikkoortortamik sulianillu nalinginnaasumik ingerlatsinermut inerisaanermullu tunngatillugu tapersersoqatigiinneq, tapertariinneq siunersioqatigiinnerlu immikkoortortami pingaartinneqarput.

Atorfiniffissaq: 1. september 2022 immikkulluunniit isumaqatigiissuteqarnikkut.
Qinnuteqarfissaq kingulleq: 19. august 2022.
Suliffiup sumiiffia: Nuuk

Atorfik pillugu apeqqutissaqaruit qullersanut siunnersuisoqarfimmi aningaasaqarnermut immikkoortortami pisortaq Ann Kelsen oqarasuaatikkut: 299 34 45 77 imal. mailikkut: anke@peqqik.gl attavigisinnaavat.
 
Aningaasarsiatigut atorfinitsitaanermilu atugassarititaasut
Sap. ak. nal. ak. 40-it suliffiusarput.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfimmut inuttassarsiuussinermut tunngatillugu atorfinititsinissamut piginnaasat eqqortut uppernarsineqarsinnaasut, siunnersortaanertut atorfininnermi piumasaqaataapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk