Skip to main content
122

Dette jobopslag er udløbet

Paasissutissiisartoq

Inuit Innarluutillit illersuisoqarfiat Tilioq Sisimiuniittoq FN-ip innarluuteqarnermut isumaqatigiissutaa aallaavigalugu innarluutillit atugaannik sunniuteqarnissaq ineriartortitsinissarlu siunertaralugu paasissutissiisartussatut sulilertussamik pissarsiorpoq.  

Inuit allat ikiorserlugit pingaarutilimmik sulinissat eqqarsaatigaajuuk? Taama eqqarsaasersoruit periarfissatsialassuarmik Tilioq paasissutissiinermi suliaqartussamik pissarsiorpoq. Inuit Innarluutillit Illersuisuat, suliniutinik pilersaarusiortartoq allaffiorpullu peqatigalugit inuit innarluutillit atugaannik ineriartortitseqataallutillu sunniuteqarnissannut periarfissaqarputit.

Atorfik pillugu
Immikkoortortaqarfitsinni sisamaalluta suleqatigiippugut, suleqatigiinnerlu eqaatsoq pingaartinneqarluinnarpoq. Paasissutissiisartussatup Inuit Innarluutillit Illersuisuat suliniutinilu pilersaarusiortoq peqatigalugit avammut nalunaarutit, soorlu tusagassiutinut nalunaarutit, nittartakkap nutartertarnissaa, qaammarsaaniutit naqitat, paasissutissiissutillu isumagisassavai, taakku saniatigut FN-ip innarluutillit pillugit isumaqatigiissutaa aallaavigalugu suliniutinut pilersaarusiorneq ataqatigiissaarinerlu isumagineqartartussaapput.
Avammut paasissutissiisartussap ulluinnarni sulinermi Inuit Innarluutillit Illersuisuat peqatigalugu allaffissornermik suliassanik aallarnisarneqareersunik nutaanillu ineriartortitassanik suliaqartassaaq. Suliniutinut assigiinngitsorpassuarnut sulinermi peqataatinneqartassaatit, aaliangersimasumillu nalunaarusiornerit, nutaarsiassalerinerit, nutsigassak annertunngitsunik suliakkerneqarnerit aamma annikitsumik innuttaasunut siunnersuinerit ilitsersuinerillu.
Taamaattumik Tiliumi suliniutit assigiinngitsut ataatsikkut pisarsinnaaneri eqqarsaatigalugit, paasissutissiisartutut patajaatsuunissaq nukittuujunissallu pingaaruteqarpoq. Politikkikkut anguniakkatut siunnerfiit sunniuteqaqataaffiginissaat, inuiaqatigiinnilu sammineqartut aallaavigalugit eqaatsumik sulinikkut allanngoriarsinnaanerit ammaffiginissai pingaaruteqarpoq.
Inuit Innarluutillit illersuisoqarfiat nutaarluinnaq Sisimiuni allaffeqarpoq. Isumaginninnermut Inatsisinillu Atuutitsinermut Naalakkersuisoqarfiup ataani immikkut namminersortumik inissisimavugut.

Ulloq atorfiniffissaq pissaaq: 1. februar 2019 imaluunniit isumaqatigiissuteqarnikkut.

Atorfimmut tunniusimasumik imalu piginnaanilimmik pissarsiorpugut:

  • Nunap inuiaqatigiillu kulturikkut atugaannik ilisimasalik
  • Ajornanngippallu kalaallisut, qallunaatut tuluttullu piginnaanilimmik
  • Attaveqarnermut pikkorissumik, ataqatigiissaarinikkut pilersaarusiornikkut pisussanullu assigiinngitsunut sullarissumik
  • Inuit pisinnaatitaaffiinik toqqammaveqarluni suleriuseqarsinnaasoq
  • Atorfimmut attuumassutilimmik iliniagaqartuunissaq – soorlu aviisiliortutut tusagassiortuunermillu misilittagalimmik.
  • Ajornanngippat inuit innarluutillit pillugit ilisimasalik imlt. inunnik isumaginninnikkut, innarluutilinnik peqqinnissaqarfimmiluunniit sulinermi misilittagalik.
  • Nammineersinnaasoq, pilersitsisinnaasoq, utaqqiinnanngitsoq pilersaarusianut eqeersimaartoq siammasissumillu isiginnittaaseqarluni suleriaasilik suleqatinillu isummersueqateqarsinnaasoq
  • Inatsisinik toqqammaveqarluni sulinissamut piginnaanerissoq, suliniutinillu piviusunngortitsisinnaasoq.
  • Suliassanik assigiinngitsunik pingaarnersiulluarsinnaasoq ulluinnarnilu sulianut atatillugu siunertanut tunngasunik suliaqarsinnaasoq
  • Suleqatiginnissinnaalluartoq – suliallu akimorlugit allanik peqateqarluni eqimattaakkaartunik pilersaarusiorsinnaasoq
  • Inunnik sullissinermi inuit assigiinngissinnaanerannik inissaqartitsillunilu paasinnittoq
  • Tusarniaanerit akissutaat ilisimatusaatillu paasisat pillugit pitsaasumik ingerlatitseqqiisinnaasoq, inuillu innarluutillit atugaat pillugit tusagassiuutinut innarluutillillu pillugit attuumassuteqartunut ingerlatitseqqiisarnissamut pikkorissoq.
  • Qarasaasiamik eqaatsumik atuilluarsinnaasoq, nittartakkap nutartertarnissaanut inuillu attaveqatigiittarfiat aqqutigalugu siammarterisinnaasoq
  • Sulinermi piffissap nikerarsinnaaneranut tulluarsallaqqissoq

Immikkoortortatsinni ikittunnguusussaagatta, pingaartipparput atorfimmut inummik tulluartumik suleqatitaarnissarput, qinnuteqaatillu ataatsimut nalilersorneranni piukkunnarnersiuilluni piginnaasat pisinnaasallu isiginiarneqartussaapput..

Neqeroorutigaarput:

  • Suliffeqarfiup atorfiullu nutaap pissanganarlunilu allanngorartup ulluinnarni sulinikkut immersuiffigineratigut ineriartortinneqarneranullu sunniuteqaqataaffiginissaanut periarfissaqarputit
  • Suliffeqarfik sulianut tunngasunik avatangiisilik, suleqatinik pikkorissunik pilersitsisinnaasunillu unammillernartoqarsinnaasoq, illillu nammineq unammillerfigisinnaasannik periarfissalik
  • Suliffeqarfik inuit innarluutillit atugaannik angusassanik pilersitsiffittut sullissivik, sulianullu ineriartortitsivissatut nalinginnaasumik kivitseqatigiilluni suleqatigiiffissaq
  • Suliffimmi avatangiisit pingaartinneqarlutillu assigiinngitsuussuseq naleqartinneqarluni suliffeqarfiusoq


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Annertunerusumik paasissutissat
Atorfik pillugu annertunerusumik paasisaqarusukkuit innarluutillit illersuisuat Christina Johnsen oqarasuaat +299 55 19 50 atorlugu imlt. E- mail: Cjo@tilioq.gl paasiniaanissannut tikilluaqqusaavutit.
Suliatsinnut tunngasunik annertunerusumik paasisaqarsinnaavutit uani: https://tilioq.gl

Namminersorlutik Oqartussat ataani sulerusukkuit annertunerusumillu paasisaqarusukkuit nittartagaq www.naalakkersuisut.gl, ataanni ”atorfiit” iserfigalugu atuarsinnaavat. Annertunerusumik Sisimiut pillugu paasisaqarusukkuit nittartagaq una: https://www.qeqqata.gl/Emner/Om_kommunen/Byer_bygder/Sisimiut?sc_lang=kl-GL iserfigalugu paasisaqarnerusinnaavutit

Qinnuteqaat
Allargarsiissut piffissami ulloq 25. januar 2019 tikillugu saqqummiunneqassaaq.

Oqaloqatiginninneq nammineerluni ornigunnikkut imlt. videokonference atorlugu sapaatip akunnera  5-imi ingerlanneqarnissaa naatsorsuutigineqarpoq.

Atorfimmut qinnuteqaat ilinniarsimanermut uppernarsaatinik ilalik siornatigullu suliffigisimasanik paasissutissartalik cjo@tilioq.gl imut nassiunneqassapput. 

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk