Skip to main content
112

Paarisami suliatigut aqutsisoq

Pitsaaliuinermut immikkoortortaqarfimmut Paarisamut suliatigut aqutsisoq
Anguniagaqarlutit pitsaaliuinermut suliniutinik suliatigut pitsaassutsinik qulakkeerinninnermik suliaqarusukkuit aamma pitsaaliuinermut suliassaqarfimmi allannguinernik ajunngitsunik pilersitserusukkuit, maanna atorfimmik pissanganartumik unammillernartumillu atorfittaarsinnaavutit.
 
Pitsaaliuinermut isumaginninnermullu aqutsisoqarfik suliassaqarfiit assigiinngitsut akornanni pitsaaliuinermik suliaqarfiusumut Paarisamut suliatigut aqutsisussarsiorpoq. Paarisa ilaatigut pitsaaliuinermik periaatsinik nutaanik ineriartortitsinermik aamma atuutsitsilernernik kommunit oqartussaqarfiillu allat qanimut suleqatigalugit suliaqarpoq. Immikkoortortaqarfiup suliassaqarfiit assigiinngitsut akornanni suliniutinik, oqartussaqarfinni sulisunut innuttaasunullu saaffiginnittunik ineriartortitsineq pingaarnertut suliassaraa. Paarisami suliatigut aqutsisutut aqutsisooqatigiinnut ilaassaatit, aqutsisooqatigiinniipput immikkoortortaqarfimmi pisortaq ataaseq suliatigullu aqutsisut pingasut, illit taakkunani ilaassaatit. Suliatigut aqutsisut suleqatigiinnut, tamarmik immikkut 6-7-inik sulisullit, aqutsisuupput, suleqatigiit tamarmik immikkut suliatigut sammisassaqarfeqarput. Atorfiup inuttaligassap sammisassaqarfia tassaavoq siusissukkut iliuuseqarneq, tassani pisimasunut ukiunullu tunngatillugu meeqqanut suliniutit pitsaaliuinertallit ilaapput.
 
Paarisami suliatigut aqutsisutut suliassatit pingaarnerit ukuussapput:

  • Suleqatigiinni suliassanik naammassinninniarnermi ataqatigiissaarineq, suliatigullu pitsaassutsimik qulakkeerinninneq.
  • Suleqatit peqatigalugit suliap imaanut inerneranullu atatillugu naatsorsuutigisanik qulaajaaneq.
  • Suleqatinut ataasiakkaanut eqimattanullu ataavartumik suliatigut siunersueqatigiittarneq, suliassanik naammassinninniarnermi qulakkeerinninnissaq siunertaralugu sulisullu ineriartortinniarlugit.
  • Suliatigut attuumassusilinnik ilisimasaqalerneq ujartuinerlu.
  • Sulianik ilisimasallit iluanni suliatigut anguniakkat qitiusut, akunnattoorutit, unammilligassat assigisaaluunniit suussusersillugit.
  • Suliffeqarfiup aqutsinermi atortui ineriartortinneranut ingerlanneranullu peqataalluni.
  • Immikkoortortaqarfimmi immikkoortortaqarfimmi pisortaq suliatigullu aqutsisut allat suleqatiginerisigut suliffimmi avatangiisigissaarnermik pilersitsineq.
  • Suliassanik takkussortunik suliaqartarneq.

Illit pillutit naatsorsuutigisavut:

  • Atorfiup imaanut oqimaassusaanullu suliatigut naleqqussinnaasunik misilittagaqarputit.  
  • Aqutsinermik misilittagaqarputit.
  • Pitsaaliuinermut suliassaqarfiup ingerlaavartumik ineriartortinneqarnissaa aamma suliassaqarfik pillugu politikkikkut periaatsit piviusunngortinnissaat pillugit ukkataqarsinnaavutit.
  • Siusissukkut iliuuseqarneq pillugu suliassaqarfimmi suliatigut ilisimasaqarputit, aamma Paarisap suliassaqarfimmi suliarisartagaanut.
  • Periaatsit, misissueqqissaarinerit aamma nalinginnaanngitsumik eqqarsarsinnaaneq pillugit piginnaasaqarputit.
  • Akisussaassuseqartuuvutit, tamanik isiginnissinnaallutit aamma suliassatit naammassisarpatit.
  • Inuttut uummaarissuuvutit, suliumatussuseqarlutit aamma ineriartortitserusussuseqarlutit.
  • Suleqatit immikkoortortaqarfimmi ineriartortinnissaannik ilorrisimaarnerannillu ukkataqarsinnaavutit.
  • Kalaallit Nunaanni inuiaqatigiinni pissutsinik kulturimillu ilisimasaqarputit.
  • Marlunnik oqaaseqartuuneq iluaqutaassaaq.

Paarisami suliatigut aqutsisutut Paarisami immikkoortortaqarfimmi pisortaq ittorissavat/ningiorissavat.
 
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik aqutsisoqarfiuvoq Naalakkersuisut ataanni inissisimasoq tallimanik immikkoortortaqarpoq: Pitsaaliuinermut immikkoortortaq Paarisa, Aningaasaqarnermut immikkoortortaq, Ulloq unnuarlu paaqqinniffiit aamma Innersuussisarnermut Immikkoortortaqarfik, Qitiusumik Siunnersuisarfik aamma Allattoqarfik. Immikkoortortat tamarmik qanimut suleqatigiittarput, suliffeqarfiuvorlu suliatigut unammillernartorpassualik. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut
Atorfik pillugu sukumiinerusumik paasisaqarusukkuit, taava allassinnaavutit Paarisami immikkoortortaqarfiup pisortaanut Ditte Enemark Sølbeck-imut ugguuna  ditt@nanoq.gl imaluunniit oqarasuaammut sianerlutit +299 34 60 37.
 
Ulloq qinnuteqarfissaq kingulleq: 30. oktobari 2019 nal. 12.00 (nunatsinni nalunaaqutaq malillugu)


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk