Skip to main content
106

Paarisa suliassaqarfiit assigiinngitsut akornanni suliniutinik, meeqqat inuusuttullu ilorrisimaarnerat pillugu siuarsaaviginniffiusussanik ineriartortitsinissamut suliniutinut aqutsisunik marlunnik pimoorussillutik suliaqartartunik inuttassarsiorpoq

Meeqqat inuusuttullu 0-18-inik ukiullit ilorrisimaarnerat ukkataralugu suliniutinik ineriartortitserusullutillu piviusunngortitserusuppit? Suliniummi suleqatigiit nutaat pilersinneqarsimasut pilersaarummik aqutsisumik suliniutinullu aqutsisunik marlunnik sulisullit suleqatigilernissaannut qunusuissuseqarpit? Ineriartortitsinermi aqutsineq suliarissallugu iluarinartippiuk, aamma allanngortitsinissamut piareersimavit? Taava atorfittaassat neqeroorutigisinnaavarput!

Meeqqat 0–18-inik ukiullit pillugit pilersaarut
Meeqqat 0–18-inik ukiullit Pitsaaliuinermut Isumaginninnermullu Aqutsisoqarfiup, Ilinniartitaanermut Aqutsisoqarfiup aamma Peqqissutsimut Aqutsisoqarfiup suliassaqarfiisa akornanni suleqatigiissutaavoq.  Meeqqat 0-18-inik ukiullit siunertaraat meeqqat inuusuttullu tamarmik ilorrisimaarlutik ineriartorlutillu inuuneqalernissaat. Meeqqat inuusuttullu tamarmik ilorrisimaalernissaat tapersersuiffiginiarlugu, pilersaarummi anguniagalimmik suliassaqarfiit assigiinngitsut akornanni ataqatigiissaarinermik suleqatigiittoqarpoq, aamma siusissukkut suliniutinik pilersitsiortortoqarpoq, taamaalilluni meeraq inuusuttorlu pillugit ilisimasat pingaarutillit annaaneqannginnissaat anguniarlugu. Pilersaarummi suliniutit sisamat suliarineqarput. Suliniutini pingasuni meeqqap inuunerani ikaarsaariarnerit ataneqarnerisa patajaallisaaviginissaat ukkatarineqarput; angerlarsimaffimmit ulluunerani paaqqinnittarfimmut ikaarsaarneq; ulluunerani paaqqinnittarfimmit atuarfimmut ikaarsaarneq, aamma nunaqarfimmi atuarfimmit illoqarfimmi atuarfimmut ikaarsaarneq. Suliniutit sisamaata - ”Meeqqat tamarmik ukiumut ataasiarlutik misissuiffigineqartassapput” – meeqqat tamarmik suliatigut sullissisumit ukiumut minnerpaamik ataasiarlutik misissuiffigineqartarnissaasa, aamma meeraq pillugu ilisimasat ataatsimoortut ingerlateqqinneqartarnissaasa, taakkulu aallaavigalugit suliaqartunit eqqutortunit iliuuseqarfigineqartarnissaasa qulakkeerneqarnissaat siunertaraa. Suliniutit taakku sisamat pilersaarummi ataatsimut imarineqarput, aamma imminnut qanittumik oqaloqatiginnittarfiullutillu suleqatigiiffiupput. Pilersaarummi inooqataanikkut allannguutinik ataavartunik pitsaasunik pilersitsiniarneq suliarineqarpoq, taamaattumillu suliniutit nukissaqarneq pillugu isumaq aallaavigalugu ineriartortinneqassapput.     

Atorfik pillugu  
Illit pilersaarummi suleqatigiinni suleqataalissaatit, suleqatigiit pilersaarummik aqutsisumik marlunnillu suliniutinut aqutsisunik sulisullit akuuffigilissallugit. Pilersaarut aamma suliniutit maanna aallarnisarneqaleruttorput, taamaattumik illit nammineq suliatigut sunneeqataanissannut periarfissaqarputit.  Suliniutit ingerlanneqarneranni suliniutinik ineriartortitsinissaq suliassarissavat, tamatumalu kingorna kommunit qanimut suleqatigalugit suliniutit piviusunngortinneqarnissaat akisussaaffigalugu. Taamaattumik illit nammineerlutit suliassat pillugit aamma suliniutini suleqatigiit aamma kommunini aqutsisunilu qitiusumik pingaarutilimmik suleqatit akornanni sunniivigeqatigiiffiusumik suleqataasinnaassuseqassaatit.
Atorfiit suliassaqarfiit akornanni pitsaaliuinermik suliniuteqarfiusup PAARISA-p ataaniipput, taassuma ilaatigut periutsit aamma peqqissutsikkut isumaginninnermilu suliatigut suliniutit nutaat kommunit oqartussaqarfiillu allat qanimut suleqatigalugit ineriartortinneqarnerat suliarisarpai. Suliassaqarfiit assigiinngitsut akornanni suliniutinik, oqartussaqarfinni sulisunut innuttaasunullu saaffiginnittunik ineriartortitsinissaq immikkoortortaqarfiup pingaarnertut suliassaraa.

Suliassatit pingaarnerit ukuussapput:
Suliniutinik aqutsineq
Suliniutini suliatigut aqutsisoq
Suliniutit ingerlanneqarneranni suliniutinik ineriartortitsineq piviusunngortitsinerlu
Kommunit, aqutsisoqarfiit il.il. akornanni suleqatigiinnermik ataqatigiissaarineq
Pilersaarummik aqutsisumut aqutsisoqatigiinnullu suliniutini siuariartorneq pillugu nalunaarusiorneq allakkianillu suliaqarneq 
Ataatsimiinnernik workshoppinillu piareersaaneq ingerlatsinerlu
 Suliniutit suleqatigiivinut eqimattanut akisussaasuuneq

Piginnaasatit
Suliniutinut aqutsisunik, suliniutinik siumut ingerlatsisinnaasunik ujaasivugut. Tamanna isumaqarpoq, siullerpaamik suliniutit aqunneqarnissaat pillugu piginnaasaqassaatit/aamma imaluunniit soqutigisaqassaatit. Tamatuma saniatigut Kalaallit Nunaanni ulluunerani neqeroorutit pillugit suliassaqarfik, atuarfeqarfik, peqqinnissaqarfik aamma/imaluunniit isumaginninnermut suliassaqarfik ilisimasaqarfigigukkit misilittagaqarfigalugillu iluaqutaassaaq, taamaalillutit misilittakkatit ilisimasatillu suliniutit ineriartortinnerini atorniassagakkit. Nukittuumik suleqatigiilluarsinnaassuseqarnissat aamma atassuteqaatinik attassiinnarsinnaanerit  atorfimmut pingaaruteqarluinnarpoq, aamma ulapittoqartillugu. Kalaallisut qallunaatullu oqalussinnaaguit allassinnaallutillu iluaqutaassaaq.

Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik Naalakkersuisut ataanni aqutsisoqarfiuvoq 5-inik immikkortortaqarfilik: Pitsaaliuinermut immikkoortortaqarfik PAARISA, Aningaasaqarnermut immikkoortortaq, Ulloq unnuarlu paaqqinniffiit aamma Innersuussisarnermut Immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiittarput, suliffeqarfiuvorlu suliatigut unammilligassarpassuaqarfiusoq.

Atorfininnermi atugassarititaasut
Suliniutinut aqutsisutut atorfiit ukiunut marlunnut killilimmik piffissaligaapput, sivitsuinissamut periarfissallit. Atorfiit sapaatip akunneranut akunnerit 40-ni suliffiupput tuaviornerpaamillu inuttassarsiuunneqarlutik.   
Atorfiit aaqqissuussaanikkut Nuummi Pitsaaliuinermut Isumaginninnermullu Aqutsisoqarfiup ataaniipput. 
Piffissap ilaani angalasarnissaq naatsorsuutigineqassaaq.  
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Atorfininnermi atugassarititaasut
Suliniutinut aqutsisutut atorfiit ukiunut marlunnut killilimmik piffissaligaapput, sivitsuinissamut periarfissallit. Atorfiit sapaatip akunneranut akunnerit 40-ni suliffiupput tuaviornerpaamillu inuttassarsiuunneqarlutik.   
Atorfiit aaqqissuussaanikkut Nuummi Pitsaaliuinermut Isumaginninnermullu Aqutsisoqarfiup ataaniipput. 
Piffissap ilaani angalasarnissaq naatsorsuutigineqassaaq.  
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissiaq
Atorfinnut atatillugu sulisunut inissianik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.  

Paasissutissat allat
Atorfiit pillugit paasisaqarnerorusukkuit, Meeqqat 0-18-inik ukiullit pillugit pilersaarummik aqutsisoq  Kathrine Krarup oqarasuaatikkut +299 34 66 39 aamma e-mailikkut kkra@nanoq.gl, imaluunniit immikkoortortaqarfimmi pisortaq Ditte Sølbeck oqarasuaatikkut +299 34 60 37 aamma e-mailikkut ditt@nanoq.gl attavigisinnaavatit.

Naalakkersuisut pillugit
Unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinik misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit ataatsimullu isiginnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangertarnissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk