Skip to main content
89

Dette jobopslag er udløbet

Paarisa Siusissukkut suliniuteqarnermut suliniummut aqutsisumik aallussilluartumik sulisussarsiorpoq

Meeqqat tamarmik atugarissaarnissamut pitsaanerpaanik tunngavissaqartinneqarnissaat, ataatsimooqatigiinni ilaanissaat aammalu ilinniakkatigut inooqatigiinnikkullu piginnaasaqarfimminnik ineriartortitsinissaat siunnerfigalugu suliaqarusuppit? Pitsaaliuinermik suliniuteqarnerit ineriartortinnissaat atuutsinneqalernissaallu kissalaarfigaajuk? Taava atorfik una ilinnoortuuvoq.

Pitsaaliuinermut Isumaginninnermullu Aqutsisoqarfik suliniutinut sammisunik suliaqarnermik misilittagalimmik aammalu pitsaaliuinermut suliassaqarfimmi neriulluarnartumik allanngortitsinissamik piumassuseqartumik suleqatigiligassamik sulisussarsiorpoq. Atorfik Paarisami suliassaqarfiit akimorlugit pitsaaliuinermut immikkoortortaqarfimmiippoq, tassani ilaatigut kommunit, peqqinnissaqarfik aammalu oqartussat allat qanimut suleqatigalugit pitsaaliuinermi periaatsinik nutaanik ineriartortitsineq atuutsitsilernissarlu aammalu suliniuteqarnerit suliarineqartarlutik. Immikkoortortaqarfimmi suliassani qitiusoq tassaavoq suliassaqarfiit akimorlugit suliniutinik ineriartortitsineq, tassani innuttaasut sammineqarlutik.

Atorfik pillugu
Suleqatigiinni aallussilluartuni ilaalissaatit, tassani isumassarsiat ineriartortinneqarnissaat, akuutitsinissaq atuutsitsilernissarlu pingaartinneqarlutik. Ilaatigut naartusunut aammalu ilaqutariinnut meeraarartalinnut Siusissukkut suliniuteqarneq nutaamik eqqarsarluni suliniuteqarfigalugu siunnerfilimmik suliaqarnissaq suliassarilissavat. 
 
Suliassatit ilaatigut tassaassapput:

  • Suliniuteqarnernik politikkikkut akuerineqartunik ineriartortitsineq atuutsitsilernerlu
  • Suliassaqarfiit akimorlugit suleqatigiinnermik ataqatigiissaarineq, ilanngullugu suliassat suliassaqarfiit akimorlugit suliarineqartarnissaannik qulakkeerineq
  • Siusissukkut suliniuteqarnermut aamma MANU-mut allattoqarfimmi suliassat
  • Siusissukkut suliniuteqarnermut pisussanut pilersaarummut ingerlaavartumik ataqatigiissaarineq
  • Paarisami suliassanik tiguneqartunik suliarinninneq
  • Siusissukkut suliniuteqarnerup iluani suliassaqarfiit akimorlugit suliaqartuusunik suleqatiginninneq
  • Ingerlaavartumik alapernaarsuineq, uppernarsaasiineq naliliisarnerlu
  • Ataatsimiinnernik, workshop-inik il.il. pilersaarusiorneq aallartitsisarnerlu
  • Allaganngorlugit najoqqutassanik suliaqarneq, soorlu suliniutinut nassuiaatit, allakkiat nalunaarusiallu
  • Ineriartortitsinermut suliniutinik nutaanik suliaqarneq
  • Ilisimasanik katersineq paasissutissiisarnerlu
  • Malinnaaneq atuutsitsilernerlu

Piukkunnassutsitit
Sulisussasiorpugut:

  • Naleqquttumik ilinniagartuutut ilinniarsimasumik, assersuutigalugu inuiaqatigiilerinermi, imaluunniit perorsaasutut bachelorimut ilinniarsimasoq, ernisussiortoq, isumaginninnermut siunnersorti, peqqissaasoq, ilinniartitsisoq assigisaaluunniit
  • Suliniutinik ineriartortitsinermillu suliaqarnermik misilittagaqartumik
  • Siusissukkut suliniuteqarneq aammalu pitsaaliuinermut suliassaqarfik pillugit ilisimasaqartumik imaluunniit misilittagaqartumik
  • Allaganngorlugu oqaasiinnartigullu paasissutissiisarnerup iluanni pitsaasunik piginnaasaqartumik
  • Periusissanik, misissueqqissaarnermik aammalu pisartunit allaanerusunik eqqarsarsinnaasumik
  • Namminersorluni sulisinnaasumik aammalu periusissat aamma ineriartortitsinerup ingerlanissaannik pilersaarusiorsinnaasumik
  • Aaqqissuussillaqqissumik aammalu angusassanik pingaartitsisumik
  • Aallussilluartumik aammalu inunnik assigiinngitsorpassuarnik suleqatiginnillaqqissumik
  • Kalaallisut danskisullu marlunnik oqaaseqartuuppat, kiisalu tuluit oqaasiinik atuisinnaalluaruni pitsaassaaq.

Siusissukkut suliniuteqarnermik suliaqarnerup saniatigut atorfimmi aamma Paarisami suliniuteqarfissanut allanut tunngatillugu suliassaqarfinni suliassat suliarineqartassapput, soorlu persuttaasarneq, kinguaassiutitigut peqqissuunissaq, kinguaassiutitigut innarliinerit, MANU, imminut toquttarneq, imigassaq, pujortartarneq, hashi, nerisaqarneq il.il.

Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik Naalakkersuisut ataanni aqutsisoqarfiuvoq makkuninnga 5-inik immikkoortortaqarluni: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu aammalu innersuussisarnermut immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiipput, aammalu suliffeqarfiulluni suliassatigut unammilligassarpassuaqartoq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat annertunerusut
Atorfik pillugu annertunerusunik paasisaqarusukkuit attavigisinnaavat Paarisami immikkoortortaqarfimmi pisortaq Ditte Enemark Sølbeck uani ditt@nanoq.gl / +299 346037 imaluunniit suliassanut aqutsisoq Rikke Louise Kuhn riku@nanoq.gl
 +299 344874
Qinnuteqarnissamut killiliussaq: 27. januar 2020 nal. 12.00 (Kalaallit Nunaata nalunaaqutaa malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk