Skip to main content
130

Dette jobopslag er udløbet

Paarisa paasissutissanik suliaqarsinnaasumik misissueqqissaarnermillu piginnaasaqarluartumik ac fuldmægtigissarsiorpoq

Isumaginninnermut Aqutsisoqarfik ataatsimik ac fuldmægtigissarsiorpoq, taassuma suliniutit assigiinngiiaartut tamakkerlugit takuneqarsinnaalernissaat, Paarisa-p sulinerani paasissutissat misissueqqissaarnerillu nukittorsaataasussaasut, qulakkeersinnaassavai. Ilinniagaq aallaavigalugu paasissutissanik ilisimasanillu katersinissaq aamma pinaveersaartitsinermik isumaginninnermillu misissueqqissaarneq soqutigisarivigit, taamaassimappat ilinnut atorfik soqitiginarsinnaavoq.

Paarisami peqqissutsimut siuarsaanermut pitsaaliuinermullu tunngasunik isumaginninnerup peqqissutsikkullu sulianut tunngassutilinni suliaqarpugut. Suliaqarnerput Inuuneritta III-mit aallaaveqarpoq – Naalakkersuisut meeqqat inuunerinnerulernissaannut suleqatigiinnissamut periusissiaat 2020-2030.

Atorfik pillugu
Atorfik Isumaginninnermut Aqutsisoqarfiup ataaniippoq, eqqornerusumik Pinaveersaartitsinermut immikkoortortaqarfiup Paarisa-p ataaniilluni. Paarisa-p nuna tamakkerlugu periusissiat, nuna tamakkerlugu imaluunniit nunap immikkoortuini suliniutigineqartussat suliaqarfiit siammasissut ilinniagaq aallaavigalugu suliarisimasai atorlugit suliarisarpai. Isumaginninnerup iluani inerisaanissaq aqqutissiuunniarlugu suliat aallartinnginnerini aamma suliat suliarineqareernerini patajaatsunik sunniutaasartut misissoqqissaarneqarnissaannik piumasaqaatitaqartarput. Taamaattumik anguneqarsimasut tigussaasumik sutigut tamatigut uppernarsaasersornissaannik atorfik imaqarpoq. Uppernarsaatit siunissami innersuussinermut aamma suliaqarfiup inerisaqqinneqarnissaanut sunniuteqarsinnaasarput. Suliaqarfiit assigiinngitsut suleqatigineqarsinnaaneri atorfiup piumasaqaatitaraa, taamaattorli suliat ingerlasut pissanganartullu nammineq iliuuseqarnikkut ujarnissaannut aaqqiiffigineqarnissaannullu inissaqartitsisoqarluni.

Illit pingaarnertut suliassatit makkuussapput:

  • Suliniutit Paarisa-p ataaniittut ataatsimut isiginnissinnaalernissamik pilersitsineq
  • Pinaveersaartitsinerup inerisaqqinnissaanut suliaqarnissaq anguniarlugu eqikkaanerit imaluunniit misilittakkanik / malinnaalluni suliaqarnerit katersorlugit
  • Nalunaarusiornerit, Isumaginninnermut Aqutsisoqarfiup suliaqarfimmilu suleqatit allat inerisaanerinik misissueqqissaarnerit, nassuiaanerit uppernarsaasersuinerillu
  • Paarisa-p suleriusaannik ingerlaavartumik inerisaanerit
  • Ilisimasanik katersineq aamma suliaqarfimmi suleqataasut attuumassutillit peqatigalugit ilisimasanik avitseqateqarneq


Illit piginnaasatit
Qaffasinnerusumik – inuiaqatigiilerineq, peqqinnermut imaluunniit inuiaqatigiit pillugit immikkut ilisimatusarnermik ilinniagarsimasutit. Patajaatsumik amerlassutsinut ilisimasaqartutit aamma pitsaassutsinik misissueqqissaarnissamut piginnaasaqartutit kiisalu ajornartorsiutit paasiuminaatsut suliarineqarneri tunngavigalugit attaveqallaqqissuusutit. Aaqqissuussaasumik aamma immikkuualuttunik suliaqallaqqissutit, suliaqarfiit assigiinngitsut isumasioqatigiinnerini suleqataarusussuseqartutit, suliat amerlasuut ataatsikkut suliarinissaannut piffissap ilaani ajornakusoortutut isigissanngikkitit.

Qarasaasiaq atorlugu eqikkaanermi sakkut, soorlu Sitecore aamma SurveyXact ilisimasaqarfigissagukkit assut iluaqutaassaaq. Soorlu aamma naatsorsuuserinermi sakkoq Excel qaffasissumik piginnaasaqarfigigukku aamma iluaqutaassaaq. Oqaatsinik marlunnik, kalaallisut danskisullu piginnaaneqarnissat iluaqutaassaaq, piumasaqaataanngilarli.

Isumaginninnermut Aqutsisoqarfik pillugu                                                                                                                                      Isumaginninnermut Aqutsisoqarfik Naalakkersuisuni aqutsisoqarfiuvoq ukuninnga arfinilinnik immikkoortortaqartoq: Pitsaaliuinermut immikkoortortaq Paarisa, Aningaasaqarnermut immikkoortortaqarfik, Ulloq unnuarlu inissititserinermullu immikoortortaqarfik, Innuttaasut tunaartaralugit immikkoortortaqarfik aamma Allattoqarfik. Immikkoortortaqarfiit qanimut suleqatigiittarput, suliffiuvorlu suliassanut tunngatillugu amerlasuunik unammilligassaqarfiusoq.
 

Aningaasarsiatigut atorfinitsitaanermilu atugassarititaasut
Atorfik piffissaq tamakkerlugu suliffiuvoq (sapaatip akunneranut akunnerit 40-t) Nuuk Centerimilu Namminersorlutik Oqartussani inissisimalluni. Atorfimmut atatillugu angalangaatsiartarnissaq naatsorsuutigineqassaaq.

Atorfik 1. Augustmi/septemberimi 2022 imaluunniit isumaqatigiissuteqarnikkut inuttalerneqarnissaa kissaatigineqarpoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfimmut tunngatillugu paasissutissat amerlanerusut pisariaqartikkukkit suliatigut aqutsisoq Karo Thomsen Fleisher oqarasuaatikkut +299 34 66 13 imaluunniit mailimut: katf@nanoq.gl Imaluunniit immikkoortortaqarfimmi pisortaq Tina Evaldsen saaffigisinnaavat oqa. +299 56 55 09 imaluunniit mail-ikkut tiev@nanoq.gl

Qinnuteqarnissamut killissarititaq: 20. juli 2022 kl. 12.00 (nunatsinni nalunaaqutaq malillugu)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk