Skip to main content
79

Dette jobopslag er udløbet

Paarisa katsorsaavimmut pilersinneqaqqammersumut tarnip pissusaanut ilisimasalinnik imaluunniit peqqissaanikkut katsorsaasunik sulisussarsiorpoq

Tarni  pissusaanut ilisimasalinnik imaluunniit peqqissaanikkut katsorsaasunik pingasunik, misilittagalinnik imaluunniit kinguaassiutitigut katsorsaanermut periaatsimik nutaamik ineriartortitserusuttunik aammalu pitsaaliuinermut suliassaqarfimmi neriulluarnartumik allanngoriartortitsinissamut kissalaarfiginnittunik, Isumaginninnermut aqutsisoqarfik sulisussarsiorpoq. Atorfik inunnut meeqqanut inuusuttunullu kinguaassiutitigut innarliisartumik pissusilersortartunut katsorsaavimmi nutaami inissisimatinneqarpoq, tassani suliassaqarfimmi aqutsisoq suleqatigiillu sinneri suleqatigalugit ”Killiliisa – Naalakkersuisut kinguaassiutitigut innarliisarnernut periusissiaat 2018-2022” ilaatut kinguaassiutitigut innarliisarnernik akiuiniarluni suliniutissanik atuutsitsilernermut peqataasussaassallutit.

Atorfik pillugu
Peqqissaanikkut katsorsaasutut katsorsaasoqatigiinni ilaalissaatit, tassani periaatsimik atuinermi aamma suliassatigut ileqqorissaarnermi suleqatigiinneq, paasiuminartuutitsineq qitiutinneqarlutik. Inunnut inuttut mianernartunik katsorsaanermi tarnip pissusaatigut peqqissaasarnermik sioqqutsisumik misilittagaqarsimanissaq pisariaqarpoq, kisianni inunnik kinguaassiutitigut allanut innarliisimasunik katsorsaanermik misilittagaqanngissinnaalluni. Naatsorsuutigineqarpoq suliassaqarfimmi nutaami namminersorlutit sulisinnaasutit kiisalu ineriartortitsinermik suliaqarnermi suliassanilu allani nalinginnaasumik tarnip pissusaatigut peqqissaanermik suliaqarnerunngissinnaasuni akuusinnaasutit – ilanngullugu ataatsimiinnerni aqutsineq, allaffissornikkut suliassat, atuartitsineq aamma paasissutissanik nalunaarsukkanik katersineq.
Atorfimmi tassani kinguaassiutitigut katsorsaanerup, katsorsaavimmi nutaami atuutsinneqalertussap, iluani piginnaanngorsarnissaq periarfissaqassaaq. Atuutsitsilernissaq Paarisami suleqatigiit aammalu Danmarkimi kinguaassiutitigut nakorsiartarfik suleqatigalugit pissaaq, tassani nakorsiartarfik ilinniartitaanernik sivikinnerusunik, ikorfartorneqarnernik siunnersuinernillu ikiuutissaaq.
Katsorsaavimmi internettikkut peqqissaasarnissaq eqqarsaatigineqarpoq aammalu teknologiimik tunngavilimmik tarnip pissusaanik ilisimasalimmik oqaloqateqarnernut malittarisassat Danske Psykologforening-imit 2016-imi novembarimi suliarineqartut saqqummersinneqartullu malinneqassapput, taamaalillutillu ileqqorissaarnikkut illersorsinnaasumik ingerlanissaa qulakkeerneqassalluni kiisalu pitsaassusaa qulakkeerneqassalluni.

Suliassatit ilaatigut tassaassapput:

  • Inunnut kinguaassiutitigut innarliisartumik pissusilinnut tapersiinissamik katsorsaanissamillu neqeroorutinik ineriartortitseqataaneq atuutsitsilertarnermullu peqataaneq
  • Kinguaassiutitigut katsorsaaneq pillugu katsorsaanermik suliaqarnermi akuuneq
  • Katsorsaanissamut pilersaarutinik periusissianillu kiisalu nakorsiartarnermut attuumassutilinnik paasissutissanik nalunaarsukkanik naliliisarnernullu najoqqutassanik ineriartortitsineq
  • Paasissutissiisarnermut paasititsiniaanernullu periusissiat imarisaannut immersueqataaneq
  • Inuiaqatigiinni akuliuteqqinnissamut periaasissanik siunnersuineq misissuinerlu
  • Allaffissornikkut suliassat assigiinngitsut attaveqarfinnillu suleqateqarnerit.


Sulisussarsiorpugut:

  • Tarnip pissusaanik ilisimasalimmik imaluunniit tarnikkut peqqissaasumik misilittagalimmik
  • Kinguaassiutitigut katsorsaanerup iluani immikkut ilisimasalimmik imaluunniit sukkasuumik immikkut ilisimasaqalersinnaasumik
  • Tulleriissaartumik periaaseqartartumik aammalu paasissutissanik nalunaarsukkanik katersinermik periaaseqarluni sulisinnaasumik
  • Suliassanut tunngassutillit suliassaqarfiillu akimorlugit suleqatiginnillaqqissumik
  • Attaveqaqatigiinnermi nukittuunik piginnaasaqartumik
  • Inuiaqatigiinnut kalaallinut kalaallillu kulturiannut ilisimasalimmik.


Neqeroorutigaagut:

  • Kalaallit Nunaanni inuiaqatigiinni ajornartorsiutinik pingaarnersiueqataanissamut periarfissaq asseqanngitsoq
  • Inunnik kinguaassiutitigut killissanik qaangiisumik pissusilersortartunik katsorsaanissamut tunngatillugu suliatigut suliniutissat ukkataralugit pikkorissusilinnik ataatsimooqataanissaq
  • Suliffiup iluani avataanilu qanimut ikorfartuisoqartarluni suliatigut ineriartorneq
  • Ulluinnarni suliassanut suliniutillu tamakkiisuutillugit annertuumik sunniuteqarnissamut periarfissaqarneq
  • Sullivik qaffasissumik sulianut pikkoriffeqarfiusoq kiisalu suleqatit pitsaasunik naleqartitaqartut sakkortuumillu ataqatigiissut.


Kalaallit Nunaanni meeqqanut inuusuttunullu ajornartorsiortunut suliniuteqarneq pillugu suleqatigiinnerup nukittorsarneqarnissaa aammalu ataatsimoorluni tamatumunnga suliassaqarfiit akimorlugit sulilernissaq pillugu Naalakkersuisut aamma danskit naalakkersuisui 2019-ini oktobarimi isumaqatigiipput. Suliaqarnerup kingunerisaanik suliniutissat siunnerfeqartinneqartut 16-it inassutigineqarput, inunnut inersimasunut meeqqanut kinguaassiutitigut innarliisumik pissusilersortartunut tapersiinissamut katsorsaanissamullu neqerooruteqarnissaq taakkunani ilaalluni. Atorfik taamaalilluni kalaallit-danskit suliassaqarfiit akimorlugit sulineranneersuuvoq aallaaviatigullu 2023-ip naanissaanut piffissamut killiligaalluni, kiisanni sivitsorneqarsinnaassalluni.

Sapaatip akunneranut piffissaq suliffiusussaq nalunaaquttap akunneri 40-it.

Isumaginninnermut aqutsisoqarfik pillugu
Isumaginninnermut aqutsisoqarfik Naalakkersuisut/Naalakkersuisoqarfiup ataani aqutsisoqarfiuvoq 6-inik makkuninnga immikkoortortaqarluni: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu paaqqinniffinnut aamma Innersuussisarnermut immikkoortortaqarfik, oqartussanut immikkoortortaqarfik, Iliuusissanut immikkoortortaqarfik aamma Allattoqarfik. Immikkoortortaqarfiit qanimut suleqatigiipput, aammalu sullivik suliassatigut unammilligassarpassuaqarfiuvoq.

Aningaasarsiat atorfininnermullu tunngasut
Aningaasarsianut atorfininnermullu atugassarititaasut, ilanngullugit atorfininnermi soraarnermilu akiliunneqarluni angalasinnaatitaaneq aamma pequttat nuutinneqarneri, atorfininnerup nalaani Namminersorlutik Oqartussat aamma kattuffiup isumaqatiginninniarsinnaatitaasup pineqartup akornanni isumaqatigiissut / sulisartunut isumaqatigiissut naapertorlugu pissapput.

Ineqarneq
Atorfimmut atatillugu inissiamik pisatsersugaanngitsumik inissaqartitsisoqarsinnaavoq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.

 Paasissutissat annertunerusut
Atorfik pillugu annertunerusunik paasisaqarusukkuit, Paarisami tarnip pissusaanut ilisimasallit pisortaat Naja Lund Kielsen uunga nalk@nanoq.gl / +299 34 60 54 imaluunniit suliniummik aqutsisoq Denise Schroder uunga deso@nanoq.gl / +299 34 66 58 attaveqarfigisinnaavatit.

Qinnuteqarnissamut piffissamut killiliussaq: 20. april 2020 nal. 12.00 (Kalaallit
Nunaani nalunaaqutaq malillugu)
Qinnuteqaat, CV, ilinniarsimanermut pikkorissarsimanermullu uppernarsaatit, kiisalu allakkiat attuumassuteqartut allat nassiutikkit ”Qinnuteqaat nassiuguk” toorlugu. E-mailikkut qinnuteqaatinik tigusisanngilagut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk