Pinaveersaartitsinermik aamma atugarissaarnermik suliaqarneq uummateqarfigiviuk aamma nuna tamakkerlugu meeqqanut inuusuttunullu taakkualu ilaqutaannut allanngueqataarusussuseqarpit?

Isumaginninnermut Aqutsisoqarfimmi pinaveersaartitsinermut immikkoortortami Paarisami suliniutinik peqqissuunissamik siuarsaanermut pinaveersaartitsinermullu tunngasunik aamma isumaginninnerup peqqinnissaqarfiullu iluini peqqinnissakkut siuarsaanermik pinaveersaartitsinermullu tunngasunik suliaqartarpugut. Suliaqarnerput inuit peqqissuunissaannut programimit Inuuneritta III-mit aallaaveqarpoq, aamma peqqissunissamik siuarsaanikkut pinaveersaartitsinikkullu suliniutit najukkani innuttaasut oqaloqatiginerisigut kissaatigineqartut, pingaartinneqartut aallarnisarneqarnissamullu periarfissaqartut aallaavigalugit inerisarneqartarlutik.
Paarisami attaveqaqatigiinnermut suliaqartutut immikkoortortaqarfik ataatsimik pisortalik aamma 17-inik allanik sulisulik suleqataaffigilissavat. Atorfimmi inuttaqanngitsumi qitiutitaq tassaavoq  suliffeqarfiup iluani avataanilu ingerlaartumik attaveqaqatigiinnikkut suliassanik suliaqartarneq. Ilaatigut immikkoortortaqarfik suleqatigalugu inuit attaveqaqatigiittarfiinik, nittartakkamik kiisalu atortunik il.il. ingerlaartumik inerisaasassaatit.

Naatsorsuutigaarput illit makkuninnga pisinnaasaqarlutillu piginnaasaqassasutit:

• Attaveqaqatigiinnerup tusagassiuutilerinerullu iluani ilinniarsimanissat
• Annerunerusumik attaveqaqatigiinnermik suliaqarneq nuannarisarigit
• Innuttaasut pitsaasumik oqaloqatigineqartarnissaannut pitsaasunik isumassarsiaateqartutit
• Attaveqaqatigiinnermut tunngasunik suliaqarnissamik nuannarisaqartuunissat oqaluttuassaqqissunillu oqaluttuallaqqissuunissat
• Allakkianik aamma tusagassiorfinnut nalunaarutinik allannermik misilittagaqartuunissat.
• Sunniuteqallaqqissuunissat, soqutiginnittuunissat ineriartorusussuseqarluartuunissallu.
• Inuiaqatigiit kalaallit kulturiallu pillugit ilisimasaqarluartuunissat.
• Marlunnik kalaallisut danskisullu oqaaseqaartuunissat.

Illit ilaatigut makku suliarisassavatit:

• Meeqqanut, Inuusuttunut Ilaqutariinnullu Naalakkersuisoqarfik suleqatigalugu suliaqarneq aamma tusagassiorfiit eqqarsaatigalugit ataqatigiissaarineq
• Tusagassiorfinnut nalunaarutinik aamma allakkianik suliarinninneq
• Attaveqaqatigeeriaatsinik inerisaaneq
• Paarisami paasissutissat suliarineqareersut pitsaassusaannik qulakkeerininneq
• Paarisap nittartagaanut www.paarisa.gl  aamma Facebookimi qupperneranut akisussaaffeqarneq
• Eqimattat assigiinngitsut anguniagalimmik attaveqarfigineqarnerinik qulakkeerinninneq, kommuninut, innuttaasunut aamma suleqatigisartakkat attuumassutillit matumani ilanngullugit
• Innuttaasut paasiuminartumik paasissutissiivigineqarnissaannik qulakkeerinninneq

Ilinnut makkuninnga neqerooruteqarsinnaavugut:

• Immikkoortortaqarfik ingerlaartumik ineriartortoq peqataaffigilissavat
• Immikkoortortaqarfik peqataaffigilissavat, suleqatit suliaminnut pikkorissut aamma siunersiueqatigiittartut ilagilissavatit.
• Suliffeqarfik ammasumik ingerlasoq kiffaanngissuseqarluni suliffigineqarsinnaasoq sulisullu iluarusullutik sulinissaannik pingaartitsisoq
• Atorfik suliatigut inuttullu ineriartornissamut periarfissaqarluartoq

Isumaginninnermut Aqutsisoqarfik pillugu                                                                          Paarisami attaveqaqatigiinnermik suliaqartartutut ulluinnarni suliatigut aqutsisumik sulianut tunngasutigut siunersiueqateqartassaatit, aamma atorfinitsitaanermut tunngasut pillugit pineqartillugit Paarisap immikkoortortaqarfiata pisortaanut nalunaartartussaassallutit.

Isumaginninnermut Aqutsisoqarfik Naalakkersuisut ataanni aqutsiveqarfiuvoq makkuninnga arfineq-pingasunik immikkoortortaqartoq: Pinaveersaartitsinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu inissititerinermullu immikkoortortaqarfik, Oqartussanut immikkoortortaqarfik, Innuttaasunut immikkoortortaqarfik,  Innarluutilinnut immikkoortortaqarfik, Meeqqat ineriartornerannut immikkoortortaqarfik aamma Allattoqarfik. Immikkoortortat qanimut suleqatigiittarput, suliffeqarfimmilu suliatigut unammillernartorpassuaqartarpoq.
 
Akissarsiat atorfininnermilu atugassarititaasut
Atorfik sapaatip akunneranut nalunaaquttap akunnerini 40 tiimit suliffiuvoq. Atorfimmut atatillugu angalangaatsiartarnissaq naatsorsuutigineqassaaq.

Atorfik 1. aprilip 2023 imaluunniit isumaqatigiissuteqarnikkut inuttalerneqarniarpoq.
Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat isumagineqartarput, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaa/sulisunut isumaqatigiissutaa naapertorlugu.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.


Paasissutissat amerlanerit
Atorfik pillugu paasissutissat amerlanerusut pisariaqartikkukkit Paarisami immikkoortortaqarfimmi pisortaagallartoq Aviaaja Ravnshøj Johansen oqarasuaat +299 346748 imaluunniit mailikkut araj@nanoq.gl attavigisinnaavatit.

Qinnuteqarnissamut piffissaliussaq: 13. februar 2023 nal. 12.00 (nunatsinni nalunaaqutaq malillugu)

Naalakkersuisut pillugit
Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani sulinissat tulluuppoq. Anginerusumik akisussaaffeqarsinnaasutit naatsorsuutigaarput aamma suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq pingaartitarilluinnarpavut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-rujut sinneqartugut Namminersorlutik Oqartussanut attuumassuteqartuuvugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.

Namminersorlutik Oqartussat pillugit annertunerusumik uani atuarsinnaavutit www.naalakkersuisut.gl/job


Qinnuteqaatit, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk