Skip to main content
89

Dette jobopslag er udløbet

Paarisa AC-fuldmægtigimik pimoorussisumik pissarsiorpoq

Pitsaaliuinermi suliniutinik inerisaanermik piviusunngortitsinermillu siunnerfilimmik suliaqarneq kajungeraajuk? Taamaappat atorfik una ilinnut naleqquppoq. 

Pitsaaliuinermut Isumaginninnermullu Aqutsisoqarfik, suliniutinut tunngasunik suliaqarnermik misilittagalimmik pitsaaliuinermilu pitsaasunik allannguinissamut soqutiginnilluinnartumik suleqatissarsiorpoq. Atorfik aaqqissuussaanikkut ilinniakkat akimorlugit immikkoortortami Paarisami- ilaatigut kommunit pisortaqarfiillu allat qanimut suleqatigalugit- pitsaaliuinermi periutsinik iliuutsinillu nutaanik inerisaanermik piviusunngortitsinermillu suliaqarfiusumi nissisimavoq. Ilinniakkat akimorlugit iliuusissanik, oqartussaasunut innuttaasunullu saaffiginnittunik inerisaaneq immikkoortortami sulianut qitiuvoq.

Atorfik
Suleqatigiinnut pimoorussisunut isumassarsianik inerisaanermik, ataqatigiissaarinermik, peqataatitsinermik piviusunngortitsinermillu pingaartitalinnut ilaalisaatit. Ilaatigut ”Killiliisa qulequtsiullugu kinguaassiuutitigut atornerluineq akiorniarlugu Naalakkersuisut 2018-imiit 2022-imut iliuusissatut siunniussaasa” ilaattut, kinguaassiuutitigut atornerluinermik akiuiniarnermut iliuusissanik inerisaaneq piviusunngortitsinerlu siunnerfilimmik suliassarissavat. Killiliisap ataani suliniutit aallartinneqareersut siunissamilu suliniutaajumaartussat -ilaatigut kinguaassiuutitigut atornerluineq akiorniarlugu paasititsiniaanermik, innuttaasunut ilinniagalinnullu paasissutissiisarnernik, maligassiusussanik inerisaanermik kiisalu inunnut kinguaassiuutitigut kannguttaatuliortartunut iliuuseqarnissamik ilaqarput.   
 
Suliassatit ilaatigut makkuussapput: 

  • Suliniutinik politikkikkut akuersissutaasunik inerisaaneq piviusunngortitsiunerlu
  • Suliniutinik aqutsineq
  • Ilinniakkat akimorlugit suleqatigiinnernik ataqatigiissaarineq
  • Ataatsimiinnissanik, suleqatigiissuteqarnissanik assigisaannillu pilersaarusiorneq   
  • isumaginninnerlu.
  • Allattariarsukkanik ilaatigut suliniutissat nassuiaatitaannik, allakkianik nalunaarusianillu  
  • suliaqarneq
  • Ilisimasanik katersineq ingerlatitseqqiinerlu
  • Malitseqartitsineq piviusunngortitsinerlu

Piginnaasatit
Sulisussarsiorpugut:

  • Suliniutinik inerisaanermullu tunngasunik misilittagalimmik
  • Pitsaaliuinermut tunngasunik ilisimalimmik soqutiginnittumillu
  • Allakkatigut oqaatsitigullu ingerlatitseqqiinermut piginnaasaqarluartumik
  • Naapertuuttumik ilinniagalimmik
  • Iliuusissanik siunniussilluni misissueqqissaarsinnaasumik pisarnermiillu allaasumik 
  • eqqarsarsinnaassusilimmik
  • Aaqqisuussamik periusilimmik angusaqarusussusilimmillu
  • Pimoorussisumik inunnillu assigiinngitsunik amerlasuunik suleqateqarnermut
  • pikkoriffilimmik
  • Illugiinnik kalaallisut qallunaatullu oqaaseqarneq qujanassaqaaq piumasaqaataanngilarli

Killiliisa qulequtsiullugu kinguaassiuutitigut atornerluinerup akiorniarneqarnerani anguniagassatut siunniussat saniatigut, atorfik Paarisami suliniutinut allanut tunngatillugu- soorlu makkununnga: nakuuserneq, peqqinnartumik atoqatigiinneq, siusissukkut iliuuseqarneq, imminut toquttoqartarnera, imigassaq, hashi il.il., ilinniagaqassuseq tunngavigalugu suliassaqarneranik nassataqarportaaq.
 
Pitsaaliuinermut Isumaginninnermullu Aqutsisoqarfik
Pitsaaliuinermut Isumaginninnermullu Aqutsisoqarfik aaqqissuussaanikkut Naalakkersuisut ataanni inissisimavoq tallimanillu ukuusunik immikkoortortaqarluni: Pitsaaliuinermut imm.  Paarisa, Aningaasaqarnermut imm., Ulloq unnuarlu paaqqinniffinnut Innersuussisarnermullu imm., Qitiusumik Siunnersuisarfik Allatseqarfillu. Immikkoortortat qanimut suleqatigiipput, suliffeqarfiuvorlu ilinniagaqassutsikkut unammilligassarpassualik. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat sukumiinerusut
Atorfik pillugu annertunerusunik paasisaqarusukkuit Paarisami immikkoortortami pisortaq Ditte Enemark Sølbeck mailikkut: ditt@nanoq.gl / oqarasuaatikkut: +299 346037 imal. suliniummik aqutsisoq Rikke Louise Kuhn mailikkut: riku@nanoq.gl / oqarasuaatikkut: +299 344874 attavigisinnaavat.

Qinnuteqarnermut killigititaq: 23. januar 2020 nal. 12:00 (Kalaallit nalunaaqutaat)

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk