Skip to main content
152

Dette jobopslag er udløbet

Paamiuni Imarsiornermik Ilinniarfik inspektørissarsiorpoq

Nutaaliortuuvit, ineriartortitsineq nuannaraajuk aamma Nunatsinni pitsaasumik allanngortitsinissaq kissaatigaajuk?  
Taamaassimappat Paamiuni Imarsiornermik Ilinniarfimmi inspektøritut imaassinnaavoq illit aqutseqatigiinni amigaatigigitsigit!
 
Kalaallit Nunaanni ilinniarfiit pingaarnersaasa ilaanni aqutsisuunissaq kissaatigigukku atorfik immaqa ilinnut tulluuppoq. Paamiuni imarsiornermi atuarfitsinni ersarissumik, nutaaliortutut eqqarsartartumik ammasumillu aqutsisinnaasumik amigaateqarpugut. Paamiuni atuarfiup ineriartortinnissaa pisariaqartipparput atuartup saalliutinneratigut, ilinniarfik kollegie-milu avatangiisit ammasut ilinniarusunnermillu inuttullu ineriartornissamik piumassuseqalersitsisut. Ukiut kingullit 5-mat Imarsiornermik Ilinniarfik ajunngitsup tungaanut ineriartupiloorsimavoq. Ineriartornerup taassuma ingerlaannarnissaa kissaatigaarput, aamma Paamiuni immikkoortortami nukittuumik aqutsisulerluta.

Paamiuni imarsiornermi atuarfimmi aqutsisutut annertuumik nammataqassaatit, tassanilu atuarfiup ulluinnarni ingerlanneqarnerani suliassiissutillu naammassiniarneqarneranni annertuumik nammineersinnaanissat naatsorsuutigisariaqassavarput. Taamaakkaluaq illit aqutsisoqatigiitit ilagiuarlugillu tunuliaqutigijuassavatit, isumasioqatigiittarnikkut, suleqatitut siunnersortitullu. Aqutsisoqatigiit inuttai tassaapput ilinniartitaanermut pisortaq (uddannelseschefen), allaffimmi pisortaq (kontorchefen), pikkorissarnermut immikkoortortap pisortaat (chefen for kursusafdelingen) kiisalu atuarfiup forstanderia, taakkulu tamarmik Nuummi inissisimapput. Siunertap assigiimmik orninniarnerani qanittumik ersarissumillu suleqatigiittarpugut.

Sulilerfissaq: Augustip aallartinnerata missaa imaqaluunniit isumaqatigiisuteqarnik-kut.

Suliassatit:
Nuummi pisortatut qummut tulliit tassaavoq ilinniartitaanermut pisortaq. Paamiuni immikkoortortami immikkoortut tamaasa akisussaaffigissavatit, taakku ataanni atuartitaanerup pilersaarusiornera, aningaasaqarnerup aqunnera, ilinniartussarsiornermi ataqatigiissaarineq, ilinniartut inaannik (kollegiamik) aqutsineq kiisalu immikkoortortami sulisunik aqutsineq. Ilinniartitsinermi suliffimmilu qarasaasiap atorneqartarnerata ineriartortinneqarnissaa pisariaqartinneqarpoq, taamaattumik qasaasiap taakkulu atortuisa atornissaannut annertuumik (naammattumik) ilisimasaqarnissat naatsorsuutigissavarput. Ilinniartitaanermut pisortaq suleqatigalugu illup atorneqarnera aserfallatsaalineqarneralu akisussaaffigissavarsi, aamma pineqartorlu Paamiuni ilinniartitaaneq ullumikkut Kal. Nunaanni pissutsinut naleqqussartuassavarsi ineriartortillugulu, inatsisit atuutut tamatigut tunngavigalugit.

Ilinnut tunngasut:  
Suliumatuussaatit angusaqarumasoq, nutaaliortoq, aallartisaallaqqissoq suliassiissutillu naggataa tikillugu naammassisinnaassavatit. Aqutsisutut kajumissaarillaqqissuussaatit sulisunut, suleqatinut atuartunullu; ammasoq, takussaasoq pallikkuminartorlu. Kalaallini inuiaqatigiinni pitsaasumik angusaqarusussuseqassaatit imarsiornermilu pisunut tamanut piumassuseqarluartoq. Minnerpaamik kalaallisut/qallunaatut piginnaaneqarnissat kissaatiginarpoq, kisianni inummut piukkussamut piumasaqaataassanngilaq.
 
Imak ittuunissat takorloorparput: 

  • Nukissaqarluartoq, ataavartumik suliumatooq angusaqarluarnissamullu kissaateqartartoq. 
  • Aqutsisutut kajumissaarillaqqissuussaatit ajortussarsiunngitsoq pallikkuminartorlu.
  • Aalisariutini niuffagiutiniluunniit aqumiuusimasutut misigisaqarsimasoq, imaluunniit ilinniagaq taakkununnga assingusoq. 
  • Inuk ammasoq, allakkatigut oqalunnikkullu allanut attaviginnikkaangami ersarissoq.
  • Ilinniagassat ineriartortittuarnissaannut akisussaaqataanissamut piareersimasoq. 
  • Suliffeqarfik ataatsimut tamaat sinnerlugu aalajangersinnaallunilu nammineersinnaasoq.   
  • Suleqatigikkuminartoq aqutsisoqatinillu allanik ammasumik tutsuiginartumillu suleqateqarsinnaasoq. 
     
    Neqerooruterput:
  • Suliffik immikkoortortap ineriartortinnissaanut inissaqarluartoq
  • Kalaallit Nunaanni imarsiornerup iluani ilinniagassanut sunniuteqarsinnaaneq
  • Atorfik unammillernartoq allanngorartorlu suleqatinut, ilinniartunut aqutseqatinullu qanittumik suliffik  
  • Suliffeqarfik sulinermik ilinniarnermilu avatangiisit pitsaasut salliutinneqartut
  • Suliffeqarfik ilisimasaqarfimmik namminerlu inuttut ineriartornissamut periarfigissaartoq
  • Suliassiissutinik kajumittumik ikioqatigiittumillu qaangiiffik, kisianni aamma nammineersinnaassusermik akisussaaffeqartutullu iliuuseqarfissaq
     
    Qinnuteqarfissaq kingulleq ulloq 15. Juli 2019 
    Atorfik pillugu paasisaqarnerorusukkuit uku attavigissallugit tikilluaqqusaavutit:
    Ilinniartitaanermut pisortaq Bent Olesen

    Mobil: +299 562730
    E-mail: bent@maritim.gl
    Imaluunniit:
    Forstander Nivikka Brandt
    mobil +299 559400
    E-mail: nbr@maritim.gl

Kalaallit Nunaat Namminersorlutillu Oqartussat pillugit amerlanernik paasisaqarusukkuit https://naalakkersuisut.gl/da - mi Atorfiit ataani pissarsiaqarsinnaavutit.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk