Skip to main content
156

Dette jobopslag er udløbet

Oqarasuaatikkut siunnersort ataaseq Tusaanngamut

Tusarnaallaqqippit aamma nunami tamarmi innuttaasut atugarliortut pillugit allanngueqataarusuppit?
Tusaannga oqarasuaatikkut aamma sms-ikkut siunnersuisarnerni suleqatissamik tunniusimasumik pissarsiorpoq. Siunnersortitut suliassatit pingaarnerit tassaapput innuttaasut siunnersorneqarnissamik ilitsersorneqarnissamillu pisariaqartitaannik naammassinnittarnissat.
Tusaannga tassaavoq Kalaallit Nunaanni siunnersuinissamut neqeroorut katitigaq nutaaq, oqarasuaat 801180 aamma sms 1899 aqqutigalugit meeqqanut, inuusuttunut inersimasunullu nuna tamakkerlugu siunnersuisartoq.

Innuttaasunut nalunngisaminnit imaluunniit illoqarfimminni/nunaqarfimminni ikiorserneqarsinnaannginnermik misigisimasunut ajornartorsiumminnik oqaloqatiginninnissamut pisariaqartitsisunut Tusaannga neqeroorutaavoq.
Ajornartorsiutit isumagineqartussat assigiinngitsorpassuusinnaapput. Taamaattumik siunnersortitut inunnik paasinnissinnaallutillu naleqqussarsinnaanissaat pingaaruteqarpoq. Siunnersortitut misilittagaqarneq iluaqutaassaaq, pisariaqartuunanili, tassami sanileqarluta ilinniartitsisarpugut tamannalu ilutigalugu ingerlaavartumik piginnaasanik ineriartortitsinermik pikkorissarnissamik neqerooruteqartassaagut.

Tusaannga Isumaginninnermut Aqutsisoqarfiup ataaniippoq aamma Innuttaasunut immikkoortortaqarfimmi tunngavissinneqarsimalluni.

Siunnersortitut illit ilaatigut:

  • Suleqatitit peqatigalugit oqarasuaatitigut sms-itigullu sullississaatit
  • Meeqqanut/inuusuttunut inersimasunullu ajornartorsiutilinnik tapersersuillutit tusarnaartassaatit, ajornartorsiutit tassaasinnaapput qinngasaarisarnermit, annersaasarnermit, perorsagaasimanermit, innarligaasimanermit atornerluinermut allanik ajornartorsiutit.
  • Innuttaasut ajornartorsiutiminnik qaangiiniarlutik iliuuseqarnissaannut siunnersorlugillu kajumissaartassavatit
  • Suliniummik ingerlatsineq eqqarsaatigalugu Tusaanngap suliassaanik nalinginnarnik suliaqarnerit.

Suleqatissarput tassaassaaq:

  • Inuuniarnikkut qanorluunniit ittunik ajornartorsiuteqartunik sullisserusussusilik.
  • Innuttaasuni sanngiitsuni assiginngisitserusuppit.
  • Naliliisinnaassuseqarluartoq aamma pisuni ulapaarfiusuni iliuuseqarsinnaassusilik.
  • Patajaatsoq aamma siunissami ungasinnerusumi taamatut imminut isigissaatit.
  • Aaqqissuulluagaasoq, akisussaassuseqarluartoq, inerisimasoq mattusoorlu.
  • Teknikimik piginnaaneqarluartoq.
  • Peqqinnissamik inulerinermik isumaginninnermilu ilinniagalik. Misilittakkat attuumassuteqartut ilinniagaqarnissamik piumasaqaatit taarsersinnaavaat.
  • Qallunaatut/kalaallisullu marluinnik oqaaseqartuusoq. Tamatumunnga ilanngullugu Tunumiutut oqalussinnaaguit iluaqutaassaaq.
  • Meeqqanik innarliisimannginnermut uppernarsaat pinerlussimannginnermullu uppernarsaateqarneq.
  • Nuummi najugalik.

Suliffik imatut ittoq neqeroorutigaarput:

  • Isumalik tunniussisartorlu, tassani innuttaasunut sanngiitsunut assigiinngisitsissaatit.
  • Tassani akisussaafferujussuarmik tigusissaatit.
  • Suliffik pitsaasumik atugaqarnermik suleqatinillu pitsaasunik qitiutitsiffiusoq.
  • Piffissat suliffiusussat eqqarsaatigalugit suliffik tamatigoortoq.
  • Atorfik suliatigut inuttullu ineriartornissamut periarfissalik.


Atorfik ulloq naallugu atorfiuvoq (sap. ak. nal. ak. 40-t) aamma Tusaannga ulloq unnuarlu inoqartartussaammat suliffissat nikerartuussapput. Sapaatit akunnerisa naaneranni aamma sulisoqartassaaq. Atorfik 1.september imaluunniit isumaqatigiissuteqarnikkut inuttalerneqassasoq kissaatigineqarpoq.
Atorfik soqutigigukku inuiaqatigiinnilu sunniuteqaqataarusukkuit qinnuteqaammik CV-millu nassiussigit.

Tusaannga aamma atorfik pillugu paasissutissat sukumiinerusut Mette Lange-Nielsenimut oqarasuaatikkut på +299 346023 imaluunniit mailikkut pissarsiarineqarsinnaapput: mlan@nanoq.gl
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk