Skip to main content
84

Dette jobopslag er udløbet

Oqaatsinut, atuakkialerinermut tusagassiuteqarnermullu immikkoortortaani adjunktitut / lektoritut atorfik inuttassarsiorneqarpoq

Matumuuna Ilisimatusarfimmi / Kalaallit Nunaata Universitetiani, Kulturimut, Oqaatsinut Oqaluttuarisaanermullu Instituttip (KSH) oqaatsinut, atuakkialerinermut tusagassiuuteqarnermullu immikkoortortaani (SLM) adjunktitut / lektoritut atorfik inuttassarsiorneqarpoq.

Kissaatigaarput atorfik 1. august 2021 inuttalerneqassasoq.

Piginninnaasanut piumasasqaatit
Adjunktitut / Lektoritut atorfininnissamut qinnuteqarnermi naatsorsuutigaarput qinnuteqartut ph.d.-mik imaluunniit Post Doc-imik ilinniagaqassasut oqaasilerinermillu sammisaqarlutik.

Suliassat
Adjunktitut / Lektoritut atorfininnermi ilinniartitaanerup tungaani suliassat tassaassapput:

  • ukiut siulliattut aappaattullu bachelorinngornianut ilinniartitsisut sinnerisa isumaqatigiissuteqarfiginerisigut ilinniagassani sammisat atuartitsissutigineri
  • ukiut pingajuanni bachelorinngorniani kandidat-inngornianilu atuartitsineq
  • bachelorinngornianik kandidatinngornianillu aqqutissiuussineq.


Tamatumattaaq saniatigut qinnuteqartoq SLM-imi oqaatsitigut ataatsimut atuartitaanermi/ tamatuma ilaanik ingerlatserusuttoq kissaatiginassaaq.

Atorfimmut atatillugu namminerisamik ilisimatusarnissaq periarfissaavoq, ajornanngippat Kalaallit Nunaannut Nunanullu Issittunut tunngasumik.

Ilisimatusarfimmi, Kalaallit Nunaata Universitetiani, ilinniartitsineq kalaallisut, qallunaatut tuluttulluunniit ingerlanneqarsinnaavoq.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu atorfik lektoritut atorfinngorlugu sivitsorneqarsinnaavoq.

 Qinnuteqaat
 Qinnuteqaat makkuninnga ilaqartinneqassaaq:

  • Ilanngussaq 1: Curriculum Vitae.
  • Ilanngussaq 2: Soraarummeersimanernut uppernarsaatit.
  • Ilanngussaq 3: Saqqummersissimasat allattorsimaffiat.
  • Ilanngussaq 4: Ajornanngippat suliamut tunngasumik ilisimatusaatigiumaagassaq pillugu takorluukkat.


Attaveqaatit/paasissutissat
Atorfik pillugu annertunerusumik paasisaqarusukkuit Immikkoortortami pisortap Birgit Kleist Pedersen, tlf. + 299 385675-mut sianerlutit attaviginissaanut tikilluaqquatsigit. Ilisimatusarfik pillugu annertunerusunik paasisaqarusukkuit uani atuarsinnaavatit: www.uni.gl.

Atorfinitsitseriaaseq
KSH-mi Instituttip pisortaa SLM-imilu immikkoortortap pisortaa siunnersuisussanik suleqatigiiliussapput, taakkua qinnuteqaatinik takkussuuttunik ilisimatinneqassapput, tamatumalu kingorna qinnuteqartuni kikkut oqaloqatigineqarnissamut aggersarneqassanersut siunnersuissallutik.

Ilisimatusarfik pillugu
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

  • Kulturimik, Oqaatsinik Oqaluttuarisaanermillu Ilisimatusarfik
  • Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
  • Peqqissaanermik Ilisimatusarfik peqqissaasunngorniarfittalik
  • Inuiaqatigiilerinermik, Aningaasaqarnermik Tusagassiornermillu Ilisimatusarfik.


Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk