Skip to main content
91

Dette jobopslag er udløbet

Oqaatsinut, atuagaateqarnermut qaraasiakkullu atortunut lektorip (SLM) ernereernerup kingorna sulinngiffeqarnerani taartaasussaq

Suliassat piginnaasallu
Ilisimatusarfiup immikkoortortaqarfiani oqaatsinut, atuagaateqarnermut qarasaasiakkullu sammisaqarfiusumi (KSH) ukioq 1970 sioqqullugu naqitanik atuakkialerivimmi ernereernerup kingorna sulinngiffeqartumut taartaasussamik pissarsiorpugut.

Atorfik 1.august 2019-imiit 30.januar 2020 ilanngullugu inuttalerusunneqarpoq.

Piginnaasat:
Ernereernerup kingorna sulinngiffeqartumut taartaasussamut naatsorsuutigaarput
1) atuakkialerinermut tunngasumik allaaserinninneq ingerlakkit 2019-illu ukiaanerani tunniussissamaartutit imaluunniit 2) kandidatimut allaaserinninninni karekteeri A imaluunniit B pissarsiarisimagit, tassanilu kalaallit atuakkiaat atuakkiornermilu oqaluttuarisaanerat pingaarnertut sammisimassagit. Kalaallit oqaasii pingaarnertut oqaaserigukkit piginnaasaqarfigilluarukkilluunniit iluaqutaassaaq, iluaqutaassaattaaq oqaatsinut, atuagaateqarnermut qarasaasianullu tunngasumik immikkoortortaqarfimmi ilinniakkamik naammassinnissimaguit.

Suliassat:
Ernereernerup kingorna sulinngiffeqartumut taartaanermi atuartitsinermut tunngasuni suliassat tassaassapput kalaallisut atuartitsineq naqitanik 1970 sioqqullugu saqqummersitanik sammisaqarfiusoq, bachelorinngorniat atuarneranni ukiumi siullermi ukiullu aappaanni
 
Kikkuuvugut?
Ilisimatusarfik, Nunatta Universitetia 1987-imi pilersinneqarpoq. Ilisimatusarfik sisamanik institutteqarpoq: Kulturimut, Oqaatsinut Oqaluttuarisaanermullu Institutti, Inuiaqatigiilerinermut, Aningaasaqarnermut Tusagassiuuteqarnermullu Institutti, Ilinniakkanut Institutti kiisalu Peqqissaaneq Peqqinnerlu pillugu ilisimatusarnermut Institutti.

Instituttit tamarmik kandidat-imut bachelorimullu ilinniarfiusinnaapput.

Kulturimut, Oqaatsinut Oqaluttuarisaanermullu Instituttimi adjunktutit ilisimatuunik, lektorinik, adjunktinik faglærerinik arlalinnik, soraarnernik ph.d.-mullu ilinniartunik sulisoqarpoq. Instituttimissaaq Meeqqanut, Inuusuttunut Ilaqutariinnullu ilisimatusarfeqarpoq.

Ilisimatusarfik ilisimatusarnermik ilinniartitsinermillu pingaartumik Qallunaat Nunaannik Nunanillu Avannarlernik kiisalu Europap sinneranik Amerikamillu avannarlermik suleqateqarpoq.
 
Qinnuteqaat:
 Qinnuteqaat makkuninnga imaqassaaq:

  •  Ilanngussaq 1: Curriculum Vitae, tassunga ilanngullugu atuartitsinermik misilittakkat.
  •  Ilanngussaq 2: Soraarummeernerni allagartat.
  •  Ilanngussaq 3: Saqqummersitat allattorsimaffiat.


Atorfinitsitseriaaseq:
Ingerlatsivimmi pisortaq aammalu SLM-imi pisortaq suleqatigiinnik siunnersuisussanik pilersitsissapput, taakkualu qinnuteqaatinik takkuttunik ilisimatinneqassapput, qinnuteqartullu sorliit oqaloqatigineqarnissamut aggersarneqassanersut siunnersuissallutik.

Sapaatip akunneranut suliffik nalunaaquttap akunnerinik 40-nik sivisussuseqarpoq.

Annertunerusumik paasisaqarsinnaavutit uani www.uni.gl uanilu qinnuteqartut soqutiginnittut quppersagaaraq aasinnaavaat:  http://da.uni.gl/job.aspx.

Saaffiginniffissaq:
Ilisimatusarfik – Grønlands Universitet
Oqaatsinut, atuakkialerinermut qarasaasianullu tunngasunik immikkoortortaq pillugu apeqqutissaqaruit:
Immikkoortortami pisortaq, Lektor, Birgit Kleist Pedersen bipe@uni.gl
Tlf. +299 38 56 75

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk