Skip to main content
89

Dette jobopslag er udløbet

Oqaatsinik pikkorissarneq, KTI kalaallisut ilinniartitsisumik pissarsiorpoq

Kalaallit Nunaanni innuttaasut nutaat kalaallisut ilinniartinnissaannut sapiissuseqarpit aamma kalaallit oqaasii ilinniartitsissutitut ineriartortitsinissannut nutaamillu eqqarsarnissamut soqutigisaqarpit? Taava illit tassaavoq, KTI-mi Sisimiuniittumi Oqaatsinik Pikkorissarfimmi kalaallisut ilinniartitsisutut atorfimmut ujagarput.
Atorfininnissaq pissaaq 1. december 2019 imaluunniit isumaqatigiissuteqarneq tunngavigalugu.

Atorfik pillugu
KTI-mi Oqaatsinik Pikkorissaavimmi ilinniartitsisutut oqaatsinik ilinniartitsineq pissanganartoq qitiutissavat. Pikkorissartut killiffianniit aallartitittassavatit kalaallisut oqalussinnaalernissaannut ikiorlugit.
Pikkorissartartuutigut inersimasuupput oqaatsitigut qaffassarusuttut. Kalaallisut pikkorissartitsinerit maannakkut nunamit allamiunut Kalaallit Nunaanni sulisunut, maanna suli kalaallisut oqalussinnaanngitsunut imaluunniit oqalulaarsinnaasunut, kisianni suli oqallorivinngitsunut tunngatinneqarput. Ilutigitillugu kalaallit kalaallisut pikkorissarusuttut amerliartorput, taamaattumik kalaallisut ilinniartitsinermik tamatigoortumik misilittagaqaruit iluaqutaassaaq.
Suliffiup inissisimanera pingaarneq tassaavoq Sisimiut, kisianni Kalaallit Nunaat tamaat sullittarparput, taamaattumik najukkami pikkorissartitsinerit salliutittaratsigit, atorfimmut atatillugu angalaneqartassaq.
Immikkoortortami atorfeqarput suliassaqarfimmi aqutsisoq, kontorfuldmægtigi, danskisut tuluttullu ilinniartitsisut marluk kiisalu ilinniartitsisut avataaneersut attuumassuteqarfigisat. Suleqatigiit sulilluartut akuleruffigissavatit, taakku suleqatiginnikkusussuseq aamma ilinniaritsinermi qaffasissumik pitsaassuseqarneq qitiutippaat. Oqaatsit assigiinngitsut akornanni suleqatigiilluarnissaq pingaartipparput.
Naatsorsuutigaarput

  • Attuumassuteqartumik oqaatsit pillugit ilinniagaqartutit – soorlu assersuutigalugu kalaallisut ilinniagartuujusutit imaluunniit ilinniartitsisutut ilinniarsimasutit kalaallisut linjefageralugu imaluunniit kalaallisut oqaatsit aappaattut
  • Inersimasunik ilinniartitsinermik misilittagaqartutit
  • Oqaatsinik ilinniartitsinermi atortunik misilittagaqartutit aamma ineriartortitsinissannik soqutigisaqartutit
  • Kalaallisut ilinniartitsineq paasiuminarsarlugulu anguneqarsinnaasunngortissinnaassagit
  • IT/multimediat misilittagaqarfigigitit soqutigisorujussuullugillu
  • Alisissumit ilinniartitsinerit soqutigigit aammalu misilittagaqarfigigukku pitsaassaaq
  • Ilinniartitsisut allat qanimut ajunngitsussaq anguniarlugu ammasumik suleqatigissagitit
  • Sinerissami pikkorissartitsinermut tunngatillugu angalasarnissat eqaatsumik aaqqiiffigisinnaagit
  • Danskit oqaasii annertuumik ilisimasaqarfigigitit
  • Tuluttut attaveqaqateqarsinnaasutit

Neqeroorutigaarput

  • Suliffik pissanganarlunilu unammillernartoq avatangiisimigut nutaamik pilersitsisinnaasoq pitsaasorlu
  • Immikkoortortaqarfik oqaatsinik annertuumik soqutigisaqarfiusoq aamma oqaatsinik ilinniartitsineq qaffasinnerpaamiittoq
  • Isumassarsianut nutaanut ammasuuneq aamma oqaatsinik ilinniartitsinermi aqqutit nutaa
  • Sulinerup tungaatigut atorfiit annertuumik sunniuteqarfigisinnaavat
  • Oqaatsitigut qaffassarneq aqqutigalugu inunnik ikiuinissamik periarfissaq
  • KTI-mi sulisut allat peqatigalugit ataatsimoorneq

Paasissutissat allat:

Atorfik pillugu paasissutissat sukumiinerusut suliassaqarfimmi aqutsisumut Dorthe Andersenimut uunga saaffiginninnikkut pissarsiarineqarsinnaapput: Oqarasuaat +299 862053 imaluunniit e-mailikkut: doan@kt.gl
 
Internetikkut nittartagarput takuuk: oqaatsit.gl

Aamma kommunip internetikkut nittartagaa takuuk: www.qeqqata.gl
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk