Skip to main content
89

Oqaatsini inuiaqatigiilerinermilu ilinniartitsisoq

Takanna - Værsgo’
Inuussutissalerinermik Ilinniarfimmi – Inuilimi qallunaatut, tuluttut inuiaqatigiilerinermilu ilinniartitsisutut atorfik pilerigisat tamassa.
 
Uummateqarfigisaq
Suliassaqarfigisat ingerlatitseqqiilluarnerlu pingaartippigit? Kalaallit Nunaanni siunissami neqaarniassat ersarissumik soqutiginnilersitsisumillu ilinniartitaanissaannik takorluugaqarlutit uummateqarfigaajuk? Inunnik ineriartortitsinernut inuunerullu sinneranut ilinniarusulersitsinissamut peqataarusuppit? Taamaassimappat inuttassarsiuussineq manna atuaqqissaaruk, taamaassimappammi illit atorfinitsikkusuppatsigit.
 
Qitiusumik suliassat
Ilinniartitsisutut suliassaqarfimmillu ilinniartitsisutut suliassat qiterpiaat ersarippoq - ILINNIARTITAANEQ.
Ilinniartitaanerinnaanngilarli… Suliassaqarfivimmi ilisimalluarneratigut, aaqqissuussilluarsinnaanikkut ilinniartitsilluarsinnaanikkullu, suliassaqarfiup iluani inuttullu piorsaaqataassaatit. Illit aqqutigalutit ilinniartuutitta pitsaanerpaamik suliassaqarfimmik ilisimasaqartilerlugillu misikkarissuseqalernissaannik ilinniagaqarnissaat qulakkiissavarput.
 
Suliassaq kisimiillutit soorunami nammassanngilat. Inuilimimi ataatsimoorluta sliassat ingerlappagut, tassani mamarsakkanik nerisassiornermi, inuussutissalerinermi peqqissutsimilu, iffiortutut kaagiliortutullu kiisalu oqaatsinik ilinniartitsisut pikkorilluinnartut suleqatigilernissaat qilanaarisinnaavat.
Taakku saniatigut Aalisakkanik tunisassiornermi procesteknikerinngorniarluni ilinniarfimmi ilinniartitsisoqatigiit nukittuut suleqatiginissaat qilanaarisinnaavat. Ingerlatsinermut immikkoortortaqarfipput ikiuiumatullunilu sulilluartoq allaffipajuppullu puigussanngilagut.
 
Nuannequtaasa aamma ilagaat Upernaviarsummi nunalerinermut ilinniarfeqaratta. Tassani Kalaallit Nunaanni savaatillit pikkorissut ilinniartittarpagut. Inuilimiit ungasiartumiippoq, suliffeqarfitsinnili qitiulluinnarpoq Kalaallit Nunaannilu inuussutissanik pingaartitsinitsinni piujuaannartitsisumillu nunamiit nerrivimmut ineriartortitsinitsinnut pissusissamisoortumik inissisimalluni.
 
Suliassat imarisai – pisinnaasavillu suunerinik takorluukkavut: 

  • Suliassaqarfimmi pilersaarutit malillugit akuunerulersitsillunilu qanilaartumik atuartitsinissamut piareersaallunilu ingerlatsineq
  • Inimi atuarfiusumi pitsaasumik ilisimasaqarfiusumik immersuinissaq praktikkerfissamut ataqatigiissinneqartumik
  • Aaqqissuussaalluartumik aalajaatsumillu sulineq
  • Nuannaarneq, pinngorartitsineq isummersuinerlu
  • Akisussaaffeqartumik namminersorluni sulineq
  • Ataqqeqatigiilluni piumassuseqarlunilu suleqatigiinneq
  • Isumassarsiatsialaanerpaaq ajugaatillugu
  • Killissat pinnagit periarfissanik takunnissinnaaneq
  • Inuilip ineriartortinneqarnerata ingerlaannarnissaa
  • Inuussutissarsiutigisanni misilittakkatit atorlugit neqilerisutut nunarsuarmi ilinniartitsisuni pitsaanersaalernissat
     
    Inuili - kinagooq?
    Inuili Inuussutissalerinermut Ilinniarfiuvoq. Kalaallit Nunaanni ilisimasaqarfitta iluanni pikkorinnerulerusuttunut pitsaasumik ilinniagaqarnissamut tunniusseqataanissarput siunertaraarput.
    Ileqqut nutaaliornerlu assigiimmik pingaartippavut, taakkulu paasissutissat piviusullu tunngavigalugit pisarlutigit.
     
    Kalaallit Nunaata suani?
    Narsamiippugut Kujataani pikkunarlunilu pinnersumi – Assersuutigalugu Københavnimit timmisartumik umiarsuarmillu angalaneq akunnerit 7-8.
    Pinngortitarsuarmi alutornarluinnartumiinnerput nuannareqaarput. Narsami najugaqartut ataatsimoornerat nuannaraarput. Tamassuma saniatigut nuna tamakkerlugu nunanilu allani suliassaqarfinni suleqatit pikkorilluinnartut attaveqatigaavut.
     
    Suliffittaat
    Tatigininneq, ataqqeqatigiinneq inissaqartitsilluarnerlu iluatsitsinitsinnut qitiulluinnarput. Suliffittaassaatit illaqatigiinnermik naligiimmillu qungujulalluta qiimalluta naapitsinermik nuannarisaqartuni. Tassani suleqatigiinnerput pimoorussillutalu sulinerput pitsaasumik toqqissisimanartumillu avatangiiseqarnitsinnut tatituumillu atugassaqartitsilluni ilinniartitsinermut tunngaviuvoq. Massakkullu illerpiaq iluatsitsinissatta tullianut ingerlaqqinnissatsinnut piginnaasaqartutit amigaatigaatsigit.
     
    Illit tassaavutit suliannut uummateqartoq, illit allallu pikkorinnerulersinnissaannut piumassuseqartoq. Oqaatsit inuiaqatigiilerinerlu pillugit ilinniagalittut, IT-mik atuilluarsinnaallutillu attaveqaqatigiinnermik suliaqarsinnaassaatit.
    Pikkorissaasutut, suliassaqarfimmi ilinniartitsisutut allatulluunniit ingerlatitseqqiinermik iluatsitsilluarsimaguittaaq iluaqutaassaaq, piumasaqaataananili.
     
    Aningaasarsiatigut atorfinitsitaanermilu atugassarititaasut
    Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
     
    Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Sulisunut inissianut utaqqisoqarsimappat utaqqiisaasumik inimut pequtsersorsimasumut inissiisoqarsinnaavoq.
     
    Imannak qinnuteqassaatit
    Sisamanngornermi 1. januaari 2020 kingusinnerusukkulluunniit sukkanerpaamik atorfininnissat eqqarsaatigaarput. Oqaloqatiginninnerit ingerlaavartumik ukiap ingerlanerani pissapput, taamaammat CV-vit atorfimmullu qinnuteqaativit nassiunnissai tunuarsimaarfigissanngilat.
    Qinnuteqaat, CV, ilinniarsimanermut pikkorissarsimanermullu uppernarsaatit, kiisalu siusinnerusukkut atorfigisimasannut takussutissat nassiutikkit ”Qinnuteqaat nassiuguk” toorlugu.
     
    Atorfimmut apeqqutissaqaruit ilinniartitaanermut akisussaasut aqutsisui Anna Marie Knudsen uunga annak@inuili.com imaluunniit Jacob Zederkof uunga jaze@inuili.com allaffigisinnaavatit.
     
    Qujanaq



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk