Skip to main content
75

Dette jobopslag er udløbet

Oqaasilerinermut, Atuakkialerinermut Tuswagassiuutilerinermullu Immikkoortortamut (SLM) adjunkti / lektori

Oqaasilerinermut, Atuakkialerinermut Tusagassiuutilerinermullu Immikkoortortami (SLM)
Ilisimatusarfiup Kulturimik, Oqaatsinik Oqaluttuarisaanermillu Ilisimatusarfiani (KSH) adjunktitut/lektoritut atorfik matumuuna inuttassarsiorneqarpoq.

Atorfik juunip 1-ani 2020 inuttalerneqassaaq imaluunniit isumaqatigiissuteqarnikkut.

Piginnaasanut piumasaqaatit
Qinnuteqartut naatsorsuutigineqarput ph.d.-ussasut postdoc.-iullutilluunniit atuakkialerinermik, kulturimik tusagassiuutilerinermillu ilisimasaqassallutik. Immikkoortortami atuartitsissutigineqartut pingaarnerusumik kalaallisut allatanik tunngaveqarmata, qinnuteqartut kalaallit oqaasiinik ilitsoqqussallit salliutinneqassapput.

Suliassat
Suliassaq pingaarneq tassaavoq bachelorinngorniarfimmi ukiumi siullermi aappaanilu fagini sammineqartuni pingaarnerni, sulisut allat suleqatigalugit, ilinniartitsisuuneq, barchlorinngornianik ukiut 3-aanni ilinniartunik kandidatinngorniartunillu atuartitseqataaneq kiisalu barchelorinngorniartunik, kandidatinngorniartunik ph.d-nngorniartunillu siunnersuineq.

Atorfik ilisimatusarnissamut pisussaaffeqarpoq Kalaallit Nunaannut Issittumullu tunngasumik.

Ilisimatusarfimmi ilinniartitsinermi oqaatsit kalaallisut, danskisut imaluunnit tuluttut atorneqarsinnaasarput.

Kikkuuvugut?
Ilisimatusarfik 1987-imi pilersinneqarpoq, sisamanillu ilisimatusarfeqarluni:
Kulturimik, Oqaatsinik Oqaluttuarisaanermillu Ilisimatusarfik, Inuiaqatigiilerinermik, Aningaasaqarnermik Tusagassiornermillu Ilisimatusarfik,  Ilinniartitsinermik Ilisimatusarfik aamma Peqqissaanermik Ilisimatusarfik, katillugit immikkoortortat 12-ullutik.

Ilisimatusarfinni bachelorinngorniartut kandidatinngorniartullu ilinniartinneqarput.

Kulturimik, Oqaatsinik Oqaluttuarisaanermullu Ilisimatusarfimmi atorfeqarlutilluunniit sulisorineqarput professorit aalajangersimasumik attaveqartut, lektorit, adjunktitut, fagini ilinniartitsisut arlallit, emeritussit kiisalu ph.d.-nngorniarlutik ilinniartut.

Ilisimatusarfik ilisimatusarnermini ilinniartitsinerminilu suleqateqarpoq pingaartumik Danmarkimi, Nunani Avannarlerni, Europami kiisalu Amerikami Avannarlermi.
   
Qinnuteqaat makkuninnga imaqassaaq
Bilag 1: Curriculum Vitae.
Bilag 2: Soraarummeernermut uppernarsaatit.
Bilag 3: Saqqummersitanik allattuiffik.
Bilag 4: Immikkoortortami ilisimatusaatigerusutanik takorluukkat.

Naliliineq atorfinititsinermilu suleriaaseq
Qinnuteqaatit nalilersornissaannut naliliisussat ataatsimiititaliaannik malittarisassat atuuttut naapertorlugit pilersitsisoqassaaq. Qinnuteqarfissaq naappat qinnuteqartut ilisimatinneqassapput kikkut ataatsimiittaliami ilaasortaanersut. Qinnuteqaatit ataatsimiititaliami nalilerneqareerpata kina atorfinitsinneqassanersoq pisortamut innersuussutigineqassaaq.
Kingorna qinnuteqaatit tamarmik atorfinitsitsinissamut ataatsimiititaliami suliarineqassapput.

Atorfimmut tunngasunik paasiniaasinnaavutit uunga: Ilisimatusarfimmi pisortaq Aage Rydstrøm-Poulsen, tlf. +299 385678 imaluunniit lektori Birgit Kleist Pedersen tlf. +299 385675
 
Ilisimatusarfik pillugu paasissutissat uani takuneqarsinnaapput www.uni.gl, uanilu http://da.uni.gl/job.aspx Ilismatusarfik pillugu qinnuteqartunut quppersagaq atuarneqarsinnaavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk