Skip to main content
109

Dette jobopslag er udløbet

Oqaasileriffik tamalaanik suliaqartussamik suleqatissarsiorpoq

Oqaasileriffik tamalaanik suliaqartussamik suleqatissarsiorpoq
Atorfik Nuummiittoq novembarip aallaqqaataani 2019 imalt. isumaqatigiinneq naapertorlugu inuttalerneqassaaq.

Atorfik pillugu:
Atorfik ilinniagartuutut atorfiuvoq makkuninnga suliassaqarfiulluni:

  • Oqaasileriffiup allaffissornikkut aningaasaqarnikkullu suliassaanik isumaginninneq
  • Inuit aqqinik suliassanik isumaginninneq
  • Ukiumut nalunaarutip aaqqissornera/ataqatigiissarlugu saqqummernissaanut isumaginninneq
  • Nittartakkamik isumaginninneq
  • Suliassanut allanut oqaatsinut tunngasunik isumaginninneq

Piginnaasassat:

  • Oqaatsit pillugit ilisimatusarnernut tunngasumik kandidatitut ilinniagaqarsimanissaq (minnerpaamik bacheloritut)
  • Kalaallisut oqaatsit pillugit ilisimasaqarnissaq taakkunanngalu suliaqarnermik misilittagaqarsimanissaq.
  • Oqaasilerisinnaaneq
  • Oqaatsit uku atorsinnaassallugit: kalaallit oqaasii ilitsoqqussaralugit oqaatsitut, danskisut tuluttullu.

 
Neqeroorutigisinnaavagut:

  • Suliffeqarfik pissanganartoq suliassallu unammillernartut
  • Suliffik allanngorartuartoq suleqatitsialaallu, kiisalu allanut attaveqartarnerit
  • Suliffik suliat tungaasigut ineriartorfissaqarluartoq suleqatillu pikkorissut
     

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi
soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup
attuumassuteqarfigisap akornanni isumaqatigiissutaasut atorfininnerup nalaani atuuttut
naapertorlugit ingerlanneqassapput.
Sulinermi piffissaq sapaatip-akunneranut nalunaaquttap akunneri 40-t.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq
Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Oqaasileriffik pillugu:
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq. Annertunerusumik nittartakkami www.oqaasileriffik.gl-imi atuarit.
 
Paasissutissat annertunerusut:
Atorfik pillugu annertunerusumik paasisaqarusuttut Oqaasileriffimmi pisortamut saaffiginnissinnaapput, uunga: Katti Frederiksen (kfre@oqaasileriffik.gl, +299 34 68 90)
 
Qinnuteqarnissamut killigititaq:
Qinnuteqaat ilinniarsimanermut uppernarsaat CV-lu tiguneqareersimassapput: tallimanngornermi oktobarip sisamaat 2019.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk