Skip to main content
110

Dette jobopslag er udløbet

Nuummi Radiunik Ingerlatsivimmut radiocontroller elektronikkinut tunngasunik tunuliaqutalik

Teknikeritut ilinniarsimavit, frekvensit assigisaalluunniit ilisimasaqarfigalugit, aammalu soorlu ilinniartitaanini sulinermik misilittagaqarpit.
Suliatigut unammilligassanut nutaanut piareersimavit, aamma suliassanik kattussisinnaavit?
Taamaappat illit atorfissaqartippatsigit.

Frekvensinik tunniussisarneq taakkununngalu akiligassiisarneq akisussaaffigissavatit.
Tamatuma saniatigut Kalaallit Nunaat tamakkerlugu sullitanut innuttaasunullu siunnersuisarneq, kiisalu ulluinnarni sullissinermi suliassat akisussaaffigissavatit, aammalu Namminersorlutik Oqartussat Nuummi naatsorsuuserivianik suleqateqarnitsinni suleqataassaatit, tassani piffissat killiliussat malinnissaat pikkoriffigissallugu.

Radiunik Ingerlatsiviup nittartagassaata imaanik malinnaatitsinissaq eqqarsaatigalugu isumagissavatit.
Radiunik Ingerlatsivik EDB systemimik nutaamik, immikkoortortaqarfimmi frekvensinut akuersissutinik, uppernarsaatinik il.il. nalunaarsuiffiusussanik ingerlatsilluni aallarnisarpoq.

Atorfik pillugu:
Radiocontrolleritut frekvensinut allaffinnguatsinni suleqatigiit uummaarissut pingasut ilagissavatit, aammalu Radiunik Ingerlatsiviup pisortaa aamma Nalunaarasuartaateqarnermut Aqutsisoqarfik qullersarissavatit.
 
Suliassatit tassaassapput:

  • Radiunut frekvensinullu akuersissutinik tunniussisarneq akiligassiisarnerlu, kiisalu suleriaatsinik pioreersunik ineriartortitseqataaneq
  • Radiunik Ingerlatsiviup akiligassiisarnermi tunngavissanik malinninnissaanik qulakkeerisarneq
  • Nakkutilliinermi suleqatigiinnut uatsinnut suleqataaneq
  • Misilitsitsisarneq aamma misilitsinnerni nakkutilliinermut atatillugu angalasarnerit, immaqalu ukununnga piginnaanngorsarneq: (GOC-mut uppernarsaat, ukiut tallimakkaarlugit nutarterneqartartussaq)
  • Frekvensimut allaffeqarfitsinnik ”nutaamik” annertusaaqataaneq namminerlu atorfigisami ineriartortitsineq
  • Nittartagassatta imassaanik isumagisaqarneq.

 Suliatigut piginnaasaqarfitit:
Frekvenseqarnerup/radioqarnerup iluani annertuumik ilisimasaqarputit. Radiocontrolleritut tunuliaqutaqarputit imaluunniit nalinganik inuussutissarsiornermi misilittagaqarlutit. Tamatuma saniatigut piginnaaneqarfiit uku salliutinneqarput:

  • It aamma elektronikteknologitut assigisaattulluunniit ilinniagaqarneq
  • Radiunik ingerlatsinermi suliassanik annertuumik ilisimasaqarneq.
  • Frekvensinut akuersissutinik tunniussisarnermik ilisimasaqarneq.
  • Suliassani oqinnerusuni sullissinissamut piginnaaneqarneq.
  • Excel-imi superbrugeritut inissisimaneq.
  • Qanoq ukioqarneq apeqqutaatinnagu ilinniaqqinnissamut piareersimaneq.
  • Danskisut tuluttullu, ajornanngippallu kalaallisut oqalussinnaaneq.

Inuttut piginnaaneqarfiit:

  • Siulliulluni suliniuteqarsinnaaneq piffissaliussanillu paarsillaqqinneq.
  • Kiffartuussinissamik ilisimaarinninneq, allannguinissamut piareersimaneq, ilinniarnissamut ilinniaqqinnissamullu piareersimaneq.
  • Oqaluinnarnerit allattariarsornerillu atorlugit ingerlatitseqqinnissamut piginnaaneqarluarneq.
  • Suleriaatsinik pitsannguiffiusinnaasunut tappissuuneq.
  • Ingerlatitsillaqqissoq aammalu aaqqissuussaaneq akimorlugu suleqateqarnissamut piginnaaneqarneq.
  • Akisussaaffeqarlutit kiffaanngissuseqarneq iluarisimaarpat suliallu saniatigut suliaqarnissaq piareersimaffigalugu.
  • Qiimasoq ilakkuminartorlu.

 Ilinnut neqeroorutigaavut:

  • Aaqqissuussaaneq sungiussisimalluarfiusoq, ineriartoqqinnissamut ilinniaqqinnissamullu periarfissaqarfiusoq.
  • Avatangiisini eqqissisimanartuni tutsuiginartunilu suleqatit pikkorissut, sungiussisimasut misilittagallillu.
  • Sullivimmi avatangiisini ingerlalluartuni sulinermi pissuseq pitsaasoq pingaartorsiorfiunngitsorlu.
  • Immikkoortortaqarfik ulapaarfiusoq ineriartupiloortoq, illit sunniuteqarfigisinnaasat.

Paasissutissat annertunerusut
Apeqqutissaqaruit immikkoortortaqarfimmi pisortaagallartoq Erik Rosing tlf. 34 51 33-imut imaluunniit mail erro@nanoq.gl aqqutigalugu, imaluunniit radiocontroller Samuel Lyberth 34 54 71-imut imaluunniit mail slyb@nanoq.gl aqqutigalugu attaveqarfigisinnaavatit.
 
Atorfeqarnermut tunngasut
Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atuuttut naapertorlugit ingerlanneqassapput.

Ineqarneq
Atorfimmut atatillugu sulisunut inissaqartitsisoqanngilaq. Qinnuteqartoq Namminersorlutik Oqartussani atorfeqarnerminut atatillugu sulisunut inissiami najugaqareersimappat, atorfimmi nutaami inissiaq pigiinnarneqarsinnaavoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk