Skip to main content
116

Dette jobopslag er udløbet

Nuummi Radiunik Ingerlatsivimmi ulluinnarni pisortaq

Nunami angallattakkanut qinnuteqaatit, imarsiornermi qinnuteqaatit, nalunaarummi sinaakkusiussat iluanni uppernarsaatinik tunniussisarnerit aamma Radiunik Ingerlatsivimmi aqutsineq aqutarissavatit.
Tamatuma saniatigut aalajangiinerit nalunaarutit avataanniittut apeqquteqaatillu allat, nalunaarutit pineqartut avataanniittut, kiisalu immikkut ittumik akuersissutit isumagissavatit.
Ingerlatsinermut kontonik nakkutilliineq namminersorfigalugu akisussaaffigissavat naatsorsuuserinermilu apeqqutini suleqateqassallutit.
Ukiumoortumik akiligassiissutigut kontollu aqutarissavatit, akuersissutit aamma akiligassat DCR-imut sullississummut nalunaarsortassavatit aammalu ukiumoortumik akiligassiissutit malinnaaffigissallugit.
Kiisalu radiumik atuinissamut akuersissutinik uppernarsaatinillu tunniussisassaatit.
Namminersorlutik Oqartussat Nuummi immikkoortortaqarfianni suleqatigiinnitsinni aammalu niuerfimmi sullissisunut pingaarutilittut attaveqaataassaatit.

Atorfik pillugu:
Ulluinnarni aqutsisutut suleqatigiinnguit uummaarissut pingasuusut akisussaaffigissavatit, aammalu Nalunaarasuartaateqarnermut Aqutsisoqarfimmi pisortaq toqqaannartumik qullersarissavat.

Tamatuma saniatigut suliassatit tassaassapput:

  • Nalunaarusiortarnermut sakkussanik pigineqareersunik ineriartortitseqataaneq.
  • Radiunik Ingerlatsiviup systemianik nutaamik aallarnisaaneq.
  • Radiunik Ingerlatsiviup akiligassiissutit pillugit tunngavissanik maleruagassanillu malinninnissaanik qulakkeerineq.
  • Radiunik Ingerlatsiviup missingersuutinik malinninnissaanik qulakkeerineq.
  • Akiliisarnernik misissuisarneq, Radiunik Ingerlatsiviup systemianik malinnaatitsineq.
  • Aqutsisunut naatsorsuutinut najoqqutassanik uppernarsaaneq aamma suleriaatsinik suliallu ingerlasarnerinik pitsanngorsaaneq.
  • Aaqqissuussaanerup sinneranut ikiorsiisarneq.
  • Misilitsitsisarneq aamma misilitsinnerni nakkutilliinermut atatillugu angalasarnerit, immaqalu ukununnga piginnaanngorsarneq: (GOC-mut uppernarsaat, ukiut tallimakkaarlugit nutarterneqartartussaq).
  • Radiunut frekvensinullu akuersissutinik tunniussisarneq.

Piginnaaneqarfitit:

  • Aqutsinermut piginnaaneqarluarputit.
  • Naatsorsuuserineq ilisimasaqarfigaat. Radiocontrolleritut tunuliaqutaqarputit imaluunniit nalinganik inuussutissarsiornermi misilittagaqarlutit. Tamatuma saniatigut piginnaaneqarfiit uku salliutinneqarput:
  • Naatsorsuuserivimmi misilittagaqarluarputit aningaasaqarnermillu aqutsissutinik assigiinngitsunik ilisimasaqarlutit, aamma Excel-imi superbrugeritut inissisimavutit.
  • Radiunut frekvensinullu suliassaqarfimmi teknikeritut ilinniagaqarputit, soorlu GMDSS.
  • Oqaluinnarnerit allattariarsornerillu atorlugit ingerlatitseqqinissamut piginnaaneqarluarputit.
  • Qiimasuuvutit ilakkuminartuullutillu.
  • Siulliullutit suliniuteqarsinnaavutit uummaarissuullutillu.
  • Ammasuuvutit kiffartuussinissamillu ilisimaarinnittuullutit, aammalu naleqqussallaqqipputit.
  • Ingerlatitseqqinneq piginnaaneqarfigaat aammalu aaqqissuussaaneq akimorlugu suleqateqarnissaq piginnaaneqarfigalugu.
  • Akisussaaffeqarlutit kiffaanngissuseqarneq iluarisimaarpat suliallu saniatigut suliaqarnissaq piareersimaffigalugu.
  • Suliat ingerlasarnerini nutaani unammilligassaqarnissat piareersimaffigaat.

 
Inuttut piginnaaneqarfitit:

  • Siulliullutit suliniuteqartarninni patajaatsuuvutit piffissaliussanullu malinnillaqqissuullutit.
  • Kiffartuussineq ilisimaaraat naleqqussallaqqissuullutillu.
  • Oqaatsitigut allakkatigullu ingerlatitseqqinnissamut piginnaaneqarluarputit
  • Suleriaatsini pitsanngorsagassat tappiffigaatit.
  • Ingerlatitseqqinneq piginnaaneqarfigaat aammalu aaqqissuussaaneq akimorlugu suleqateqarnissaq piginnaaneqarfigalugu.
  • Akisussaaffeqarlutit kiffaanngissuseqarneq iluarisimaarpat suliallu saniatigut suliaqarnissaq piareersimaffigalugu.
  • Qiimasuuvutit ilakkuminartuullutillu.

Ilinnut neqeroorutigaavut:

  • Aaqqissuussaaneq sungiussisimalluarfiusoq
  • Suleqatit pikkorissut misilittagallillu
  • Sullivimmi pissuseq nuannersoq pingaartorsiorfiunngitsorlu
  • Immikkoortortaqarfik ulapaarfiusoq sunniuteqaqataaffigisinnaasat.

 
Atorfeqarnermut tunngasut
Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atuuttut naapertorlugit ingerlanneqassapput.
Atorfimmut atatillugu sulisunut inissaqartitsisoqanngilaq. Qinnuteqartoq Namminersorlutik Oqartussani atorneqarnerminut atatillugu sulisunut inissiami najugaqareersimappat, atorfimmi nutaami inissiaq pigiinnarneqarsinnaavoq.
Ulloq atorfiniffissaq: Isumaqatigiissuteqarnikkut.
 
Paasissutissat annertunerusut:
Apeqqutissaqaruit immikkoortortaqarfimmi pisortaagallartoq Erik Rosing tlf. 34 51 33-imut imaluunniit e-mail erro@nanoq.gl aqqutigalugu attaveqarfigisinnaavat.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk