Skip to main content
107

Dette jobopslag er udløbet

Nuummi Peqqissutsimut Pitsaaliuinermullu Aqutsisoqarfik sulisoqarnermut pisortassarsiorpoq

Siunissatsinni sulisussarsiniarnermut sammivileerusuppit atorfinititsinermilu sulianik eqaallisaallutit
Sulisoqarnermut tunngatillugu suliatsinnik aqutsisinnaavit sammiviliillutillu? Atorfimmilu annertuumik periarfissalimmi nunatsinnilu Peqqinnissaqarfiup sinnerani qanimut sunniivigeqatigiittumi periarfissat takusinnaavigit?

Sulisoqarnermut immikkoortortaqarfik taarseraannermik annertuumik sunnerneqarsimammat atorfimmik pissanganartumik aammali unammillernartumik, nunatsinni Peqqinnissaqarfiup sulisoqarnermut immikkoortortaqarfiata pilerseqqinnissaanut ataatsimuulersinnissaanullu akisussaaffimmik neqeroorfigisinnaavatsigit. 
Atorfik taamaalilluni allanngortitsinermi siunissamut suli pitsaanerusumik ingerlanissamut sulisoqarnermilu sullissinitta pitsaassutsimigut qaffasinnerulersinnissaanut qitiusumik inissisimanissamut, assissaqanngitsumik periarfissiivoq. Taamaammat iliuusissatut siunniussassanik aalajangiinernut allannguinernullu piffissap sivisujaap ingerlanerani piviusunngortitassanut siuttuussaatit. Soqutiginnissaatit ulluinnarnilu sulisoqarnermut tunngatillugu suliassanut ikorfartuisuussallutit.

Peqqissutsimut Pitsaaliuinermullu Aqutsisoqarfiup aaqqissussaanera naapertorlugu illit nunatsinni Peqqinnissaqarfimmi sulisoqarnermut pisortatut inissisimavutit. Peqqinnissaqarfik nuna tamakkerlugu immikkoortortarpassuaqarpoq 1.400-illu missaannik sulisoqarluni. Ukiumut 1400-it missaanniittunik atorfinititsisoqartarpoq, taamaammat sulisussarsiniartarnermik inerisaaqqinnissaq pisariillisaanissarlu tamatumalu peqatigisaanik aqutsisoqatigiit tamaasa suleqatigalugit suliffeqarfimmik aqutsinermillu inerisaanissamik qulakkeereqataanissaq sulisoqarnermut pisortatut suliassaraatit.

Taamaalillutit pingaarnerpaatut suliassatit tassaassaput makkunannga nagitsinissaq:

  • Sulisoqarnermut tunngatillugu sulianik ingerlatsinernik suleriaatsinillu pitsanngorsaaneq
  • Sulisussarsiniarluni suliniutinik inerisaaneq naleqqussaanerlu
  • Peqqinnissaqarfik tamakkerlugu sulilerlaat akuliutilertornissaannik ilikkalertornissaannillu qulakkeerineq
  • Sulisoqarnermik pingaarnertut aqutsisuuneq inerisaanerlu
  • Kattuffinnik isumaqatiginninniarnerni ataqatigiissaarisuuneq

Piginnaasatit
Sulisoqarnermi, inatsisilerinermi assigisaanniluunniit naapertuuttumik inuussutissarsiutinut sammititamik- imal. qaffasissumik ingerlaqqiffiusumik ilinniagaqarputit.
aaqqissuussaanikkut inerisaanermik allaffissornikkullu ingerlatsinermi aqutsinermik ajornanngippat suliffeqarfimmit politikkikkut aqutamit misilittagarqarputit soqutigisaqarlutillu. Sulisoqarnermut tunngasunik inerisaaneq inuunerissutsimik/ingerlalluarnermik misissuinerit pitsaassutsimullu piumasaqaatinut tunngatilugu aqutsineq soqutigisarilluinnarpatit ajornanngippallu misilittagaqarfigalugit. Peqqinnissaqarfimmi sulinissaq kajungeraat.

Inuttut qanoq ittuunerit
Inuttut pitsaasumik isummeriaaseqarputit ilumoortuullutillu, sulisutillu kajumissaarsinnaavatit pimoorussinermillu kajumissutsimillu annertuumik pilersitsillutit. Attaveqatigiinnikkut piginnaasatit pitsaalluinnartuupput, ammasuuvutit misigittassuseqarputit inoqatinnullu kinguneqartussamik tapersersuisumillu pisuseqarputit.

Neqeroorutigisinnaavagut
Sullivimmi avatangiisit uummaarissut inerisaarnissamut periarfissagissaartut suliffeqarfimmi pissanganartumi allanngoriartortumi immikkut sunniuteqarnissamut periarfissaqarneq. Suliffik sulianik suliniutinillu nutaanik inerisaanissami peqataanissamut periarfissalik. Unammilligassat pissanganartut, suleqatinut pimoorussisunut isummersuisunut nutaaliorsinnaasunullu akuulernissamut periarfissaqarneq

Attavissaq
Atorfimmut tunngatillugu paasissutissat Aqutsisoqarfiup pisortaanit Malene M. Nielsenimit oqarasuaatikkut (+299) 48 35 01 imal. mailikkut: mamn@peqqik.gl pissarsiarineqarsinnaapput.

Qinnuteqarfissaq kingulleq: 21. august 2019
Qinnuteqartunik oqaloqateqarneq sap. ak 35-imi ingerlanneqassaaq

Akissarsiat atorfeqartitaanermilu atugassarititaasut:
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk