Peqqinnissaqarfimmi qullersanut siunnersuisarfimmi Aningaasaqarnermut, Ineqarnermut Pisiniarnermullu immikkoortumi pisortassasiorpugut.
Qullersanut siunnersuisarfimmi assigiinngiiaartunik pingaarutilinnik suliassalimmi, sulianik aqutserusukkuit, inerisaarusukkuit pitsaassutsimillu qulakkeererusukkuit – tassaavutit pissarsiarerusutarput.
Qullersanut siunnersuisarfimmi Aningaasaqarnermut immikkoortumi- ilaatigut aningaasanik aqutsinermut, aningaasartuutissanik missingersuinermut malitseqartitsinermullu, pilersaarusiornermut, naatsorsuuserinermut, ineqarnermut pisiniarnermullu tunngasut suliarineqartarput.

Peqqinnissaqarfiup suliassai pingaarnerit tassaapput innuttaasut peqqissusaannik siuarsaaneq, 
nappaatinik nappaatinullu assingullutik pinaveersaartitsineq, napparsimasunik nappaatinullu assingusunik atugalinnik misissuineq, nakorsaaneq paaqqutarinninnerlu. Suliffittut kajungernartuunissaq, aqutsisut sulisullu nalerisimaarfigisaat ineriartortuarnissamullu periarfissiisoq, Peqqinnissaqarfimmit anguniagaavoq.

Suliffik
Qullersanut siunnersuisarfimmi anisaaqarnermut pisortatut; Peqqinnissaqarfimmi aningaasaqarneq, ulluinnarni suliassaqarfinnut, sulianut suliniutinullu amerlasuunut ikorfartuutaasunik aqutsineq inerisaajuarnerlu akisussaaffigilissavatit. Sunniivigeqatigiinnikkut angusaqarfiulluartumik Peqqinnissaqarfimmi aqutsisunik avataaneersunillu qanimut suleqateqassaatit. Ukiumut aningaasaliissutit 1,5 mia. missigaat.

Aningaasaliissutit iluanni nappaateqartumut naleqartitanik pilersitsinissaq ukkatissavat tamatumalu peqatigisaanik periarfissanik nutaanik pitsannguutaasinnaasunillu inerisaanissaq piviusunngortitsinissarlu siunnerfigissallugit. Peqqinnissaqarfik allanngorartuarmat, nukissanik atorfisaanut eqqortumik nuussineq, ingerlatsinernik pitsanngorsaaneq aningaasartuutissanillu missingersuineq qulakkeerniarlugit, iliuusissanik siunniussinissamik eqqarsarneq, pilersaarusiorneq ataqatigiissaarinerlu, suliassaapput annertuut pisarialillu.

Suliassatit assigiinngitsorpassuit ilaatigut makkuupput:

• Aningaasaqarnermut immikkoortortami, ineqarnermut pisiniarnermullu immikkoortortat ilanngullugit ulluinnarni ingerlatsinermik qulakkeerinissaq
• Sulisunik 27-it missaanniittunik aqutsineq, sullivimmi avatangiisit pitsaasuunissaat anguniarlugu sulisunik kajumissaaralunilu inerisaaneq
• Aningaasaqarnikkut ingerlatsinernut pitsanngorsaataasinnaasunullu, aqutsinikkut akisussaasuuneq
• Peqqinnissaqarfimmi qullersanut, Peqqissutsimut Naalakkersuisoqarfimmut allanullu, aqutsinermi sakkussat-, misissueqqissaarnerit-, allakkiat- aalajangiivigisassatullu siunnersuutit suliarineqarnissaannik qulakkeerineq 
• Tusarniaanerni politikkikkullu saaffiginnissutinut akissusiorneq aningaasanullu inatsisissamik suliaqarnermi peqataaneq
• Suliniutini suliassanilu aningaasaqarnermut, ineqarnermut pisiniarnermullu tunngasuni peqataaneq
• Ineqarnermut tunngasut- ilaatigut suleriaatsinik pitsanngorsaaneq maleruagassanillu eqquutitsineq
• Pisiniarnermut atatillugu ataqatigiissaarinermut peqqumaatinillu aqutsinermut atatillugu ingerlatsinernik pitsanngorsaaneq
• Naatsorsueqqissaarneq sulianillu nakkutilliineq.

Makkunannga piginnaasaqarnissat misilittagaqarnissallu kissaatigaarput:

• Naapertuuttumik kandidatitut ilinniagaqarneq
• Aqutsinermik misilittagaqarneq – ajornanngippat suliffeqarfimmit politikkikkut aqunneqartumit
• Aningaasanik aqutsinermik, aningaasartuutissanik missingersuinermik malitseqartitsinermillu annertuumik misilittagaqarneq
• Nunatsinnik ilisimaarinninneq pingaartinneqassaaq
• Pisortat allaffissornikkut ingerlatsiviini Peqqinnissamulluunniit tunngasunik sulinermik misilittagaqarneq pingaartinneqassaaq.

Kinaavit?

• Imminnut akerleriinnik piumaffigineqarneq iliuuseqarfigisinnaavat, suliassanik nukissatullu atugassanik qularnaatsumik, siunnerfilimmik silatuumillu/isumatuumillu tulleriiaarisinnaallutit
• Siunnerfilimmik eqqarsartaaseqarputit, piumassuseqqortuujullutit, angusaqarluartarlutit akisussaassuseqarlutillu
• Pimoorussisuuvutit, alapernaatsuuvutit naalaartuullutillu – oqaloqatigiinnermik, peqataatitsinermik attaveqatigiinnermillu tunngavilimmik suleriaaseqarlutit
• Suleqatikkuminarputit, ammasuuvutit, pissutsit piviusut tunngavigalugit aaqqiissuteqartarlutit eqaatsumillu pissuseqarlutit
• Aqutserusussuseqarputit tamatumunngalu atatillugu sullivimmi avatangiisit, ataatsimoorneq, sullivimmik nuannarinninneq, kajumissuseq piginnaasatigullu inerisaaneq ukkakkusullugit
• Piviusunngortitsisinnaavutit suliallu naammassineqarnissaannik qulakkeerisinnaallutit
• Politikkikkut allaffissornikkullu ingerlatsinermi kulturinilu arlalinni ajornartorsiutinik avaqqutaarisinnaavutit

Atorfimmi akisussaaffiit pillugit nassuiaat uani innersuunneqarpoq: HER

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq.

Nunatsinni Peqqinnissaqarfik aaqqisuussaannikkut nuna tamakkerlugu ataatsimoorpoq suliassarpassuillu assigiinngiaartut peqqinnissamut tunngasut isumagineqarlutik.

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, sinerissamilu qitiusumik immikkoortunut tallimanut, Dronning Ingridillu Napparsimmavissuani nakorsaanermi immikkoortunut qulaaluanut, qullersanullu siunnersuisarfimmi immikkoortunut arfinilinnut agguagaalluni.

Peqinnissaqarfik 1400-it missaannik sulisoqartoq nunaminertanut 72-it sinneqartunut agguataarsimavoq. Aaqqisuussaanermut takussutissiaq uani takuuk: https://gjob.dk/organisationen/organisationsplan/

Sulisunut Nuummiittunut 25-it missaanniittunut Danmarkimiittunullu marlunnut aqutsisunngussaatit. Aaqqisuussaanikkut Peqqinnissaqarfimmi qullersat ataanni inissisimassaatit, taakkulu arlaat ataaseq pingaarnertut siunersioqatissarissallugu.

Ilinniagaqassutsikkut imminut unammilligassinniarpit? Alapernaatsuuit assigiinngitsunillu suliaqarneq nuannaraajuk? Taava nunatsinni Peqqinnissaqarfimmi sulinissaq ilinnut naleqquttuussaaq.
Nunatsinni Peqqinnissaqarfik uani annertunerusunik paasisassarsiorfigisinnaavat: www.gjob.gl

Ulloq atorfiniffissaq: 1. juli 2023 imal. tamatuma kinguninngua.

Qinnuteqarfissaq kingulleq: 15. juni 2023. 

Attavissaq
Atorfik pillugu paasissutissat Peqqinnissaqarfiup pisortaaneranit Tina Amondsenimit oqarasuaatikkut: (+299) 547867 imal. mailikkut: tiam@peqqik.gl pissarsiarineqarsinnaapput.

Akissarsiat atorfininnermilu atugassarititaasut pillugit paasissutissat nalinginnaasut uunga saaffiginninnikkut aamma pissarsiarineqarsinnaapput: PERSONALE@PEQQIK.GL
 
Akissarsiat atorfeqartitaanermilu atugassarititaasut:
Atorfik maanna akissaateqarfimmi 38-imi inissisimavoq.
Akissaateqarfimmi 38-imi akissarsiat, tapisiat aalajangersimasut ilanngullugit, 2022-imi apriilip ulluisa aallaqqaataanni aalajangersakkat naapertorlugit qaammammut kr. 60.012-iupput ukiumullu kr. 720.141-iullutik.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Qinnuteqaat nassiuguk